ಮಹೇಶ್ ಬಾಬು ಸಿನಿಮಾ ಮುಗಿಸಲು ರಾಜಮೌಳಿಗೆ ಬೇಕು 3 ವರ್ಷ: ಫ್ರಾನ್ಸ್‌ನಲ್ಲಿ VFX!

ಫ್ರಾನ್ಸ್ ಭೇಟಿ ಮಾಡಿದ್ದೇಕೆ?

ರಾಜಮೌಳಿ ಮುಂದಿನ ಸಿನಿಮಾ ಭರ್ಜರಿ ತಯಾರಿಯಂತೂ ನಡೆಸಿದ್ದಾರೆ. ಇತ್ತೀಚೆಗೆ ರಾಜಮೌಳಿ ಫ್ರಾನ್ಸ್ ಮೂಲದ 3ಡಿ ಆನಿಮೇಷನ್ ಹಾಗೂ ವಿಎಫ್‌ಎಕ್ಸ್ ಸ್ಟುಡಿಯೊಗೆ ಭೇಟಿ ನೀಡಿದ್ದಾರೆ. ಯುನಿಟ್ ಇಮೇಜ್ ಎನ್ನುವ ಅನಿಮೇಷನ್ ಕಂಪನಿ ಮುಂದೆ ರಾಜಮೌಳಿ ನಿಂತಿರುವ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಇದು ಮಹೇಶ್ ಬಾಬು 29ನೇ ಸಿನಿಮಾ ಬಗ್ಗೆ ರಾಜಮೌಳಿ ನೀಡಿರುವ ಮೊದಲ ಅಪ್‌ಡೇಟ್ ಎಂದು ಹೇಳಲಾಗುತ್ತಿದೆ.

ಮಗನ ತ್ಯಾಗದ ಬಗೆಗಿನ ಸಿನಿಮಾ ಕಂಡು ಕಣ್ಣೀರುಗರೆದ ಸಂದೀಪ್ ಉನ್ನಿಕೃಷ್ಣನ್ ಪೋಷಕರು

ಪ್ರಿ-ಪ್ರೊಡಕ್ಷನ್ ಕೆಲಸ ಶುರು

ಮಹೇಶ್ ಬಾಬು 29ನೇ ಸಿನಿಮಾಗಾಗಿ ಮಹೇಶ್ ಬಾಬು ಪ್ರೀ-ಪ್ರೊಡಕ್ಷನ್ ಕೆಲಸ ಆರಂಭಿಸಿದ್ದಾರೆ ಎನ್ನುವ ಸುದ್ದಿ ಟಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ಇದೊಂದು ಅದ್ಧೂರಿ ಸಾಹಸಮಯ ದೃಶ್ಯಗಳನ್ನು ಹೊಂದಿರುವ ಸಿನಿಮಾ ಎಂದು ಹೇಳಲಾಗುತ್ತಿದೆ. ಇದರೊಂದಿಗೆ ರಾಜಮೌಳಿ ವಿಜ್ಯೂವಲ್ ಎಫೆಕ್ಟ್‌ಗೆ ಹೆಚ್ಚು ಮಹತ್ವವನ್ನು ನೀಡುತ್ತಿದ್ದು, ಕಣ್ಣು ಕುಕ್ಕುವ ದೃಶ್ಯಗಳು ಇರಲಿವೆ ಎಂದು ಟಾಲಿವುಡ್‌ನಲ್ಲಿ ವರದಿಯಾಗಿದೆ.

ರಾಜಮೌಳಿಗೆ ಬೇಕು 3 ವರ್ಷ

ಮಹೇಶ್ ಬಾಬು ಸಿನಿಮಾವನ್ನಾದರೂ ರಾಜಮೌಳಿ ಬೇಗ ಮುಗಿಸುತ್ತಾರಾ? ಅಂತ ಮಹೇಶ್ ಬಾಬು ಫ್ಯಾನ್ಸ್ ಎದುರು ನೋಡುತ್ತಿದ್ದಾರೆ. ಆದರೆ, ಇದೀಗ ಹರಿದಾಡುತ್ತಿರುವ ಸುದ್ದಿ ಪ್ರಕಾರ, ಟಾಲಿವುಡ್‌ ಸೂಪರ್‌ಸ್ಟಾರ್ ಸಿನಿಮಾಗೆ ರಾಜಮೌಳಿಗೆ 3 ವರ್ಷ ಬೇಕಂತೆ. ಈ ಕಾರಣಕ್ಕೆ ಮಹೇಶ್ ಬಾಬು ಅಭಿಮಾನಿಗಳಿಗೆ ಕೊಂಚ ನಿರಾಸೆ ಆಗಿದ್ದರೂ, ಮತ್ತೊಂದು ಮೆಗಾ ಹಿಟ್ ಸಿಗುತ್ತೆ ಎನ್ನುವ ಖುಷಿಯಲ್ಲೂ ಇದ್ದಾರೆ.

2024ರ ಚುನಾವಣೆ ಲೆಕ್ಕಾಚಾರ: ಆಂಧ್ರ ಸಿಎಂ ಮಹೇಶ್ ಬಾಬು ತಂದೆಗೆ ವಿಶ್ ಮಾಡಿದ ಗುಟ್ಟೇನು?

ತ್ರಿವಿಕ್ರಮ್ ಜೊತೆ ಮಹೇಶ್ ಮುಂದಿನ ಸಿನಿಮಾ

'ಸರ್ಕಾರು ವಾರಿ ಪಾಟ' ಸಿನಿಮಾದ ಬಳಿಕ ಮಹೇಶ್ ಬಾಬು ಮುಂದಿನ ಸಿನಿಮಾವನ್ನು ಮಹೇಶ್ ಬಾಬು ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾ ಕೆಲಸ ಕೂಡ ಶುರುವಾಗಿದೆ. ತ್ರಿವಿಕ್ರಮ್ ಜೊತೆಗಿನ ಸಿನಿಮಾ ಮುಗಿದ ಬಳಿಕವೇ ಮಹೇಶ್ ಬಾಬು ಹಾಗೂ ರಾಜಮೌಳಿ ಪ್ಯಾನ್ ಇಂಡಿಯಾ ಸಿನಿಮಾ ಆರಂಭ ಆಗಲಿದೆ. ಮೂಲಗಳ ಪ್ರಕಾರ 2023 ಮಾರ್ಚ್ -ಏಪ್ರಿಲ್ ವೇಳೆಗೆ ಸಿನಿಮಾ ಆರಂಭ ಆಗಲಿದೆ.