ರಾಧೆ-ಶ್ಯಾಮ್: ಪ್ರಭಾಸ್ ಬಟ್ಟೆಗೆ ಖರ್ಚಾಗಿದ್ದು ಎಷ್ಟು ಕೋಟಿ ಗೊತ್ತೆ?

ಪ್ರಭಾಸ್‌ ಉಡುಗೆಗಳಿಗಾಗಿ ಕೋಟ್ಯಂತರ ಖರ್ಚು

ರಾಧೆ-ಶ್ಯಾಮ್ ಸಿನಿಮಾದಲ್ಲಿ ಕೇವಲ ಪ್ರಭಾಸ್ ಅವರ ಉಡುಗೆಗಾಗಿ ಮಾತ್ರವೇ 6 ಕೋಟಿ ಹಣ ಖರ್ಚು ಮಾಡಲಾಗಿದೆಯಂತೆ. ಪ್ರಭಾಸ್ ಉಡುಗೆಯನ್ನು ಡಿಸೈನ್ ಮಾಡಲೆಂದೇ ವಿಶೇಷ ಕಾಸ್ಟ್ಯೂಮ್ ಡಿಸೈನರ್ ಅನ್ನು ನೇಮಿಸಲಾಗಿತ್ತಂತೆ.

70 ರ ದಶಕದ ಪ್ಯಾರಿಸ್ ಉಡುಗೆಗಳ ಬಗ್ಗೆ ಸಂಶೋಧನೆ

ರಾಧೆ-ಶ್ಯಾಮ್ ನಲ್ಲಿ ಪ್ರಭಾಸ್ ತೊಟ್ಟಿರುವ ಉಡುಗೆಗಳು ಪ್ಯಾರಿಸ್‌ನಲ್ಲಿ 1960-70 ರ ದಶಕದಲ್ಲಿ ದೊರೆಯುವ ಉಡುಗೆಗಳಾಗಿದ್ದು, ಆ ಕಾಲದ ಉಡುಗೆಗಳ ಬಗ್ಗೆ ಸಂಶೋಧನೆ ನಡೆಸಿ, ಆ ಉಡುಗೆಗಳಿಗೆ ಇನ್ನಷ್ಟು ಹೊಸ ರಂಗು ತುಂಬಿ ಪ್ರಭಾಸ್ ಗೆ ತೊಡಿಸಲಾಗಿದೆ.

ಪ್ಯಾರಿಸ್ ಹಾಗೂ ಭಾರತೀಯ ಡಿಸೈನರ್‌ಗಳು

ಪೂಜಾ ಹೆಗ್ಡೆ ಗೆ ಸಹ ಬಹು ಭಿನ್ನ ರೀತಿಯ ಉಡುಗೆಗಳನ್ನು ಸಿನಿಮಾದಲ್ಲಿ ನೀಡಲಾಗಿದೆ. ಪ್ಯಾರಿಸ್‌ನ ಸ್ಥಳೀಯ ಫ್ಯಾಷನ್ ಡಿಸೈನರ್ ಹಾಗೂ ಭಾರತದ ಫ್ಯಾಷನ್ ಡಿಸೈನರ್ ಸೇರಿಕೊಂಡು ಸಿನಿಮಾದಲ್ಲಿ ಕಾಸ್ಟ್ಯೂಮ್ ಡಿಸೈನಿಂಗ್ ಮಾಡಿದ್ದಾರೆ.

1960-70 ರ ದಶಕದ ಪ್ಯಾರಿಸ್ ಅನ್ನು ಮರುಸೃಷ್ಟಿಸಲಾಗಿದೆ

1960-70 ರ ದಶಕದ ಪ್ಯಾರಿಸ್ ಅನ್ನು ರಾಧೆ-ಶ್ಯಾಮ್ ಸಿನಿಮಾದಲ್ಲಿ ಮರುಸೃಷ್ಟಿಸಲಾಗಿದೆ. ಸಿನಿಮಾದಲ್ಲಿ ಅವೇ ಕಾಲದ ವಾಹನಗಳು, ಉಡುಗೆ, ಪೋಸ್ಟರ್‌ಗಳನ್ನು ಬಳಸಲಾಗಿದೆ. ಇತ್ತೀಚೆಗೆ ಬಿಡುಗಡೆ ಆದ ಟೀಸರ್‌ನಲ್ಲಿ 70 ರ ದಶಕದ ಕಲ್ಲಿದ್ದಲು ಎಂಜಿನ್‌ನ ರೈಲನ್ನು ತೋರಿಸಲಾಗಿತ್ತು.