ಆರ್‌ಆರ್‌ಆರ್‌ ರೀತಿ ವಿದೇಶದಲ್ಲಿ ಮೆರೆಯಲು ಹೋಗಿ ಬಾಡಿದ 'ಪುಷ್ಪ'; ಪ್ರಚಾರದ ದುಡ್ಡಾದ್ರೂ ಬಂತಾ?

ಕಲೆಕ್ಷನ್ ಬಗ್ಗೆ ಇಲ್ಲ ಅಪ್‌ಡೇಟ್!

ಪುಷ್ಪ ಚಿತ್ರ ರಷ್ಯಾದಲ್ಲಿ ಮಕಾಡೆ ಮಲಗಿದೆ ಎಂದು ಹೇಳಲು ಕಾರಣ ಚಿತ್ರತಂಡ ಚಿತ್ರ ಬಿಡುಗಡೆಯಾದ ನಂತರ ಕಲೆಕ್ಷನ್ ಕುರಿತು ಯಾವುದೇ ಮಾಹಿತಿಯನ್ನು ನೀಡದೇ ಇರುವುದು. ಹೌದು, ರಷ್ಯಾದಲ್ಲಿ ಪುಷ್ಪ ಬಿಡುಗಡೆಯಾಗುವ ಮುನ್ನ ಸಾಮಾಜಿಕ ಜಾಲತಾಣದಲ್ಲಿ ಸಾಲು ಸಾಲು ಪೋಸ್ಟ್ ಹಂಚಿಕೊಂಡಿರುವ ಚಿತ್ರತಂಡ ಬಿಡುಗಡೆಯಾದ ನಂತರ ಕಲೆಕ್ಷನ್ ಬಗ್ಗೆಯೂ ಒಂದೇ ಒಂದು ಪೋಸ್ಟ್ ಅನ್ನೂ ಸಹ ಹಂಚಿಕೊಂಡಿಲ್ಲ ಹಾಗೂ ಚಿತ್ರ ಒಳ್ಳೆಯ ಪ್ರದರ್ಶನವನ್ನು ಕಾಣುತ್ತಿದೆ ಎಂಬ ಪೋಸ್ಡರ್ ಅನ್ನೂ ಕೂಡ ಶೇರ್ ಮಾಡಿಲ್ಲ. ಈ ಮೂಲಕ ಚಿತ್ರ ರಷ್ಯಾದಲ್ಲಿ ಸೋತು ಸುಣ್ಣವಾಗಿದೆ ಎನ್ನುವುದಂತೂ ಖಚಿತವಾಗಿದೆ.

ಪ್ರಚಾರಕ್ಕೆ ಹಾಕಿದ್ದ ಹಣವಾದ್ರೂ ಬಂತಾ?

ಇನ್ನು ಪುಷ್ಪ ಚಿತ್ರತಂಡ ರಷ್ಯಾದಲ್ಲಿ ಪ್ರಚಾರ ನಡೆಸಲೆಂದೇ ಸುಮಾರು ಐದರಿಂದ ಏಳು ಕೋಟಿ ಖರ್ಚು ಮಾಡಿತ್ತು ಎಂದು ವರದಿಯಾಗಿತ್ತು. ಸದ್ಯ ಚಿತ್ರತಂಡ ಸೈಲೆಂಟ್ ಆಗಿರುವುದನ್ನು ನೋಡಿದರೆ ಚಿತ್ರದ ಪ್ರಚಾರಕ್ಕಾಗಿ ಖರ್ಚು ಮಾಡಲಾಗಿದ್ದ ಹಣವಾದ್ರೂ ವಾಪಸ್ ಬಂತಾ ಎಂಬ ಪ್ರಶ್ನೆ ಮೂಡದೇ ಇರದು. ಈ ವಿಷಯದ ಕುರಿತಾಗಿ ಸಾಮಾಜಿಕ ಜಾಲತಾಣದಲ್ಲಿಯೂ ಸಹ ಚರ್ಚೆಗಳು ನಡೆಯುತ್ತಿದ್ದು, ಆರ್ ಆರ್ ಆರ್ ರೀತಿ ವಿದೇಶಿ ನೆಲದಲ್ಲಿ ಮೆರೆಯಲು ಹೋದ ಪುಷ್ಪ ಮಕಾಡೆ ಮಲಗಿದೆ ಎಂದು ಟ್ರೋಲ್ ಆಗುತ್ತಿದೆ.

ಆರ್ ಆರ್ ಆರ್ ಗಳಿಸಿದ್ದೆಷ್ಟು?

ಜಪಾನಿನಲ್ಲಿ ಬಿಡುಗಡೆಯಾಗಿ ಭರ್ಜರಿ ಪ್ರದರ್ಶನ ಕಂಡ ಆರ್ ಆರ್ ಚಿತ್ರ ಸುಮಾರು 24.10 ಕೋಟಿ ರೂಪಾಯಿಗಳನ್ನು ಗಳಿಕೆ ಮಾಡಿತ್ತು. ಈ ಮೂಲಕ ಜಪಾನಿನಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಭಾರತದ ಚಿತ್ರ ಎಂಬ ದಾಖಲೆಯನ್ನೂ ಸಹ ಆರ್ ಆರ್ ಆರ್ ಬರೆಯಿತು. ಈ ಹಿಂದೆ ರಜನಿಕಾಂತ್ ನಟನೆಯ ಮುತ್ತು ಚಿತ್ರ ಜಪಾನಿನಲ್ಲಿ 23.50 ಕೋಟಿ ರೂಪಾಯಿಗಳನ್ನು ಗಳಿಸಿತ್ತು. ಈ ದಾಖಲೆಯನ್ನು ಆರ್ ಆರ್ ಆರ್ ಮುರಿದು ಹಾಕಿದೆ.