Don't Miss!
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- News Darshan: ಡಿ.ಕೆ. ಸುರೇಶ್ ಪರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಚಾರ
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'RRR' ಬಾಲಿವುಡ್ ಸಿನಿಮಾ ಅಲ್ಲ, ತೆಲುಗು ಸಿನಿಮಾ: ನಿಜ ಹೇಳಿದ್ದಕ್ಕೂ ರಾಜಮೌಳಿ ವಿರುದ್ಧ ಟೀಕೆ
'RRR' ಸಿನಿಮಾ ತೆಲುಗು ಸಿನಿಮಾ ಎಂಬುದು ಜಗಜ್ಜಾಹೀರು. ತೆಲುಗು ಚಿತ್ರರಂಗದಲ್ಲಿಯೇ ದಶಕಗಳಿಂದ ಕೆಲಸ ಮಾಡಿಕೊಂಡು ಬಂದಿರುವ, ತೆಲುಗು ಮಾತೃಭಾಷೆಯಾಗಿರುವ ರಾಜಮೌಳಿ ನಿರ್ದೇಶಿಸಿ, ತೆಲುಗು ಸ್ಟಾರ್ ನಟರಾದ ಜೂ ಎನ್ಟಿಆರ್, ರಾಮ್ ಚರಣ್ ನಟಿಸಿರುವ ಈ ಸಿನಿಮಾ ಅಪಟ್ಟ ತೆಲುಗು ಸಿನಿಮಾ.
ತೆಲುಗು ಸಿನಿಮಾ RRR ಹಿಂದಿ ಸೇರಿದಂತೆ ಬೇರೆ ಭಾಷೆಗಳಲ್ಲಿ ಬಿಡುಗಡೆ ಆಗಿದೆಯಾದರೂ ಮೂಲವಾಗಿ ಇದು ತೆಲುಗು ಸಿನಿಮಾವೇ. ಇದಕ್ಕೆ ರಾಜಮೌಳಿ ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದಾರೆ. ಆದರೆ ರಾಜಮೌಳಿಯ ಈ ಹೇಳಿಕೆಗೆ ಹಲವರು ವಿರೋಧ ವ್ಯಕ್ತಪಡಿಸಿದ್ದಾರೆ.
ವಿದೇಶದಲ್ಲಿ ನಡೆದ ಸಂವಾದವೊಂದರಲ್ಲಿ ಮಾತನಾಡಿರುವ ರಾಜಮೌಳಿ, ಪ್ರೇಕ್ಷಕರೊಬ್ಬರು ಕೇಳಿದ ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಾ, ''ಇದು (RRR) ಬಾಲಿವುಡ್ ಸಿನಿಮಾ ಅಲ್ಲ. ಇದು ತೆಲುಗು ಸಿನಿಮಾ. ದಕ್ಷಿಣ ಭಾರತದಲ್ಲಿ ನಿರ್ಮಾಣವಾದ ಸಿನಿಮಾ. ನಾನು ಸಹ ದಕ್ಷಿಣ ಭಾರತದವನೇ'' ಎಂದಿದ್ದಾರೆ.
ಇದು ಈಗ ಚರ್ಚೆಗೆ ಗ್ರಾಸವಾಗಿದೆ. ರಾಜಮೌಳಿ, ದಕ್ಷಿಣದ ಚಿತ್ರರಂಗ, ಬಾಲಿವುಡ್ ಎಂದು ವರ್ಗೀಕರಣ ಮಾಡಿದ್ದಾರೆ ಎಂದಿದ್ದಾರೆ. ಅಂತರಾಷ್ಟ್ರೀಯ ವೇದಿಕೆಯಲ್ಲಿ 'RRR' ಭಾರತೀಯ ಸಿನಿಮಾ ಎನ್ನಬೇಕಿತ್ತು, ದಕ್ಷಿಣ ಭಾರತ, ಉತ್ತರ ಭಾರತ ಎಂಬುದೆಲ್ಲ ಭಾರತದಲ್ಲಿ ಮಾತ್ರ ಎಂಬ ಅಭಿಪ್ರಾಯವನ್ನು ಕೆಲವರು ವ್ಯಕ್ತಪಡಿಸಿದ್ದಾರೆ.
ಇನ್ನು ಕೆಲವರು, ರಾಜಮೌಳಿ, 'RRR' ಸಿನಿಮಾವನ್ನು ಪ್ರೊಮೋಟ್ ಮಾಡಬೇಕಾದರೆ, 'RRR' ಭಾರತೀಯ ಸಿನಿಮಾ, ಸಿನಿಮಾಕ್ಕೆ ಭಾಷೆ, ಗಡಿ ಇಲ್ಲ ಎಂದಿದ್ದರು. ಈಗ ಸಿನಿಮಾ ಹಿಟ್ ಆದ ಬಳಿಕ RRR ತೆಲುಗು ಸಿನಿಮಾ ಎನ್ನುತ್ತಿದ್ದಾರೆ ಎಂದು ಕೆಲವರು ದೂರಿದ್ದಾರೆ.
ಆದರೆ ದಕ್ಷಿಣ ಭಾರತದ ಚಿತ್ರರಂಗವನ್ನು ಬಾಲಿವುಡ್ನವರು ದಶಕಗಳಿಂದಲೂ ಕಡೆಗಣಿಸುತ್ತಲೇ ಬಂದಿದ್ದಾರೆ. ಆದರೆ ಈಗ ದಕ್ಷಿಣ ಭಾರತ ಚಿತ್ರರಂಗ ಪ್ರಗತಿ ಸಾಧಿಸಿದ್ದು, ಬಾಲಿವುಡ್ ಮುಗ್ಗರಿಸಿದೆ. ಆಗ ದಕ್ಷಿಣ ಭಾರತ ಚಿತ್ರರಂಗವನ್ನು ಕಡೆಗಣಿಸಿದ್ದ, ಅಂತರ ಕಾಯ್ದುಕೊಂಡಿದ್ದ ಬಾಲಿವುಡ್ ಈಗ ದಕ್ಷಿಣ ಭಾರತ ಚಿತ್ರರಂಗದೊಂದಿಗೆ ಗುರುತಿಸಿಕೊಳ್ಳಲು ಹವಣಿಸುತ್ತಿದೆ.
'RRR' ಸಿನಿಮಾ ಸೂಪರ್ ಡೂಪರ್ ಹಿಟ್ ಆಗಿದೆ. ಈ ಬಾರಿಯ ಆಸ್ಕರ್ ಗೆಲ್ಲುವ ಸಾಧ್ಯತೆಯೂ ಇದೆ. ಈಗಾಗಲೇ ಪ್ರತಿಷ್ಟಿತ ಗ್ರಾಮಿ ಪ್ರಶಸ್ತಿಯನ್ನು ಅತ್ಯುತ್ತಮ ಹಾಡು ವಿಭಾಗದಲ್ಲಿ ಪಡೆದಿದೆ.