ಮುಖಪುಟ

Telugu

ರಾಣಾ ದಗ್ಗುಬಾಟಿ ನಟನೆಯ ಲೀಡರ್ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ ನಟಿ ರಿಚಾ ಗಂಗೋಪಾಧ್ಯಾಯ ಈಗ ರಿಚಾ ಲಂಗೆಲ್ಲಾ ನಟನೆ ತ್ಯಜಿಸಿ ಏಳು ವರ್ಷಗಳಾಗಿವೆ.

ನಾಗಾರ್ಜುನ, ರಾಣಾ ದಗ್ಗುಬಾಟಿ, ಧನುಶ್, ಪ್ರಭಾಸ್, ರಚಿತೇಜಾ ಅಂಥಹಾ ಸೂಪರ್ ಸ್ಟಾರ್ ನಟರೊಂದಿಗೆ ತೆರೆ ಹಂಚಿಕೊಂಡಿದ್ದ, ಪ್ರತಿಭಾನ್ವಿತ ಹಾಗೂ ಪಕ್ಕಾ ದಕ್ಷಿಣ ಭಾರತ ಮುಖಚರ್ಯೆಯುಳ್ಳ ನಟಿ ಎಂದು ಗುರುತಿಸಿಕೊಂಡಿದ್ದ ರಿಚಾ, ತನ್ನ ವೃತ್ತಿ ಜೀವನದ ಉತ್ತುಂಗದಲ್ಲಿದ್ದಾಗಲೇ ನಟನೆಗೆ ಗುಡ್‌ಬಾಯ್ ಹೇಳಿಬಿಟ್ಟರು.

ಹೌದು, ರಿಚಾ, 2013ರಲ್ಲಿ ನಾಗಾರ್ಜುನ ಜೊತೆಗೆ 'ಭಾಯ್' ಸಿನಿಮಾದಲ್ಲಿ ನಟಿಸಿದರು, ಆ ನಂತರ ಅವರು ಇನ್ನಾವ ಸಿನಿಮಾದಲ್ಲಿಯೂ ನಟಿಸಲಿಲ್ಲ. ಸಿನಿಮಾ ರಂಗದಿಂದ ಶಾಶ್ವತವಾಗಿ ದೂರವಾಗುವ ನಿರ್ಧಾರ ತಳೆದು ಅಂತೆಯೇ ಮಾಡಿದರು.

ರಿಚಾ, ಧನುಶ್ ನಟಿಸಿದ್ದ ಸೂಪರ್ ಹಿಟ್ ಸಿನಿಮಾ, ಮಾಯಕ್ಕಮ್ ಎನ್ನಾ ಬಿಡುಗಡೆ ಆಗಿ ಇಂದಿಗೆ 9 ವರ್ಷ. ಈ ಸಂದರ್ಭದಲ್ಲಿ ಸರಣಿ ಟ್ವೀಟ್ ಮಾಡಿರುವ ರಿಚಾ, 'ನಾನು ಎಂಬಿಎ ಕಲಿಯಲೆಂದು ನಟನೆ ಬಿಟ್ಟೆ. ಮಾರ್ಕೆಟಿಂಗ್ ಹಾಗೂ ಬ್ರ್ಯಾಂಡ್ ಮ್ಯಾನೇಜ್‌ಮೆಂಟ್ ಬಗ್ಗೆ ನನಗೆ ಅತೀವ ಆಸಕ್ತಿ ಇತ್ತು' ಎಂದಿದ್ದಾರೆ ರಿಚಾ.

ವಿದೇಶಿ ಹುಡುಗನನ್ನು ವಿವಾಹವಾಗಿರುವ ರಿಚಾ, ನನ್ನ ಎಂಬಿಎ ಪಯಣದಲ್ಲಿ ನನ್ನ ಜೀವನದ ಸಂಗತಿ ಸಹ ಸಿಕ್ಕರು. ನನ್ನ ಎಂಬಿಎ ಸಹಪಾಠಿ ಜೋ ಲಂಗೆಲ್ಲಾ ಅನ್ನು ನಾನು ವಿವಾಹವಾಗಿದ್ದೇನೆ. ಸಿನಿಮಾಗಳಲ್ಲಿ ನಟಿಸಿದ್ದು ನನ್ನ ಒಳ್ಳೆಯ ಆಯ್ಕೆ, ಆದರೆ ಆ ನಂತರ ಎಂಬಿಎ ಮಾಡಿದ್ದು, ಅದರ ಮೂಲಕವೇ ಜೀವನ ಕಟ್ಟಿಕೊಂಡಿದ್ದು ಸಹ ನನ್ನ ಅತ್ಯುತ್ತಮ ಆಯ್ಕೆ ಎಂದಿದ್ದಾರೆ ರಿಚಾ.