ಸಾರ್ವಜನಿಕರಲ್ಲಿ ವಿಶೇಷ ಮನವಿ ಮಾಡಿದ ರಶ್ಮಿಕಾ ಮಂದಣ್ಣ!

ರಶ್ಮಿಕಾ ಮಂದಣ್ಣ ಟ್ವೀಟ್!

ಈಗ ಎಲ್ಲಿ ನೋಡಿದರೂ ಮಳೆಯೋ ಮಳೆ. ಮಳೆಯಿಂದಾಗಿ ರಸ್ತೆಗಳು ಹಾಳಾಗುವುದು. ಹಾಳಾದ ರಸ್ತೆಗಳಿಂದ ಅನಾಹುತಗಳಾಗುವುದು ಹೊಸದೇನಲ್ಲ. ಈ ಮಳೆ ವಿಚಾರಕ್ಕೂ, ರಶ್ಮಿಕಾಗೂ ಏನಪ್ಪ ಸಂಬಂಧ ಅಂದುಕೊಳ್ಳಬೇಡಿ. ಮಳೆಯ ವಿಚಾರವಾಗಿಯೇ ರಶ್ಮಿಕಾ ಮಂದಣ್ಣ ಮಾತನಾಡಿದ್ದಾರೆ. ಎಲ್ಲರೂ ಎಚ್ಚರಿಕೆಯಿಂದ ಇರಲು ಮನವಿ ಮಾಡಿದ್ದಾರೆ. ಅದರಲ್ಲು ಬೈಕ್ ಸವಾರರಿಗೆ ಎಚ್ಚರಿಕೆಯಿಂದ ಇರಲು ಮನವಿ ಮಾಡಿಕೊಂಡಿದ್ದಾರೆ ರಶ್ಮಿಕಾ ಮಂದಣ್ಣ.

ಮಳೆಯಲ್ಲಿ ಎಚ್ಚರ: ರಶ್ಮಿಕಾ ಟ್ವೀಟ್!

ಮಳೆ ಹೆಚ್ಚು ಬರುವ ಸಂದರ್ಭದಲ್ಲಿ ಬೈಕ್ ಸವಾಸರು ಎಚ್ಚರವಾಗಿ ಇರಬೇಕು ಎನ್ನುವ ಬಗ್ಗೆ ರಶ್ಮಿಕಾ ಟ್ವೀಟ್ ಮಾಡಿದ್ದಾರೆ. "ಎಲ್ಲರೂ ಕೇಳಿ... ನಾನು ಈಗ ಹೆಳುತ್ತಿರುವು ಸಹಜ ವಿಚಾರ ಅನಿಸಬಹುದು, ಆದರೂ ಹೇಳಲೇ ಬೇಕು ಅನಿಸಿತು. ನೀವು ಯಾರಾದರೂ ಕೆಲಸಕ್ಕೆ ಹೋಗುತ್ತಿದ್ದರೆ. ಈ ಮಳೆಯಲ್ಲಿ ರಾತ್ರಿ ಹೊತ್ತು ಮನೆಗೆ ವಾಪಸ್ ಆಗುತ್ತಿದ್ದರೆ. ದಯವಿಟ್ಟು ಬಹಳ ಎಚ್ಚರಿಕೆ ವಹಿಸಿ". ಎಂದು ರಶ್ಮಿಕಾ ಮಂದಣ್ಣ ಬರೆದುಕೊಂಡು ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಸಾಕಷ್ಟು ಜನ ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ.

ಎಲ್ಲೆಲ್ಲೂ ರಶ್ಮಿಕಾ ಮಂದಣ್ಣ ಹವಾ!

ಭಾರತೀಯ ಸಿನಿಮಾರಂಗದಲ್ಲಿ ಅತ್ಯಂತ ಬ್ಯುಸಿಯಾಗಿರುವ ನಟಿ ಎಂದರೇನು ಅದು ರಶ್ಮಿಕಾ ಮಂದಣ್ಣ ಎನ್ನಬಹುದು. ತೆಲುಗಿನಲ್ಲಿ 'ಪುಷ್ಪಾ 2', ತಮಿಳಿನಲ್ಲಿ 'ವಾರಿಸು', ಹಿಂದಿಯಲ್ಲಿ 'ಅನಿಮಲ್' ಸಿನಿಮಾಗಳಲ್ಲಿ ಸದ್ಯಕ್ಕೆ ನಟಿಸುತ್ತಿದ್ದಾರೆ. ಇದರ ಜೊತೆಗೆ ಅವರ ಮುಂಬರುವ ಸಿನಿಮಾಗಳ ಬಗ್ಗೆಯೂ ನಾನಾ ಸುದ್ದಿ ಹಬ್ಬಿದೆ. ಒಟ್ಟಿನಲ್ಲಿ ರಶ್ಮಿಕಾ ಮಂದಣ್ಣ ಆಲ್ ರೌಂಡರ್ ಆಗಿ ಎಲ್ಲಾ ಕಡೆಯಲ್ಲೂ ಮಿಂಚುತ್ತಿದ್ದಾರೆ.

ರಶ್ಮಿಕಾ ಸಿನಿಮಾಗೆ ಕರಣ್ ಬಂಡವಾಳ?

ಕನ್ನಡದ ಮೂಲಕ ತಮ್ಮ ಸಿನಿಮಾ ಜರ್ನಿ ಆರಂಭ ಮಾಡಿದ ನಟಿ ರಶ್ಮಿಕಾ ಮಂದಣ್ಣ ಸೌತ್ ಚಿತ್ರಗಳನ್ನು ಒಂದು ಸುತ್ತಿ ಹಾಕಿ, ಈಗ ಬಾಲಿವುಡ್‌ನಲ್ಲಿ ಬ್ಯುಸಿ ಆಗುತ್ತಾ ಇದ್ದಾರೆ. ಹಿಂದಿಯಲ್ಲೂ ಈಗಾಗಲೇ 2 ಸಿನಿಮಾಗಳನ್ನು ಮಾಡಿ ಮುಗಿಸಿದ್ದಾರೆ. ಇನ್ನೇನಿದ್ದರು ಹೊಸ ಸಿನಿಮಾ ಪ್ರಕಟ ಮಾಡವುದು ಮಾತ್ರ ಬಾಕಿ ಇದೆ. ರಶ್ಮಿಕಾ ಮುಂದಿನ ಸಿನಿಮಾವನ್ನು ಕರಣ್ ಜೋಹರ್ ನಿರ್ಮಾಣ ಮಾಡಲಿದ್ದಾರೆ ಎನ್ನಲಾಗುತ್ತಾ ಇದೆ.