ಪ್ರಭಾಸ್ ಹುಟ್ಟುಹಬ್ಬಕ್ಕೆ ಫ್ಲೆಕ್ಸ್ ಕಟ್ಟಲು ಹೋಗಿ ಅಭಿಮಾನಿ ಸಾವು

ಯಡ್ಡನಪುಡಿ ಮಂಡಲದ ಪೂನೂರು ಗ್ರಾಮದಲ್ಲಿ ಘಟನೆ

ಮೊದಲ ಘಟನೆಯು ಪೂರ್ವ ಗೋದಾವರಿ ಜಿಲ್ಲೆಯಲ್ಲಿ ನಡೆದಿದೆ. ಜಿಲ್ಲೆಯ ಯಡ್ಡನಪುಡಿ ಮಂಡಲದ ಪೂನೂರು ಗ್ರಾಮದಲ್ಲಿ ಕೆಲ ಪ್ರಭಾಸ್ ಅಭಿಮಾನಿಗಳು ಸೇರಿ, ಪ್ರಭಾಸ್‌ಗೆ ಹುಟ್ಟುಹಬ್ಬ ಶುಭಾಶಯದ ಫ್ಲೆಕ್ಸ್‌ ಮಾಡಿಸಿ, ಗ್ರಾಮದಲ್ಲಿ ಕಟ್ಟಲು ಯತ್ನಿಸಿದ್ದಾರೆ.

ವಿದ್ಯುತ್ ಶಾಕ್ ಹೊಡೆದು ಅಭಿಮಾನಿ ಸಾವು

ಫ್ಲೆಕ್ಸ್ ಕಟ್ಟಬೇಕಾದರೆ ಅಭಿಮಾನಿ ಸುಗುಣ್ ರಾವ್‌ ಗೆ ವಿದ್ಯುತ್ ಶಾಕ್ ಹೊಡೆದಿದೆ. ಆತನನ್ನು ಕೂಡಲೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಸಹ ಆತ ಬದುಕುಳಿಯಲಿಲ್ಲ. ಪ್ರಭಾಸ್ ಹುಟ್ಟುಹಬ್ಬದಂದೇ ಆತನ ಸಾವು ಸಂಭವಿಸಿತು.

ಸಾಹೋ ಸಿನಿಮಾ ಬಿಡುಗಡೆ ವೇಳೆಯೂ ಅವಘಡ

ಈ ಹಿಂದೆ ಪ್ರಭಾಸ್‌ ಅಭಿನಯದ ಸಾಹೋ ಸಿನಿಮಾ ಬಿಡುಗಡೆ ಆದಾಗಲೂ ಸಹ ಸಾಹೋ ಸಿನಿಮಾದ ಫ್ಲೆಕ್ಸ್ ಕಟ್ಟಬೇಕಾದರೆ ವಿದ್ಯುತ್ ತಗುಲಿ ಅಭಿಮಾನಿಯೊಬ್ಬ ಸಾವನ್ನಪ್ಪಿದ್ದ. ಆತನಿಗೆ ಸಿನಿಮಾದ ಪರವಾಗಿ ಪರಿಹಾರ ಹಣ ನೀಡಲಾಗಿತ್ತು.

ಪವನ್ ಕಲ್ಯಾಣ್ ಅಭಿಮಾನಿಗಳು ನಿಧನ ಹೊಂದಿದ್ದರು

ಕೆಲವು ದಿನಗಳ ಹಿಂದಷ್ಟೆ ಪವನ್ ಕಲ್ಯಾಣ್ ಹುಟ್ಟುಹಬ್ಬದಂದು ಫ್ಲೆಕ್ಸ್ ಕಟ್ಟುತ್ತಿದ್ದ ಮೂವರು ಅಭಿಮಾನಿಗಳು ವಿದ್ಯುತ್ ಸ್ಪರ್ಷದಿಂದ ಸಾವನ್ನಪ್ಪಿದರು. ಮೃತರ ಕುಟುಂಬಕ್ಕೆ ಪವನ್ ಕಲ್ಯಾಣ್, ರಾಮ್ ಚರಣ್, ಅಲ್ಲು ಅರ್ಜುನ್ ತಲಾ ಎರಡು ಲಕ್ಷ ಪರಿಹಾರ ನೀಡಿದರು.