"ನಾನು ವರ್ಮಾ ಒಟ್ಟಿಗೆ ಜಿಎಸ್‌ಟಿ ಸಿನಿಮಾ ನೋಡಿದ್ದೇವೆ": RGV ತಾಯಿ ಮಾತು ಕೇಳಿದವರು ಶಾಕ್!

ವರ್ಮಾ ಯೋಗಿ, ವಿಜ್ಞಾನಿ

ಆರ್‌ಜಿವಿ ಹುಚ್ಚಾಟದ ಬಗ್ಗೆ ಅವರ ಸ್ವಂತ ಭಾವ ಕೂಡ ಇತ್ತೀಚೆಗೆ ಅಸಮಾಧಾನ ವ್ಯಕ್ತಪಡಿಸಿದ್ದರು. ಆದರೆ ರಾಮ್‌ಗೋಪಾಲ್ ವರ್ಮಾ ನಡೆಯಲ್ಲಿ ಯಾವುದೇ ತಪ್ಪಿಲ್ಲ ಎಂದು ಅವರ ತಾಯಿ ಸೂರ್ಯವತಿ ಹೇಳಿದ್ದಾರೆ. "ನನಗೆ ಅವನು ಒಬ್ಬ ಯೋಗಿ, ಒಬ್ಬ ವಿಜ್ಞಾನಿ ರೀತಿ ಕಾಣುತ್ತಾನೆ. ನನ್ನ ಮಗ ಬಹಳ ಒಳ್ಳೆಯವನು. ಆತ ಯಾರಿಗೂ ಕೆಟ್ಟದನ್ನು ಬಯಸುವುದಿಲ್ಲ. ಆತ ತನಗನ್ನಿಸಿದ್ದನ್ನು ಮಾಡುತ್ತಾನೆ, ತನಗನ್ನಿದ್ದನ್ನು ಹೇಳುತ್ತಾನೆ. ಅದರಲ್ಲಿ ನನಗಂತೂ ತಪ್ಪು ಕಾಣಿಸುವುದಿಲ್ಲ" ಎಂದಿದ್ದಾರೆ.

ಒಟ್ಟಿಗೆ ಜಿಎಸ್‌ಟಿ ಸಿನಿಮಾ ನೋಡಿದ್ವಿ

4 ವರ್ಷಗಳ ಹಿಂದೆ ರಾಮ್‌ಗೋಪಾಲ್ ವರ್ಮಾ ಜಿಎಸ್‌ಟಿ(ಗಾಡ್ ಸೆಕ್ಸ್ ಥ್ರೂತ್) ಎನ್ನುವ ವಿವಾದಾತ್ಮಕ ಶಾರ್ಟ್ ಫಿಲ್ಮ್ ಮಾಡಿದ್ದರು. ಅಮೆರಿಕಾದ ಪೋರ್ನ್ ಸ್ಟಾರ್ ಮಿಯಾ ಮಾಲ್ಕೊವಾ ಜೊತೆ ಈ ಅಡೆಲ್ಟ್ ಕಂಟೆಂಟ್ ಸಿನಿಮಾ ಮಾಡಿದ್ದರು. ಮಿಲಾ ಮಾಲ್ಕಾವಾ ಸಂಪೂರ್ಣ ಬೆತ್ತಲಾಗಿ ಈ ಕಿರುಚಿತ್ರದಲ್ಲಿ ನಟಿಸಿದ್ದಳು. ಮಹಿಳೆಯರ ಅಂಗಾಂಗವನ್ನು ವರ್ಣಿಸುತ್ತಾ ಭಿನ್ನ ವಿಭಿನ್ನ ಕೋನಗಳಲ್ಲಿ ಮದನಾರಿ ಮಿಯಾ ಮಾಲ್ಕೊವಾಳನ್ನು ತೋರಿಸಿದ್ದರು. "ಜಿಎಸ್‌ಟಿ ಸಿನಿಮಾ ನಾನು ನೋಡಿದ್ದೇನೆ. ವರ್ಮಾ ಜೊತೆಗೆ ಕೂತು ನೋಡಿದ್ದೇನೆ" ಎಂದು ಸೂರ್ಯವತಿಯವರು ಹೇಳಿರುವುದು ಅಚ್ಚರಿ ಮೂಡಿಸಿದೆ.

ವರ್ಮಾ ಈ ಜನ್ಮದಲ್ಲಿ ಬದಲಾಗಲ್ಲ

ಮಗನ ಜೊತೆಗೆ ಕೂತು ಜಿಎಸ್‌ಟಿ ಸಿನಿಮಾ ನೋಡಿದ್ದೇನೆ ಎನ್ನುವ ಸೂರ್ಯವತಿಯರ ಮಾತು ಕೇಳಿ ಇಂತಹ ಫ್ಯಾಮಿಲಿ ಪ್ರಪಂಚದಲ್ಲಿ ಸಿಗಲ್ಲ ಬಿಡಿ ಎಂದು ಕೆಲವರು ಹೇಳುತ್ತಿದ್ದಾರೆ. ಇನ್ನು "ವರ್ಮಾ ಈ ಜನ್ಮದಲ್ಲಿ ಬದಲಾಗುವುದಿಲ್ಲ. ತನಗೆ ಬದಲಾಗಬೇಕು ಅನ್ನಿಸಿದರೆ ಮಾತ್ರ ಬದಲಾಗಬಹುದು. ಚಿಕ್ಕಂದಿನಿಂದಲೂ ವರ್ಮಾ ಬಹಳ ಬುದ್ದಿವಂತ. ಆದರೆ ಅದು ಆಗ ಗೊತ್ತಾಗುತ್ತಿರಲಿಲ್ಲ. ನಾವು ಸರಿಯಾಗಿ ಓದುತ್ತಿಲ್ಲ ಎಂದುಕೊಂಡಿದ್ದೆವು. ಆದರೆ ಆತನ ಜ್ಞಾನಾರ್ಜನೆ ದೊಡ್ಡದು" ಎಂದು ಸೂರ್ಯವತಿ ಹೇಳಿದ್ದಾರೆ.

'ಡೇಂಜರಸ್' ಲೆಸ್ಬಿಯನ್ ಸಿನಿಮಾ

ಸದ್ಯ ರಾಮ್‌ ಗೋಪಾಲ್ ವರ್ಮಾ 'ಡೇಂಜರಸ್' ಎನ್ನುವ ಲೆಸ್ಬಿಯನ್ ಸಿನಿಮಾ ಕಟ್ಟಿಕೊಟ್ಟಿದ್ದಾರೆ. ಅಪ್ಸರಾ ರಾಣಿ ಹಾಗೂ ನೈನಾ ಗಂಗೂಲಿ ಈ ಚಿತ್ರದಲ್ಲಿ ಲೀಡ್ ರೋಲ್‌ಗಳಲ್ಲಿ ನಟಿಸಿದ್ದಾರೆ. ಇಬ್ಬರನ್ನು ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ವರ್ಮಾ ತೋರಿಸಿದ್ದಾರೆ. ಇದೇ ಕಾರಣಕ್ಕೆ ಸಿನಿಮಾ ರಿಲೀಸ್‌ಗೆ ಸಾಕಷ್ಟು ಅಡೆತಡೆ ಎದುರಾಗಿತ್ತು. ಕಳೆದ ವಾರ ಈ ಸಿನಿಮಾ ಬಂದು ಹೋಗಿದ್ದು ಯಾರಿಗೂ ಗೊತ್ತಾಗಲೇ ಇಲ್ಲ. ಸದ್ಯ 'ವ್ಯೂಹಂ' ಎನ್ನುವ ಮತ್ತೊಂದು ಚಿತ್ರವನ್ನು ವರ್ಮಾ ಘೋಷಿಸಿದ್ದಾರೆ.