'ಆಚಾರ್ಯ' ಸಿನಿಮಾದಲ್ಲಿ ತಮ್ಮ ಪಾತ್ರದ ಗುಟ್ಟು ಬಿಟ್ಟುಕೊಟ್ಟ ರಾಮ್ ಚರಣ್ ತೇಜ

ರಾಮ್ ಚರಣ್ ಗೆ ಪೂಜಾ ಹೆಗ್ಡೆ ನಾಯಕಿ

ಸಿನಿಮಾದಲ್ಲಿ ರಾಮ್ ಚರಣ್ ಗೆ ನಾಯಕಿಯಾಗಿ ನಟಿ ಪೂಜಾ ಹೆಗ್ಡೆ ನಟಿಸುತ್ತಿದ್ದಾರೆ. ಸಿನಿಮಾದಲ್ಲಿ ನಾಯಕ ಚಿರಂಜೀವಿ ಅವರೇ ಆಗಿರುತ್ತಾರೆ. ಆದರೆ ರಾಮ್ ಚರಣ್ ತೇಜ ಅವರದ್ದೂ ಸಹ ಅಷ್ಟೇ ಪ್ರಮುಖವಾದ ಪಾತ್ರ ಸಿನಿಮಾದಲ್ಲಿ ಇರಲಿದೆ.

ಮಗಧೀರ, ಬ್ರೂಸ್ ಲೀ ಸಿನಿಮಾದಲ್ಲಿ ಚಿರಂಜೀವಿ ಅತಿಥಿ ಪಾತ್ರ

ಈ ಹಿಂದೆ ರಾಮ್ ಚರಣ್ ತೇಜ ಅಭಿನಯಿಸಿದ್ದ 'ಮಗಧೀರ' ಹಾಗೂ 'ಬ್ರೂಸ್‌ ಲೀ' ಸಿನಿಮಾದಲ್ಲಿ ನಟ ಚಿರಂಜೀವಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು. ಇದೇ ಮೊದಲ ಬಾರಿಗೆ ಅಪ್ಪ-ಮಕ್ಕಳಿಬ್ಬರೂ ಸಿನಿಮಾ ಒಂದರಲ್ಲಿ ಪೂರ್ಣ ಪ್ರಮಾಣದ ಪಾತ್ರಗಳಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ.

'ಆಚಾರ್ಯ' ಸಿನಿಮಾಕ್ಕಾಗಿ ಬಹುದೊಡ್ಡ ಸೆಟ್

'ಆಚಾರ್ಯ' ಸಿನಿಮಾಕ್ಕಾಗಿ ಏಷ್ಯಾದಲ್ಲಿಯೇ ಅತಿ ದೊಡ್ಡ ಸಿನಿಮಾ ಸೆಟ್ ಹಾಕಲಾಗಿದೆ. ದೇವಾಲಯ ಹಾಗೂ ಹಳ್ಳಿಯೊಂದನ್ನು ಮರುಸೃಷ್ಟಿಸಲಾಗಿದೆ. ಈ ಒಂದು ಸೆಟ್‌ಗಾಗಿ ಹಲವಾರು ಕೋಟಿಗಳನ್ನು ನಿರ್ಮಾಪಕರು ಸುರಿದಿದ್ದಾರೆ. ಅಂದಹಾಗೆ ಸಿನಿಮಾದ ನಿರ್ಮಾಪಕರಲ್ಲಿ ರಾಮ್ ಚರಣ್ ತೇಜ ಸಹ ಒಬ್ಬರು.

Recommended Video

ಪೊಗರು, ರಾಬರ್ಟ್ ಬಗ್ಗೆ ಮಾತನಾಡಿದ ಪುನೀತ್ ರಾಜ್ ಕುಮಾರ್ | Filmibeat Kannada

ಕಾಜಲ್ ಅಗರ್ವಾಲ್ ನಾಯಕಿ

'ಆಚಾರ್ಯ' ಸಿನಿಮಾದಲ್ಲಿ ಚಿರಂಜೀವಿ ಎದುರು ನಾಯಕಿಯಾಗಿ ನಟಿ ಕಾಜಲ್ ಅಗರ್ವಾಲ್ ಅಭಿನಯಿಸುತ್ತಿದ್ದಾರೆ. ಸಿನಿಮಾದಲ್ಲಿ ವಿಲನ್ ಪಾತ್ರಧಾರಿಯಾಗಿ ನಟ ಸೂನು ಸೂದ್ ಇದ್ದಾರೆ. ಆಚಾರ್ಯ ಸಿನಿಮಾದ ಟ್ರೇಲರ್ ಜನವರಿ 29 ರಂದು ಬಿಡುಗಡೆ ಆಗಲಿದೆ.