ಬೆಂಗಳೂರು ಅರಮನೆ ಮೈದಾನದಲ್ಲಿ RRR ಅದ್ಧೂರಿ ಕಾರ್ಯಕ್ರಮ: ಸಿ.ಎಂ ಉದ್ಘಾಟನೆ!

ಬೆಂಗಳೂರಿನಲ್ಲಿ ನಡೆಯಲಿದೆ RRR ಅದ್ಧೂರಿ ಪ್ರೀ-ರಿಲಿಸ್ ಕಾರ್ಯಕ್ರಮ!

ಆರ್‌ಆರ್‌ಆರ್‌ ಚಿತ್ರದ ಪ್ರೀ- ರಿಲೀಸ್ ಕಾರ್ಯಕ್ರಮ ಬೆಂಗಳೂರಿನಲ್ಲಿ ನಡೆಯಲಿದೆ. ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಕಾರ್ಯಕ್ರಮ ಆಯೋಜಿಸಲು ಸಕಲ ಸಿದ್ಧತೆ ನಡೆಯುತ್ತಿದೆ. ಜನವರಿ 2ರಂದು ಅದ್ಧೂರಿ ಕಾರ್ಯಮ ನಡೆಯಲಿದೆ. ಈ ಕಾರ್ಯಮದಲ್ಲಿ ಆರ್‌ಆರ್‌ಆರ್‌ ಇಡೀ ಚಿತ್ರ ತಂಡ ಭಾಗಿ ಆಗಲಿದೆ. ಜೊತೆಗೆ ಸ್ಯಾಂಡಲ್‌ವುಡ್‌ ಗಣ್ಯರು ಕೂಡ ಭಾಗಿ ಆಗಲಿದ್ದಾರೆ.

ಒಂದೇ ವೇದಿಕೆಯಲ್ಲಿ ಯಶ್, ಶಿವರಾಜ್‌ಕುಮಾರ್, ಧ್ರುವ ಸರ್ಜಾ, ಉಪೇಂದ್ರ!

ಬೆಂಗಳೂರಿನಲ್ಲಿ ನಡೆಯಲಿರುವ ಆರ್‌ಆರ್‌ಆರ್‌ ಪ್ರೀ-ರಿಲೀಸ್‌ ಕಾರ್ಯಕ್ರಮಕ್ಕೆ ಕನ್ನಡದ ಸ್ಟಾರ್‌ ನಟರು ಸಾಥ್ ನೀಡಲಿದ್ದಾರೆ. ನಟ ಶಿವರಾಜ್‌ಕುಮಾರ್, ಉಪೇಂದ್ರ, ಯಶ್, ಧ್ರುವ ಸರ್ಜಾ ಆರ್ಆರ್ಆರ್‌ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳು. ಇನ್ನು ಈ ಕಾರ್ಯಕ್ರಮವನ್ನು ಕರ್ನಾಟಕದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಉದ್ಘಾಟನೆ ಮಾಡಲಿದ್ದಾರೆ ಎಂಬ ಮಾಹಿತಿ ಇದೆ. ಆದರೆ ಚಿತ್ರ ತಂಡ ಈ ವಿಚಾರವನ್ನು ಇನ್ನೂ ಅಧಿಕೃತಗೊಳಿಸಿಲ್ಲ.

ಕೇರಳ, ಚೆನ್ನೈ ಬಳಿಕ ಕರ್ನಾಟಕದಲ್ಲಿ ಆರ್‌ಆರ್‌ಆರ್‌!

ಈಗಾಗಲೇ ಕೇರಳ ಮತ್ತು ಚೆನ್ನೈನಲ್ಲಿ ಆರ್‌ಆರ್‌ಆರ್‌ ಚಿತ್ರದ ಪ್ರೀ-ರಿಲೀಸ್ ಕಾರ್ಯಕ್ರಮ ನೆರವೇರಿದೆ. ಈಗ ಕರ್ನಾಟಕದತ್ತ ಚಿತ್ರ ತಂಡ ಮುಖ ಮಾಡಿದೆ. ಬೆಂಗಳೂರಿನಲ್ಲಿ ಅದ್ಧೂರಿ ಕಾರ್ಯಕ್ರಮ ಮಾಡಲು ಚಿತ್ರ ತಂಡ ಮುಂದಾಗಿದೆ. ಕಳೆದ ಬಾರಿ ಕೇವಲ ಸುದ್ದಿಗೋಷ್ಠಿ ಮಾಡಲಾಗಿತ್ತು. ಈಗ ಅದ್ಧೂರಿ ಕಾರ್ಯಕ್ರಮದ ಮೂಲಕ ಕನ್ನಡಿಗರಿಗೆ ಮತ್ತಷ್ಟು ಹತ್ತಿರ ಆಗುವ ಯೋಜನೆ ಹೊಂದಿದೆ ಆರ್‌ಆರ್‌ಆರ್‌.

ಪ್ರಚಾರಕ್ಕಾಗಿ ಕೋಟಿ, ಕೋಟಿ ಖರ್ಚು!

ಮೂಲಗಳ ಪ್ರಕಾರ 'ಆರ್‌ಆರ್‌ಆರ್‌' ಸಿನಿಮಾದ ಪ್ರಚಾರಕ್ಕಾಗಿಯೇ ಸುಮಾರು 20 ಕೋಟಿ ರುಪಾಯಿ ಖರ್ಚು ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ. ಹೈದರಾಬಾದ್‌ನ ಪ್ರೀ ರಿಲೀಸ್ ಕಾರ್ಯಕ್ರಮದ ಖರ್ಚು ಇನ್ನೂ ಮೂರು-ನಾಲ್ಕು ಕೋಟಿ ಆಗಲಿದೆ. ಅಲ್ಲಿಗೆ ಸರಿ ಸುಮಾರು 25 ಕೋಟಿ ಹಣ ಕೇವಲ ಪ್ರಚಾರಕ್ಕೆ ಖರ್ಚಾದಂತಾಗುತ್ತದೆ ಆಗುತ್ತದೆ.