'ಬಾಹುಬಲಿ' ದಾಖಲೆ ಮುರಿಯಲು ವಿಫಲವಾದ 'ಆರ್‌ಆರ್‌ಆರ್‌'

ಬಾಹುಬಲಿ ಸಿನಿಮಾ ಮಾರಾಟವಾಗಿದ್ದು ಯಾವ ಮೊತ್ತಕ್ಕೆ?

ಬಾಹುಬಲಿ ಸಿನಿಮಾವನ್ನು ತಮಿಳುನಾಡಿನ ಚಿತ್ರಮಂದಿರಗಳಲ್ಲಿ ಪ್ರದರ್ಶಿಸಲು 47 ಕೋಟಿ ರೂಪಾಯಿ ಹಣ ಕೊಟ್ಟು ಖರೀದಿಸಲಾಗಿತ್ತು. ಆರ್ಆರ್ಆರ್ ಸಿನಿಮಾದ ಹಕ್ಕು ಇನ್ನೂ ಹೆಚ್ಚಿನ ಮೊತ್ತಕ್ಕೆ ಮಾರಾಟವಾಗಲಿದೆ ಎನ್ನಲಾಗಿತ್ತು, ಆದರೆ ಅದು ಸಾಧ್ಯವಾಗಿಲ್ಲ.

42 ಕೋಟಿಗೆ ವಿತರಣೆ ಹಕ್ಕು ಮಾರಾಟ

ಆರ್ಆರ್ಆರ್ ಸಿನಿಮಾ ತಮಿಳುನಾಡು ಪ್ರದರ್ಶನ ಹಕ್ಕನ್ನು ಲೈಕಾ ಹೌಸ್‌ನವರು ಕೊಂಡು ಕೊಂಡಿದ್ದು, ಹಕ್ಕು ಖರೀದಿಗೆ ನೀಡಿರುವ ಮೊತ್ತ 42 ಕೋಟಿ ರೂಪಾಯಿಗಳು. ಇದೇ ಲೈಕಾ ಹೌಸ್ ಈ ಮೊದಲು ವಡಾ ಚೆನ್ನೈ, ದರ್ಬಾರ್ ಇನ್ನೂ ಹಲವು ಪ್ರಮುಖ ಸಿನಿಮಾಗಳನ್ನು ವಿತರಣೆ ಮಾಡಿತ್ತು.

ಸ್ಪರ್ಧೆ ಒಡ್ಡಲು ಸಿನಿಮಾಗಳಿವೆ

ಅನ್‌ಲಾಕ್‌ ನ ನಂತರ ಸ್ಟಾರ್ ಹೀರೋಗಳ ಸಿನಿಮಾಗಳು ಸರತಿ ಸಾಲಿನಲ್ಲಿ ಬಿಡುಗಡೆ ಆಗುತ್ತಿರುವ ಕಾರಣ ಆರ್ಆರ್ಆರ್ ಸಿನಿಮಾಕ್ಕೆ ಬೇರೆ ಸಿನಿಮಾಗಳು ಸ್ಪರ್ಧೆ ಒಡ್ಡುವ ಸಾಧ್ಯತೆ ಇದೆ. ಅಷ್ಟೇ ಅಲ್ಲದೆ, ಆರ್ಆರ್ಆರ್ ನಂತರವೂ ಹಲವು ಸಿನಿಮಾಗಳು ಸರತಿಯಲ್ಲಿ ಬಿಡುಗಡೆ ಆಗಲಿದ್ದು, ಆರ್ಆರ್ಆರ್ ಸಿನಿಮಾ ಹೆಚ್ಚು ದಿನ ಚಿತ್ರಮಂದಿರಗಳಲ್ಲಿ ಇರುವುದಿಲ್ಲ ಎನ್ನಲಾಗುತ್ತಿದೆ

Recommended Video

ಹಾಡಲ್ಲೇ ಹೀಗೆ ಇನ್ನೂ ಸಿನಿಮಾ ಹೇಗಿರುತ್ತೊ..? | Pogaru | Filmibeat Kannada

ರಾಜಮೌಳಿ ನಿರ್ದೇಶಿಸಿರುವ ಸಿನಿಮಾ

ಇನ್ನು ಆರ್ಆರ್ಆರ್ ಸಿನಿಮಾವನ್ನು ಬಾಹುಬಲಿ ನಿರ್ದೇಶಿಸಿದ್ದ ರಾಜಮೌಳಿಯೇ ನಿರ್ದೇಶಿಸಿದ್ದಾರೆ. ಜೂ.ಎನ್‌ಟಿಆರ್, ರಾಮ್ ಚರಣ್ ತೇಜ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ನಾಯಕಿಯಾಗಿ ಆಲಿಯಾ ಭಟ್, ಒಲಿವಿಯಾ ಮೋರಿಸ್ ನಟಿಸಿದ್ದಾರೆ. ವಿಶೇಷ ಪಾತ್ರದಲ್ಲಿ ಅಜಯ್ ದೇವಗನ್ ಸಹ ನಟಿಸಿದ್ದಾರೆ.