ಟಾಲಿವುಡ್ ನಲ್ಲೂ 'ಓವರ್ ಆಕ್ಟಿಂಗ್ ರಾಣಿ' ಎಂದು ಟ್ರೋಲ್ ಆದ ರಶ್ಮಿಕಾ ಮಂದಣ್ಣ.!

ರಶ್ಮಿಕಾ ಬಗ್ಗೆ ತೆಲುಗು ಮಂದಿ ಟೀಕೆ

ಇಷ್ಟು ದಿನ ರಶ್ಮಿಕಾ ಮಂದಣ್ಣ ಬಗ್ಗೆ ಕನ್ನಡ ಸಿನಿ ಪ್ರಿಯರು ಟೀಕೆ ಮಾಡುತ್ತಿದ್ದರು. ಆದ್ರೀಗ, ತೆಲುಗು ಮಂದಿ ಕೂಡ ರಶ್ಮಿಕಾ ಮಂದಣ್ಣ ಬಗ್ಗೆ ಟ್ರೋಲ್ ಮಾಡಲು ಆರಂಭಿಸಿದ್ದಾರೆ. 'ಸರಿಲೇರು ನೀಕ್ಕೆವ್ವರು' ಟ್ರೈಲರ್ ಬಿಡುಗಡೆ ಸಮಾರಂಭದಲ್ಲಿ ರಶ್ಮಿಕಾ ಮಂದಣ್ಣ ಭಾಷಣವನ್ನು ಕೇಳಿ ತೆಲುಗು ಸಿನಿ ಪ್ರಿಯರು, ''ಓವರ್ ಆಕ್ಟಿಂಗ್ ಗೆ ಒಂದು ಮುಖ ಇದ್ದರೆ, ಅದು ರಶ್ಮಿಕಾ ಮಂದಣ್ಣ'' ಎನ್ನುತ್ತಿದ್ದಾರೆ.

ಕಾಮೆಂಟ್ ಗಳ ಸುರಿಮಳೆ

'ಸರಿಲೇರು ನೀಕ್ಕೆವ್ವರು' ಚಿತ್ರದ ಟ್ರೈಲರ್ ಬಿಡುಗಡೆ ಸಮಾರಂಭದ ವಿಡಿಯೋಗಳನ್ನು ನಟ ಮಹೇಶ್ ಬಾಬು, ತಮ್ಮ ಯೂಟ್ಯೂಬ್ ಚಾನೆಲ್ ನಲ್ಲಿ ಹಂಚಿಕೊಂಡಿದ್ದಾರೆ. ರಶ್ಮಿಕಾ ಮಂದಣ್ಣ ಭಾಷಣವನ್ನು ನೋಡಿ ಯೂಟ್ಯೂಬ್ ನಲ್ಲಿ ಕಾಮೆಂಟ್ ಗಳ ಸುರಿಮಳೆ ಆಗುತ್ತಿದೆ. ''ಈ ವಿಡಿಯೋವನ್ನು ಪೂರ್ತಿ ನೋಡಲು ತುಂಬಾ ತಾಳ್ಮೆ ಬೇಕು'' ಎಂದು ಒಬ್ಬರು ಕಾಮೆಂಟ್ ಮಾಡಿದರೆ, ''ಮಾತೃಭಾಷೆ ಕನ್ನಡ ಆದರೂ ತೆಲುಗು ಚೆನ್ನಾಗಿ ಮಾತನ್ನಾಡಿದ್ದಾರೆ'' ಎಂದು ಇನ್ನೊಬ್ಬರು ಕಾಮೆಂಟ್ ಹಾಕಿದ್ದಾರೆ.

ಏನ್ ಡವ್ ಮಾಡ್ತಾರೆ ಗುರು.!

''ರಶ್ಮಿಕಾ ಮಂದಣ್ಣ ಸಿಕ್ಕಾಪಟ್ಟೆ ಡವ್ ಮಾಡ್ತಾರೆ. ಅವರಿಗೆ ಓವರ್ ಆಕ್ಟಿಂಗ್ ಅವಾರ್ಡ್ ಕೊಡಬೇಕು. ಮೆಗಾ ಸ್ಟಾರ್ ಮುಂದೆ ಹೇಗೆ ಮಾತನಾಡಬೇಕು ಅನ್ನೋದು ಆಕೆಗೆ ಗೊತ್ತಿಲ್ಲ'' ಎಂದಲ್ಲಾ ಕಾಮೆಂಟ್ ಗಳು ಲಭ್ಯವಾಗಿವೆ.

ರಶ್ಮಿಕಾ ಪರ ಕೆಲವರು ಬ್ಯಾಟಿಂಗ್

''ಕಾಜಲ್ ಅಗರ್ವಾಲ್, ಹನ್ಸಿಕಾ, ರಾಕುಲ್.. ಇವರೆಲ್ಲ ತೆಲುಗು ಮಾತನಾಡಲು ಪ್ರಯತ್ನ ಪಡಲ್ಲ. ಆದರೆ ಸಾಯಿ ಪಲ್ಲವಿ, ರಶ್ಮಿಕಾ ಮಂದಣ್ಣ ತೆಲುಗು ಸಿನಿಮಾಗೆ ಬಂದು ತೆಲುಗು ಕಲಿತಿದ್ದಾರೆ. ಇದು ಡೆಡಿಕೇಷನ್ ಅಂದ್ರೆ...'' ಎಂದು ಕೆಲವರು ರಶ್ಮಿಕಾ ಮಂದಣ್ಣ ಪರ ಬ್ಯಾಟ್ ಬೀಸಿದ್ದಾರೆ.