'ರಾಬರ್ಟ್' ತೆಲುಗು ಟೀಸರ್: ಟಾಲಿವುಡ್‌ನ ಈ ದಾಖಲೆ ಮೇಲೆ ದರ್ಶನ್ ಫ್ಯಾನ್ಸ್ ಕಣ್ಣು!

ರಾಬರ್ಟ್‌ಗೆ ಅತಿ ಹೆಚ್ಚು ಲೈಕ್ಸ್?

ನಾಳೆ ಬಿಡುಗಡೆಯಾಗಲಿರುವ ರಾಬರ್ಟ್ ಟೀಸರ್ ಮೂಲಕ ಟಾಲಿವುಡ್‌ಗೆ ದೊಡ್ಡ ಸಂದೇಶ ರವಾನಿಸಲು ದರ್ಶನ್ ಅಭಿಮಾನಿಗಳು ಚಿಂತಿಸಿದ್ದಾರೆ. ಅದಕ್ಕಾಗಿಯೇ ತೆಲುಗು ಟೀಸರ್‌ಗಳ ಹೆಸರಿನಲ್ಲಿರುವ ದಾಖಲೆಯನ್ನು ಬ್ರೇಕ್ ಮಾಡಲು ದಾಸನ ಭಕ್ತರು ನಿರ್ಧರಿಸಿದ್ದು, ಟ್ರೆಂಡ್ ಶುರು ಮಾಡಿಕೊಂಡಿದ್ದಾರೆ. ಅತಿ ವೇಗವಾಗಿ 50k ಲೈಕ್ಸ್ ಮಾಡಬೇಕು ಎಂಬ ಹಠಕ್ಕೆ ಬಿದ್ದಿದ್ದಾರೆ.

ದರ್ಶನ್ 'ರಾಬರ್ಟ್' ತೆಲುಗು ಟೀಸರ್ ರಿಲೀಸ್ ಗೆ ದಿನಾಂಕ ನಿಗದಿ

ಯಾರ ಹೆಸರಿನಲ್ಲಿದೆ ಹಳೆ ದಾಖಲೆ?

ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್ ಸಿನಿಮಾದ ಜೂನಿಯರ್ ಎನ್‌ಟಿಆರ್ ಅವರ ಟೀಸರ್ ಪ್ರಸ್ತುತ ಅತಿ ವೇಗವಾಗಿ 50k ಲೈಕ್ಸ್ ಸಂಪಾದಿಸಿಕೊಂಡಿರುವ ದಾಖಲೆ ಮಾಡಿದೆ. ಕೇವಲ 3 ನಿಮಿಷದಲ್ಲಿ 50 ಸಾವಿರ ಲೈಕ್ಸ್ ಪಡೆದುಕೊಂಡಿರುವ ರೆಕಾರ್ಡ್ ಈ ಟೀಸರ್ ಹೆಸರಿನಲ್ಲಿದೆ.

ಎರಡನೇ ಸ್ಥಾನದಲ್ಲಿ ವಕೀಲ್ ಸಾಬ್ ಟೀಸರ್

ಆರ್‌ಆರ್‌ಆರ್ ಸಿನಿಮಾದ ಟೀಸರ್ ಬಳಿಕ ಪವನ್ ಕಲ್ಯಾಣ್ ನಟನೆಯ ವಕೀಲ್ ಸಾಬ್ ಚಿತ್ರದ ಟೀಸರ್ 3-4 ನಿಮಿಷದಲ್ಲಿ 50k ಲೈಕ್ಸ್ ಪಡೆದಿದೆ ಎಂಬ ದಾಖಲೆ ಮಾಡಿದೆ. ಮಹೇಶ್ ಬಾಬು ನಟನೆಯ ಸರಿಲೇರು ನಿಕೇವ್ವರು ಚಿತ್ರದ ಟೀಸರ್ 7 ನಿಮಿಷದಲ್ಲಿ 50k ಲೈಕ್ಸ್, ಆರ್‌ಆರ್‌ಆರ್ ಚಿತ್ರದ ರಾಮ್ ಚರಣ್ ಟೀಸರ್ 9 ನಿಮಿಷದಲ್ಲಿ 50k ಲೈಕ್ಸ್ ಹಾಗೂ ಅರವಿಂದ ಸಮೇತ ಸಿನಿಮಾದ ಟೀಸರ್ 10 ನಿಮಿಷದಲ್ಲಿ 50k ಲೈಕ್ಸ್ ಪಡೆದಿದೆ ಎಂದು ವರದಿಯಾಗಿದೆ.

'ರಾಬರ್ಟ್' ಅನ್ನು ಅದ್ಧೂರಿಯಾಗಿ ಸ್ವಾಗತಿಸುತ್ತೇವೆಂದ ತೆಲುಗು ನಿರ್ಮಾಪಕರು

ರಾಬರ್ಟ್‌ಗೆ ತೆಲುಗಿನಲ್ಲಿ ಅಡ್ಡಿ?

ಮಾರ್ಚ್ 11 ರಂದು ತೆಲುಗಿನಲ್ಲಿ ರಾಬರ್ಟ್ ಬಿಡುಗಡೆ ಮಾಡಲು ವಿತರಕರು ಅಡ್ಡಿ ವ್ಯಕ್ತಪಡಿಸಿದ್ದರು. ಬಳಿಕ, ನಟ ದರ್ಶನ್ ಕರ್ನಾಟಕ ಫಿಲಂ ಚೇಂಬರ್‌ ಮೆಟ್ಟಿಲೇರಿದ್ದರು. ಇದರ ಬೆನ್ನಲ್ಲೆ ಟಾಲಿವುಡ್ ಮಂದಿ ರಾಬರ್ಟ್ ರಿಲೀಸ್‌ಗೆ ರೆಡ್‌ ಕಾರ್ಪೆಟ್ ಹಾಕಿ ಸ್ವಾಗತಿಸಿದ್ದಾರೆ. ನಿರ್ಮಾಪಕ ಉಮಾಪತಿ ಅವರನ್ನು ಆಹ್ವಾನಿಸಿದ ಸನ್ಮಾನ ಮಾಡಿ ಗೌರವಿಸಿದರು. ಇದೀಗ, ಮಾರ್ಚ್ 11 ರಂದೇ ರಾಬರ್ಟ್ ರಿಲೀಸ್ ಆಗಲಿದೆ.