ದೃಶ್ಯಂ 2 ತೆಲುಗು ರೀಮೇಕ್‌ನಲ್ಲಿ ವೆಂಕಟೇಶ್ ಜೊತೆ ಮತ್ತೊಬ್ಬ ಸ್ಟಾರ್?

ಮಲಯಾಳಂ ದೃಶ್ಯಂ 2 ಸಿನಿಮಾ ಬಿಡುಗಡೆಯಾಗಿ ಸೂಪರ್ ಹಿಟ್ ಆಗಿದೆ. ಮೋಹನ್ ಲಾಲ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ ದೃಶ್ಯಂ 2 ಸಿನಿಮಾ ಫೆಬ್ರವರಿ 19 ರಂದು ಅಮೇಜಾನ್ ಪ್ರೈಮ್‌ನಲ್ಲಿ ತೆರೆಕಂಡು ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿದೆ.

ಮಲಯಾಳಂ ಚಿತ್ರವನ್ನು ನಿರೀಕ್ಷೆಯಂತೆ ತೆಲುಗಿನಲ್ಲಿ ರೀಮೇಕ್ ಮಾಡಲಾಗುತ್ತಿದೆ. ದೃಶ್ಯಂ ಸಿನಿಮಾದಲ್ಲಿ ನಟಿಸಿದ್ದ ವೆಂಕಟೇಶ್ ಅವರೇ ದೃಶ್ಯಂ 2 ರಲ್ಲಿ ನಾಯಕನಾಗಿ ಮುಂದುವರಿಯುತ್ತಿದ್ದಾರೆ.

ಇತ್ತೀಚಿಗಷ್ಟೆ ದೃಶ್ಯಂ 2 ತೆಲುಗು ಸಿನಿಮಾ ಅಧಿಕೃತವಾಗಿ ಸೆಟ್ಟೇರಿದೆ. ಮಲಯಾಳಂ ಚಿತ್ರಕ್ಕೆ ನಿರ್ದೇಶನ ಹೇಳಿದ್ದ ಜಿತು ಜೋಸೆಫ್ ಅವರೇ ತೆಲುಗಿನಲ್ಲಿ ಡೈರೆಕ್ಟ್ ಮಾಡ್ತಿದ್ದಾರೆ.

ಇದೀಗ, ತೆಲುಗಿನ ದೃಶ್ಯಂ 2 ಚಿತ್ರದಲ್ಲಿ ವೆಂಕಟೇಶ್ ಜೊತೆ ನಟ ರಾಣಾ ದಗ್ಗುಬಾಟಿ ನಟಿಸುವ ಸಾಧ್ಯತೆ ಇದೆ ಎಂಬ ಸುದ್ದಿ ಹೊರಬಿದ್ದಿದೆ.

ಮುರಳಿ ಗೋಪಿ ನಟಿಸಿರುವ ಪೊಲೀಸ್ ಅಧಿಕಾರಿ ಪಾತ್ರಕ್ಕೆ ತೆಲುಗಿನಲ್ಲಿ ರಾಣಾ ಅವರನ್ನು ಅಪ್ರೋಚ್ ಮಾಡಲಾಗಿದೆಯಂತೆ. ಈ ತಿಂಗಳ ಅಂತ್ಯದಲ್ಲಿ ರಾಣಾ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲಿದ್ದಾರಂತೆ. ಇನ್ನುಳಿದಂತೆ ಪಾತ್ರವರ್ಗವನ್ನು ಶೀಘ್ರದಲ್ಲಿ ಪ್ರಕಟಿಸಲಿದ್ದಾರೆ.

2014ರಲ್ಲಿ ಬಂದಿದ್ದ ತೆಲುಗು ದೃಶ್ಯಂ ಚಿತ್ರದಲ್ಲಿ ವೆಂಕಟೇಶ್, ಮೀನಾ, ನಾಧಿಯಾ, ನರೇಶ್, ಕೃತಿಕಾ ಜಯಕುಮಾರ್, ಎಸ್ತರ್ ಅನಿಲ್ ಸೇರಿದಂತೆ ಹಲವರು ನಟಿಸಿದ್ದರು.

Recommended Video