Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತರುಣ್ ಜೊತೆ ಪ್ರೀತಿ ಮತ್ತು ದುಬಾರಿ ಕಾರು ಉಡುಗೊರೆ: ಸ್ಪಷ್ಟನೆ ಕೊಟ್ಟ ಪ್ರಿಯಾಮಣಿ
ಕನ್ನಡತಿ, ನಟಿ ಪ್ರಿಯಾಮಣಿ ಈಗ ಮದುವೆಯಾಗಿ ನೆಮ್ಮದಿಯ ಜೀವನ ಸಾಗಿಸುತ್ತಿದ್ದಾರೆ. ಮದುವೆ ನಂತರ ನಟನೆಯನ್ನೇನೂ ಬಿಡದ ಪ್ರಿಯಾಮಣಿ ಈಗಲೂ ದಕ್ಷಿಣ ಭಾರತದ ವಿವಿಧ ಭಾಷೆಗಳ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.
ಆದರೆ ನಟಿ ಪ್ರಿಯಾಮಣಿ ಬಗ್ಗೆ ಬಹು ವರ್ಷದ ಹಿಂದೊಮ್ಮೆ ಗಾಳಿಸುದ್ದಿಯೊಂದು ತುಸು ಜೋರಾಗಿಯೇ ಹರಿದಾಡಿತ್ತು. ತೆಲುಗಿನ ಯುವ ನಟನೊಂದಿಗೆ ಪ್ರೇಮದಲ್ಲಿದ್ದಾರೆ, ಇಬ್ಬರೂ ಮದುವೆ ಆಗಲಿದ್ದಾರೆ ಎಂದೆಲ್ಲಾ ವರದಿಗಳು ಪ್ರಕಟವಾಗಿದ್ದವು.
ಆದರೆ ಅದಾವುದೂ ನಡೆಯಲಿಲ್ಲ, ಮತ್ತು ಆಗ ಹರಡಿದ್ದ ಗಾಳಿ ಸುದ್ದಿಗಳ ಬಗ್ಗೆ ಇತ್ತೀಚಿನ ಸಂದರ್ಶನವೊಂದರಲ್ಲಿ ನಟಿ ಪ್ರಿಯಾಮಣಿ ಸ್ಪಷ್ಟನೆ ನೀಡಿದ್ದಾರೆ. ಆ ರೂಮರ್ಗಳ ತಮ್ಮ ಮೇಲೆ ಬೀರಿದ ಪ್ರಭಾವ, ಅದರಿಂದ ತಾವು ಕಲಿತ ಪಾಠದ ಬಗ್ಗೆಯೂ ಪ್ರಿಯಾಮಣಿ ಮಾತನಾಡಿದ್ದಾರೆ.
ನವವಸಂತ ಸಿನಿಮಾದಲ್ಲಿ ಒಟ್ಟಿಗೆ ನಟನೆ
ತೆಲುಗಿನಲ್ಲಿ ಒಂದು ಕಾಲದ ರೊಮ್ಯಾಂಟಿಕ್ ನಟ ತರುಣ್ ಜೊತೆಗೆ ಪ್ರಿಯಾಮಣಿ ಹೆಸರು ತಳುಕು ಹಾಕಿಕೊಂಡಿತ್ತು. ಇಬ್ಬರೂ ಒಟ್ಟಿಗೆ 'ನವವಸಂತಂ' ಸಿನಿಮಾದಲ್ಲಿ ನಟಿಸಿದ್ದರು. ಆ ಸಿನಿಮಾದ ನಂತರ ಇಬ್ಬರ ಬಗ್ಗೆ ರೂಮರ್ ಹಬ್ಬಿತ್ತು.
ಪ್ರಿಯಾಮಣಿಗೆ ದುಬಾರಿ ಕಾರು ನೀಡಿದ್ದಾರೆಂದು ಸುದ್ದಿ
ಪ್ರಿಯಾಮಣಿ ಹಾಗೂ ತರುಣ್ ಪ್ರೀತಿಸುತ್ತಿದ್ದಾರೆ. ಇಬ್ಬರೂ ಶೀಘ್ರದಲ್ಲಿಯೇ ಮದುವೆ ಆಗಲಿದ್ದಾರೆ. ತರುಣ್, ಪ್ರಿಯಾಮಣಿಗೆ ಭಾರಿ ದುಬಾರಿ ಕಾರೊಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎಂದೆಲ್ಲಾ ಸುದ್ದಿಗಳು ಕೆಲವು ಪತ್ರಿಕೆಗಳಲ್ಲಿ ಪ್ರಕಟವಾಗಿದ್ದವು.
ವರದಿಗಾರನನ್ನು ಬೈದಿದ್ದ ಪ್ರಿಯಾಮಣಿ
ಈ ಬಗ್ಗೆ ವರದಿಗಾರರೊಬ್ಬರು ಸ್ಪಷ್ಟನೆ ಪಡೆಯಲು ಪ್ರಿಯಾಮಣಿಗೆ ಕರೆ ಮಾಡಿದ್ದಾಗ, ಪ್ರಿಯಾಮಣಿ ಆ ವರದಿಗಾರನ ಮೇಲೆ ಹಾಗೂ ಸುಳ್ಳು ಸುದ್ದಿ ಬರೆದ ಪತ್ರಿಕೆಗಳ ಮೇಲೆ ಕಿರುಚಾಡಿ, ಬೈದಿದ್ದರಂತೆ. ಆ ಸುಳ್ಳು ಸುದ್ದಿಗಳಿಂದ ಮನಸ್ಸಿಗೆ ತೀವ್ರ ಘಾಸಿಯಾಗಿತ್ತು ಎಂದಿದ್ದಾರೆ ಪ್ರಿಯಾಮಣಿ.
ತಂದೆ ನೀಡಿದ ಸಲಹೆ ಪಾಲಿಸುತ್ತಿರುವ ಪ್ರಿಯಾಮಣಿ
ನಡೆದ ಘಟನೆಯನ್ನು ಪ್ರಿಯಾಮಣಿ ತಮ್ಮ ತಂದೆಗೆ ವಿವರಿಸಿದಾಗ, ಇಂಥಹ ಸುದ್ದಿಗಳಿಗೆ ಪ್ರತಿಕ್ರಿಯೆ ನೀಡಿದರೆ ಅದು ಬೆಳೆಯುತ್ತಾ ಹೋಗುತ್ತದೆ, ಹಾಗಾಗಿ ಇಂಥಹಾ ಸುದ್ದಿಗಳಿಗೆ ಪ್ರತಿಕ್ರಿಯೆ ನೀಡಬಾರದು ಎಂದರಂತೆ. ಆಗಿನಿಂದಲೂ ತಮ್ಮ ಬಗ್ಗೆ ಯಾವುದೇ ರೂಮರ್ ಪ್ರಕಟವಾದರೂ ಪ್ರತಿಕ್ರಿಯಿಸುವುದಿಲ್ಲವಂತೆ ಪ್ರಿಯಾಮಣಿ.
Recommended Video
ಹಲವು ಸಿನಿಮಾಗಳಲ್ಲಿ ನಟಿಸುತ್ತಿರುವ ಪ್ರಿಯಾಮಣಿ
2017 ರಲ್ಲಿ ಮಸ್ತಾನ್ ರಾಜ್ ಎಂಬುವರನ್ನು ಪ್ರಿಯಾಮಣಿ ವಿವಾಹವಾಗಿದ್ದಾರೆ. ಮದುವೆ ನಂತರವೂ ನಟನೆ ಮುಂದುವರೆಸಿರುವ ಪ್ರಿಯಾಮಣಿ, ತೆಲುಗಿನಲ್ಲಿ ವೆಂಕಟೇಶ್ ಜೊತೆಗೆ ನಾರಪ್ಪ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅಂಗುಲಿಕಾ, ಸೈನೈಡ್, ಪೇಂಟಿಂಗ್ ಲೈಫ್, ಪಪ್ಪಾ, ಮೈದಾನ್, ವಿರಾಟ ಪರ್ವಂ, ಸಿರಿವೆನ್ನೆಲ, ಖೈಮರಾ, ಕಾದಲ್ ಮುದಿಚು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.