ಆರ್‌ಜಿವಿಗೆ ಇರುವ ರೋಗದಿಂದಲೇ ಅವರು ಹೀಗೆಲ್ಲಾ ವರ್ತಿಸುತ್ತಾರೆ: ಬಿವಿಎಸ್ ರವಿ

'ಆದರೆ ಅವರಿಗೊಂದು ಖಾಯಿಲೆಯಿದೆ'

"ಆದರೆ, ಅವರಿಗೊಂದು ಖಾಯಿಲೆಯಿದ್ದು, ಅವರು ಸದಾ ಸುದ್ದಿಯಲ್ಲಿ ಇರಬೇಕು ಅಂತ ಬಯಸುವ ರೋಗ ಅದು. ಆದರೆ ತಮ್ಮ ಕ್ರಿಯೇಟಿವಿಟಿ ಮೂಲಕ ಅವರಲ್ಲಿ ಜನರನ್ನು ಸೆಳೆಯುವ ಸಾಮರ್ಥ್ಯ ಕಡಿಮೆಯಾಗಿದೆ. ಹೀಗಾಗಿ ತಾನು ಸುದ್ದಿಯಲ್ಲಿರಬೇಕು ಅಂತಲೇ ತಮ್ಮ ನಡೆ ನುಡಿಯ ಬಗ್ಗೆ ಸಾರ್ವಜನಿಕವಾಗಿ ಸುದ್ದಿಯಾಗಬೇಕು ಅಂತಲೇ ಹೀಗೆಲ್ಲ ಅವರು ವರ್ತಿಸುತ್ತಿರುತ್ತಾರೆ.ಅಲ್ಲದೆ ಅವರದು ತುಂಬಾ ಜೀನಿಯಸ್ ಮೈಂಡ್ ಸೆಟ್ ಎಂದು ರವಿ ಹೇಳಿದ್ದಾರೆ.

''ಟಿಕೆಟ್ ವಿಚಾರದಲ್ಲಿ ಅದ್ಭುತವಾಗಿ ಸ್ಪಂದಿಸಿದ್ದಾರೆ''

ಸಿನಿಮಾರಂಗ ವರ್ಸಸ್ ಆಂಧ್ರ ಸರ್ಕಾರದ ನಡುವೆ ಟಿಕೆಟ್ ಪ್ರೈಸ್ ವಿಚಾರದಲ್ಲಿ ನಡೆಯುತ್ತಿರುವ ತಿಕ್ಕಾಟದ ಬಗ್ಗೆ ಮಾತನಾಡುತ್ತಾ ರವಿ "ವರ್ಮಾ ಅವರ ಟಾಪ್ ಟಿಕೆಟ್ ವಿಚಾರವಾಗಿ ಪ್ರತಿಕ್ರಿಯಿಸುವಲ್ಲಿ ಅವರು ಜವಾಬ್ದಾರಿಯುತ ಚಲನಚಿತ್ರ ವ್ಯಕ್ತಿಯಾಗಿ ಕಾಣಿಸಿಕೊಂಡಿದ್ದಾರೆ ಮತ್ತು ವರ್ಮಾ ಅವರಿಗೆ ಯಾವುದೇ ಪ್ರಯೋಜನವಿಲ್ಲದೆ ಇದ್ದರೂ ಸಹ ಸಮಸ್ಯೆಯ ಬಗ್ಗೆ ಧ್ವನಿ ಎತ್ತಿದ್ದಾರೆ ಮತ್ತು ಅದರ ಪರಿಷ್ಕಾರದಲ್ಲಿ ಕೂಡ ಭಾಗವಾಗಲು ಮುಂದಾಗಿದ್ದಾರೆ. ಇದು ನನಗೆ ತುಂಬಾ ಇಷ್ಟವಾಗಿದೆ" ಎಂದು ರವಿ ಹೇಳಿದರು.

ಹುಡುಗಿಯರ ಕಾಲಿಗೆ ಬೀಳುತ್ತೇನೆ ಎನ್ನುತ್ತಾರೆ ವರ್ಮಾ: ಬಿವಿಎಸ್ ರವಿ

''ವರ್ಮಾ ಅವರು ಮದ್ಯಪಾನ ಮಾಡುವುದಾಗಿ ಸಾರ್ವಜನಿಕವಾಗಿ ಹೇಳಿಕೊಳ್ಳುವುದು ಹುಡುಗಿಯರ ಜೊತೆಯಲ್ಲಿ ಸಾರ್ವಜನಿಕವಾಗಿ ಅವರು ವರ್ತಿಸುವ ರೀತಿ, ಹುಡುಗಿಯರ ಕಾಲಿಗೆ ಬೀಳುತ್ತೇನೆ ಎಂದು ಘೋಷಿಸುವುದು ಹೀಗೆ ವರ್ಮಾ ಮಾಡುವುದರಿಂದಲೇ ಎಲ್ಲರೂ ವರ್ಮಾ ಬಗ್ಗೆ ಚರ್ಚೆ ನಡೆಸುತ್ತಿದ್ದಾರೆ. ಹಾಗಾಗಿ ಅವರ ಬಗ್ಗೆ ಜನಜಂಗುಳಿಯಲ್ಲಿ ಚರ್ಚೆಗಳು ನಡೆಯುತ್ತಿವೆ" ಎಂದು ರವಿ ಅಭಿಪ್ರಾಯಪಡುತ್ತಾರೆ. ಇಂತಹ ನಡವಳಿಕೆ ವರ್ಮಾ ಅವರ ವೈಯಕ್ತಿಕ ಹಾಗಾಗಿ ಟೀಕೆ, ಮೆಚ್ಚುಗೆಗೆ ಒಳಗಾಗುವುದಿಲ್ಲ" ಎಂದು ಬಿವಿಎಸ್ ರವಿ ಹೇಳಿದ್ದಾರೆ.

ಮಣಿರತ್ನಂ ಸಿನಿಮಾಗಳು ನನಗೆ ಇಷ್ಟವಾಗುವುದಿಲ್ಲ: ವರ್ಮಾ

ರಾಮ್ ಗೋಪಾಲ್ ವರ್ಮಾ- ಮಣಿರತ್ನಂ ಒಂದು ಕಾಲದಲ್ಲಿ ಸೌತ್ ಸಿನಿಮಾ ಇಂಡಸ್ಟ್ರಿಯ ಎರಡು ಅತಿ ದೊಡ್ಡ ನಿರ್ದೇಶಕರು. ಆದರೆ ಪ್ರಸ್ತುತ ಇಬ್ಬರ ಚಿತ್ರಗಳು ಅಂತಹ ಹೇಳಿಕೊಳ್ಳುವ ಯಶಸ್ಸನ್ನು ಕಾಣುತ್ತಿಲ್ಲ. ಇತ್ತೀಚೆಗೆ ಮಣಿರತ್ನಂ ಚಿತ್ರಗಳ ಬಗ್ಗೆ ಪ್ರತಿಕ್ರಿಯಿಸಿರುವ ವರ್ಮಾ ಅವರು "ನನಗೆ ಮಣಿರತ್ನಂ ಚಿತ್ರಗಳೆಂದರೆ ಅಸಲಿಗೆ ಇಷ್ಟವಾಗುವುದಿಲ್ಲ. ಸಿಕ್ಕಾಪಟ್ಟೆ ಸ್ಲೋ ಮತ್ತು ಬೋರ್ ಹೊಡೆಯುತ್ತದೆ, ಆದರೆ ಒಂದಷ್ಟು ದೃಶ್ಯಗಳು ಮಾತ್ರ ತುಂಬಾ ಚೆನ್ನಾಗಿ ಚಿತ್ರೀಕರಿಸುತ್ತಾರೆ. ನನಗೆ ಅವರ ಚಿತ್ರದ ಒಂದಷ್ಟು ದೃಶ್ಯಗಳಾದರು ಇಷ್ಟವಾಗುತ್ತೆ ಅವರಿಗೆ ನನ್ನ ಚಿತ್ರದ ಒಂದೇ ಒಂದು ಶಾಟ್ ಕೂಡ ಇಷ್ಟವಾಗುವುದಿಲ್ಲ. ಅಸಲಿಗೆ ಅವರು ನನ್ನ ಚಿತ್ರಗಳನ್ನು ನೋಡಲು ಇಷ್ಟಪಡುವುದಿಲ್ಲ" ಎಂದು ವರ್ಮಾ ಒಮ್ಮೆ ಹೇಳಿದ್ದರು.