ನಟಿ ಸಮಂತಾ ಹಾಕಿದ ಸವಾಲು ಸ್ವೀಕರಿಸಿದ ಕಿರಿಕ್ ಸುಂದರಿ ರಶ್ಮಿಕಾ ಮಂದಣ್ಣ

ಮಾವನ ಜೊತೆ ಗಿಡನೆಡುತ್ತಿರುವ ಸಮಂತಾ

ಸಮಂತಾ ಈ ಸವಾಲು ಸ್ವೀಕರಿಸಿ ಮೂರು ಸಸಿಗಳನ್ನು ನೆಟ್ಟಿದ್ದಾರೆ. ಗಿಡನೆಡುತ್ತಿರುವ ಫೋಟೋಗಳನ್ನು ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಮಾವ ಸೊಸೆ ಇಬ್ಬರು ಗಿಡ ನೆಡುತ್ತಿರುವ ಫೋಟೋಗೆ ಅಭಿಮಾನಿಗಳಿಂದ ಬಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ವಿಶೇಷ ಅಂದರೆ ಸಮಂತಾ ಈ ಚಾಲೆಂಜ್ ಅನ್ನು ಮೂವರಿಗೆ ದಾಡಿಸಿದ್ದಾರೆ. ರಶ್ಮಿಕಾ ಮಂದಣ್ಣ, ಕೀರ್ತಿ ಸುರೇಶ್ ಮತ್ತು ಸೆಲೆಬ್ರಿಟಿ ಡಿಸೈನರ್ ಶಿಲ್ಪಾ ರೆಡ್ಡಿಗೆ ಸವಾಲು ಸ್ವೀಕರಿಸುವಂತೆ ಹೇಳಿದ್ದಾರೆ.

ವರ್ಷದ ಹಿಂದೆ ಮಾಡಿದ ತಪ್ಪಿಗೆ ನಿರ್ದೇಶಕಿಯ ಕ್ಷಮೆ ಕೋರಿದ ಸಮಂತಾ

ಸಮಂತಾ ಟೆರೇಸ್ ಗಾರ್ಡನಿಂಗ್

ನಟಿ ಸಮಂತಾ ಲಾಕ್ ಡೌನ್ ನಲ್ಲಿ ಮನೆಯಲ್ಲಿಯೆ ಕಾಲಕಳೆಯುತ್ತಿದ್ದಾರೆ. ಈ ಸಮಯದಲ್ಲಿ ಅನೇಕ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿದ್ದಾರೆ. ಅಡುಗೆ ಕಲಿಯುವುದು, ಟೆರೇಸ್ ಗಾರ್ಡನಿಂಗ್, ಯೋಗ ಮುಂತಾದ ಚಟುವಟಿಕೆಯಲ್ಲಿ ಬ್ಯುಸಿಯಾಗಿದ್ದಾರೆ. ತಾವೆ ಬೆಳೆದ ತರಕಾರಿಗಳಿಂದ ರುಚಿಕರವಾದ ಖಾದ್ಯಗಳನ್ನು ತಯಾರಿಸುತ್ತಿರುತ್ತಾರೆ. ಆಗಾಗ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.

ಸವಾಲು ಸ್ವೀಕರಿಸಿದ ರಶ್ಮಿಕಾ

ಸಮಂತಾ ಎಸೆದಿರುವ ಚಾಲೆಂಜ್ ಸ್ವೀಕರಿಸಿರುವ ನಟಿ ರಶ್ಮಿಕಾ ಮನೆಯ ಅಂಗಳದಲ್ಲಿ 3 ಸಸಿಗಳನ್ನು ನೆಟ್ಟಿದ್ದಾರೆ. ಗಿಡನೆಡುತ್ತಿರುವ ಫೋಟೋ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಸಮಂತಾ ಹಾಕಿರುವ ಸವಾಲನ್ನು ಸ್ವೀಕಾರ ಮಾಡಿದ್ದೇನೆ. ಎಂದು ಮತ್ತೆ ಮೂವರಿಗೆ ದಾಟಿಸಿದ್ದಾರೆ. ನಟಿ ರಾಸಿ ಖನ್ನಾ, ಕಲ್ಯಾಣಿ ಪ್ರಿಯದರ್ಶನ್ ಮತ್ತು ಆಶಿಕಾ ರಂಗನಾಥ್ ಅವರಿಗೆ ಚಾಲೆಂಜ್ ಮಾಡಿದ್ದಾರೆ. ಎಲ್ಲಾ ಅಭಿಮಾನಿಗಳಿಗೂ ಗಿಡನೆಡುವಂತೆ ಹೇಳಿದ್ದಾರೆ.

ಗ್ರೀನ್ ಇಂಡಿಯಾ ಚಾಲೆಂಜ್ ಪ್ರಾರಂಭವಾಗಿದ್ದೆಲ್ಲಿ?

ಗ್ರೀನ್ ಇಂಡಿಯಾ ಅಭಿಯಾನ ತೆಲಂಗಾಣ ಸಂಸದ ಸಂತೋಷ್ ಕುಮಾರ್ ಆರಂಭಿಸಿದ್ದಾರೆ. ಈ ಚಾಲೆಂಜ್ ಸ್ವೀಕರಿಸುವವರು ಮನೆ ಸುತ್ತ ಯಾವುದಾದರು ಪ್ರದೇಶದಲ್ಲಿ 3 ಗಿಡಗಳನ್ನು ನೆಟ್ಟು ಬೆಳೆಸಬೇಕು. ಗಿಡ ನೆಡುತ್ತಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿ ಇನ್ನೂ ಮೂವರಿಗೆ ಸವಾಲು ಹಾಕಬೇಕು. ಈಗಾಗಲೆ ಈ ಸವಾಲನ್ನು ನಟ ಪ್ರಭಾಸ್, ಸಾಯಿ ಪಲ್ಲಿ, ಕಾರ್ತಿಕ್ ಆರ್ಯನ್ ಸೇರಿದ್ದಂತೆ ಅನೇಕರು ಸ್ವೀಕರಿಸಿದ್ದಾರೆ.