ಹೊಸ ರೀತಿಯ ರಾಣಾ ದಗ್ಗುಬಾಟಿ-ಮಿಹಿಕಾ ಬಜಾಜ್ ಲಗ್ನ ಪತ್ರಿಕೆ

ಡಿಜಿಟಲ್ ಆಮಂತ್ರಣ ಪತ್ರಿಕೆ

ಮಿಹಿಕಾ ಬಜಾಜ್ ಅವರು ಡಿಜಿಟಲ್ ಆಮಂತ್ರಣ ಪತ್ರಿಕೆಯನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಈ ಆಮಂತ್ರಣ ಪತ್ರಿಕೆ ಸಖತ್ ಭಿನ್ನವಾಗಿದೆ. ಮದುವೆ ಸ್ಥಳ, ದಿನಾಂಕ, ಮುಹೂರ್ತದ ಜೊತೆಗೆ ಇನ್ನೂ ಹಲವು ಮಾಹಿತಿಗಳನ್ನು ಈ ಡಿಜಿಟಲ್ ಆಮಂತ್ರಣ ಪತ್ರಿಕೆ ಒಳಗೊಂಡಿದೆ.

ಆಗಸ್ಟ್ 8 ಕ್ಕೆ ವಿವಾಹ

ಮಿಹಿಕಾ-ರಾಣಾ ರ ಮದುವೆಯು ಆಗಸ್ಟ್ 8 ರಂದು ಹೈದರಾಬಾದ್‌ನ ಚೈತನ್ಯ ಎನ್‌ಕ್ಲೇವ್‌ನಲ್ಲಿ ನಡೆಯಲಿದ್ದು, ಮಧ್ಯಾಹ್ನ 2 ಗಂಟೆಗೆ ಮುಹೂರ್ತ ನಿಗದಿಪಡಿಸಲಾಗಿದೆ. ಕೊರೊನಾ ನಿಯಮಾವಳಿಗಳನ್ನು ಪಾಲಿಸಿ ಮದುವೆ ಸಮಾರಂಭ ನಡೆಸಲಾಗುತ್ತದೆಯಂತೆ.

ಹಲವು ವೈಶಿಷ್ಟತೆ ಹೊಂದಿದೆ

ಮಿಹಿಕಾ ಹಂಚಿಕೊಂಡಿರುವ ಡಿಜಿಟಲ್ ಆಮಂತ್ರಣ ಪತ್ರಿಕೆಯಲ್ಲಿ ರಾಣಾ ಹಾಗೂ ಮಿಹಿಕಾ ಮೊದಲು ಭೇಟಿಯಾಗಿದ್ದ ದಿನಾಂಕ, ಪ್ರೀತಿಗೆ ಬಿದ್ದ ದಿನಾಂಕ, ರೋಕಾ ಕಾರ್ಯಕ್ರಮದ ದಿನಾಂಕ ಎಲ್ಲವೂ ನಮೂದಾಗಿದೆ. ಅಷ್ಟೆ ಅಲ್ಲದೆ, ಸ್ಟಾರ್ ನಟರ ಶುಭ ಹಾರೈಕೆಗಳನ್ನು ಸಹ ಕೊನೆಯಲ್ಲಿ ನಮೂದಿಸಲಾಗಿದೆ.

ಕೊರೊನಾ ನಿಯಮದಂತೆ ಮದುವೆ

ರಾಣಾ ದಗ್ಗುಬಾಟಿ ಮತ್ತು ಮಿಹಿಕಾ ಬಜಾಜ್ ಮೇ 12 ರಂದು ಪರಸ್ಪರ ಎಂಗೇಜ್ ಆದರು. ಅಂದಿನಿಂದಲೂ ವಿವಾಹದ ಬಗ್ಗೆ ಸುದ್ದಿ ಹರಿದಾಡುತ್ತಲೇ ಇದೆ. ಅಬ್ಬಯ್ಯಾ ನಾಯ್ಡು ಸ್ಟುಡಿಯೋದಲ್ಲಿ ಮದುವೆ ಮಾಡಲಾಗುತ್ತದೆ ಎನ್ನಲಾಗಿತ್ತು, ಕೊನೆಗೆ ಚೈತನ್ಯ ಎನ್‌ಕ್ಲೇವ್‌ನಲ್ಲಿ ನಿಗದಿಯಾಗಿದೆ.