ರವಿತೇಜ ನಟನೆಯ 'ಕ್ರ್ಯಾಕ್' ಸಿನಿಮಾದ ನಾಲ್ಕು ದಿನದ ಗಳಿಕೆ ಎಷ್ಟು ಗೊತ್ತೆ?

ಜನವರಿ 9 ರಂದು ಕ್ರ್ಯಾಕ್ ಸಿನಿಮಾ ಬಿಡುಗಡೆ

ಜನವರಿ 9 ರಂದು ಕ್ರ್ಯಾಕ್ ಸಿನಿಮಾ ಬಿಡುಗಡೆ ಆಯಿತು. ಮೊದಲ ದಿನ ಗಳಿಸಿದ್ದು ಬರೋಬ್ಬರಿ 6.54 ಕೋಟಿ ರೂಪಾಯಿ. ಚಿತ್ರಮಂದಿರಗಳ ಮೇಲೆ ಕೊರೊನಾ ನಿಯಮಗಳಿದ್ದರೂ 6.54 ಕೋಟಿ ಮೊದಲ ದಿನ ಗಳಿಸಿದ್ದು ಒಳ್ಳೆಯ ಸಾಧನೆಯೇ.

ಒಟ್ಟು ಗಳಿಸಿದ್ದು ಎಷ್ಟು?

ಎರಡನೇ ದಿನ ಅಂದರೆ ಭಾನುವಾರದಂದು 3.15 ಕೋಟಿ ರೂಪಾಯಿ. ಮೂರನೇ ದಿನ 2.86 ಕೋಟಿ. ನಾಲ್ಕನೇ ದಿನ ಮತ್ತೆ 3 ಕೋಟಿ ರೂಪಾಯಿ ಹಣವನ್ನು ಕ್ರ್ಯಾಕ್ ಸಿನಿಮಾ ಆಂಧ್ರಪ್ರದೇಶ ಮತ್ತು ತೆಲಂಗಾಣ ರಾಜ್ಯಗಳಲ್ಲಿ ಗಳಿಸಿದೆ.

ಮಾಸ್ಟರ್ ಸಿನಿಮಾದಿಂದ ಪ್ರತಿಸ್ಪರ್ಧೆ

ಮೂರನೇ ದಿನಕ್ಕೆ ವಿಜಯ್ ನಟನೆಯ 'ಮಾಸ್ಟರ್' ಸಿನಿಮಾದಿಂದ ಭಾರಿ ಪ್ರತಿಸ್ಪರ್ಧೆ ಎದುರಾದರೂ ಸಹ 'ಕ್ರ್ಯಾಕ್' ಸಿನಿಮಾ ಚೆನ್ನಾಗಿಯೇ ಪ್ರದರ್ಶನ ಕಾಣುತ್ತಿದೆ. ಸಿನಿಮಾ ಬಿಡುಗಡೆಗೆ ಮುನ್ನಾ ಹಣಕಾಸಿನ ಮುಗ್ಗಟ್ಟಲ್ಲಿ ಸಿಲುಕಿದ್ದ ನಿರ್ಮಾಪಕ ಈಗ ತುಸು ನೆಮ್ಮದಿಯ ನಿಟ್ಟುಸಿರು ಬಿಡುತ್ತಿದ್ದಾರೆ.

Recommended Video

ರಾಜಮೌಳಿ ತಂದೆ ಗರಡಿಯಲ್ಲಿ ತಯಾರಾಗಿದೆ 'ಕಬ್ಜ'ದ ಕಥೆ | Filmibeat Kannada

ಗೋಪಿಚಂದ್ ಮಾಲಿನೇನಿ ನಿರ್ದೇಶನ

ಕ್ರ್ಯಾಕ್ ಸಿನಿಮಾದಲ್ಲಿ ರವಿತೇಜ ಜೊತೆ ಶ್ರುತಿ ಹಾಸನ್ ನಾಯಕಿಯಾಗಿ ನಟಿಸಿದ್ದಾರೆ. ಸಿನಿಮಾದಲ್ಲಿ ವರಲಕ್ಷ್ಮಿ ಶರತ್‌ಕುಮಾರ್, ಸಮುದ್ರಕಿಣಿ, ರವಿ ಶಂಕರ್, ಅಲಿ, ಚಿರಾಗ್ ಗಣಿ ಇನ್ನೂ ಹಲವರು ನಟಿಸಿದ್ದಾರೆ. ಸಿನಿಮಾದ ನಿರ್ದೇಶನ ಮಾಡಿರುವುದು ಗೋಪಿಚಂದ್ ಮಾಲಿನೇನಿ.