ಫೀಲ್ಡಿಗಿಳಿದ ಜಕ್ಕಣ್ಣ: ರೇಸ್‌ನಲ್ಲಿ ಜೂ.ಎನ್‌ಟಿಆರ್-ರಾಮ್ ಚರಣ್

ಚಿತ್ರೀಕರಣಕ್ಕೆ ಬೇಕಾದ ವಸ್ತುಗಳನ್ನು ಸಂಗ್ರಹಿಸಲಾಗಿತ್ತು

ಆರ್‌ಆರ್‌ಆರ್ ಸಿನಿಮಾ ಚಿತ್ರೀಕರಣ ಈ ಮೊದಲು ಪ್ರಾರಂಭವಾದಾಗಿದ್ದಾಗಲೇ ಚಿತ್ರೀಕರಣಕ್ಕೆ ಬೇಕಾದ ಎಲ್ಲಾ ವಸ್ತುಗಳನ್ನು ಸಂಗ್ರಹಿಸಿಡಲಾಗಿತ್ತು. ಹಳೆಯ ಕಾಲದ ಬಂದೂಕು, ಕಾರು, ವಸ್ತ್ರಗಳು ಎಲ್ಲವನ್ನೂ ತರಿಸಲಾಗಿತ್ತು. ಆದರೆ ಲಾಕ್‌ಡೌನ್ ಕಾರಣದಿಂದ ಅವನ್ನೆಲ್ಲಾ ಗೋಧಾಮಿನಲ್ಲಿಟ್ಟು ಬೀಗ ಜಡಿಯಲಾಗಿತ್ತು.

ವಿಡಿಯೋ ಬಿಡುಗಡೆ ಮಾಡಿದ ಆರ್‌ಆರ್‌ಆರ್ ತಂಡ

ಆರ್‌ಆರ್‌ಆರ್‌ ತಂಡ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ಸೆಟ್‌ ಅನ್ನು ಸ್ವಚ್ಛಗೊಳಿಸುವುದು, ಬಂದೂಕುಗಳನ್ನು ಸ್ವಚ್ಛಗೊಳಿಸುವುದು, ಚಿತ್ರೀಕರಣಕ್ಕೆ ತರಿಸಲಾಗಿದ್ದ ಹಳೆಯ ಮಾಡೆಲ್ ನ ಕಾರನ್ನು ಸ್ವಚ್ಛ ಮಾಡುವುದು, ವಸ್ತ್ರಗಳನ್ನು ತೊಳೆದು ಇಸ್ತ್ರಿ ಮಾಡಿರುವುದು ಎಲ್ಲವನ್ನೂ ತೋರಿಸಲಾಗಿದೆ.

ರೇಸ್ ಹೊರಡುವ ನಾಯಕರು

ಚಿತ್ರೀಕರಣದ ಸೆಟ್‌ನಲ್ಲಿ ಕೊರೊನಾ ಮುನ್ನೆಚ್ಚರಿಕೆ ಹೇಗೆ ತೆಗೆದುಕೊಳ್ಳಲಾಗಿದೆ ಎಂಬುದರ ಬಗ್ಗೆ ಸಹ ವಿಡಿಯೋದಲ್ಲಿ ತಿಳಿಸಲಾಗಿದೆ. ವಿಡಿಯೋದ ಅಂತ್ಯದಲ್ಲಿ ರಾಜಮೌಳಿ ಆಕ್ಷನ್ ಎನ್ನುತ್ತಿದ್ದಂತೆ ಇಬ್ಬರೂ ನಾಯಕ ನಟರು ಒಬ್ಬರು ಕುದುರೆ ಮೇಲೆ ಮತ್ತೊಬ್ಬರ ಹಳೆಯ ಕಾಲದ ಬುಲೆಟ್ ಮೇಲೆ ರೇಸ್ ಹೊರಡುತ್ತಾರೆ. ಸಿನಿಮಾದ ಫಸ್ಟ್ ಲುಕ್‌ಗಾಗಿ ಈ ಚಿತ್ರೀಕರಣ ನಡೆಸಲಾಗಿದೆ ಎನ್ನಲಾಗುತ್ತಿದೆ.

Recommended Video

ಫಿಕ್ಸ್ ಆಯ್ತು ಕಾಜಲ್ ಮದುವೆ, ಹುಡುಗ ಯಾರು ಗೊತ್ತಾ | Filmibeat Kannada

ಬೇಗ ಚಿತ್ರೀಕರಣ ಮುಗಿಸುವ ಒತ್ತಡದಲ್ಲಿ ರಾಜಮೌಳಿ

ಆರ್‌ಆರ್‌ಆರ್‌ ಸಿನಿಮಾದಲ್ಲಿ ಆಲಿಯಾ ಭಟ್ ಹಾಗೂ ಒಲಿವಿಯಾ ಮೋರಿಸ್ ನಾಯಕಿಯರ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇದನ್ನು ಹೊರತುಪಡಿಸಿ ನಟ ಅಜಯ್ ದೇವಗನ್ ಸಹ ಸಿನಿಮಾದಲ್ಲಿದ್ದಾರೆ. ಕೊರೊನಾ ಕಾರಣದಿಂದ ಹೊರಗಿನ ನಟರ ಕಾಲ್‌ಶೀಟ್‌ಗಳು ಮೊಟಕಾಗಿವೆ ಎನ್ನಲಾಗಿದ್ದು, ಬೇಗನೆ ಚಿತ್ರೀಕರಣ ಮುಗಿಸುವ ಒತ್ತಡದಲ್ಲಿದ್ದಾರೆ ರಾಜಮೌಳಿ.