RRR ಸಿನಿಮಾ ನಿರ್ಮಾಪಕರಿಗೆ ಹೃದಯ ಸಮಸ್ಯೆ: ಅಡಕತ್ತರಿಯಲ್ಲಿ ಸಿನಿಮಾ?

ಡಿವಿವಿ ದಾನಯ್ಯ ಅವರಿಗೆ ಹೃದಯ ಬೇನೆ

ಡಿವಿವಿ ದಾನಯ್ಯ ಅವರಿಗೆ ಕೆಲವು ದಿನಗಳ ಹಿಂದೆ ಹೃದಯ ಬೇನೆ ಕಾಣಿಸಿಕೊಂಡಿತ್ತು. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಪೂರ್ಣ ಪರೀಕ್ಷೆಯ ಬಳಿಕ ಅವರಿಗೆ ಹೃದಯ ಸಮಸ್ಯೆ ಇದ್ದು, ಆಪರೇಷನ್ ಅವಶ್ಯಕತೆ ಇದೆ ಎಂದು ವೈದ್ಯರು ತಿಳಿಸಿದ್ದರು.

ಹೃದಯ ಸಂಬಂಧಿ ಆಪರೇಷನ್ ಮಾಡಲಾಗಿದೆ

ಅಂತೆಯೇ ದಾನಯ್ಯ ಅವರಿಗೆ ತಜ್ಞ ವೈದ್ಯರ ಸಮಕ್ಷಮದಲ್ಲಿ ಹೃದಯದ ಶಸ್ತ್ರಚಿಕಿತ್ಸೆ ಮಾಡಲಾಗಿದ್ದು, ಹೃದಯವು ಸೂಕ್ತವಾಗಿ ಕಾರ್ಯನಿರ್ವಹಿಸುವಂತೆ ಮಾಡಲು ಸ್ಟಂಟ್ ಅನ್ನು ಅಳವಡಿಸಲಾಗಿದೆ. ಶಸ್ತ್ರಚಿಕಿತ್ಸೆಯ ನಂತರ ದಾನಯ್ಯ ಚೇತರಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.

ಹಲವು ಹಿಟ್ ಸಿನಿಮಾಗಳನ್ನು ನಿರ್ಮಿಸಿದ್ದಾರೆ

1992 ರಿಂದಲೂ ಸಿನಿಮಾ ನಿರ್ಮಾಣದಲ್ಲಿ ತೊಡಗಿಕೊಂಡಿರುವ ದಾನಯ್ಯ, ಶಿವಮಣಿ, ದೇಶಮುದುರು, ದುಬೈ ಸೀನು, ಓಯ್, ವರುಡು, ಜುಲೈ, ಕ್ಯಾಮೆರಾಮನ್ ಗಂಗ ತೋ ರಾಮ್‌ಬಾಬು, ನಾಯಕ್, ಬ್ರೂಸ್‌ ಲೀ, ನಿನ್ನು ಕೋರಿ, ಭರತ್ ಅನೆ ನೇನು, ವಿನಯ ವಿಧೇಯ ರಾಮ ಸಿನಿಮಾಗಳನ್ನು ನಿರ್ಮಿಸಿದ್ದಾರೆ.

ಸಿನಿಮಾ ಮೇಲೆ ಯಾವುದೇ ಪರಿಣಾಮವಿಲ್ಲ

ಆರ್‌ಆರ್‌ಆರ್‌ ಸಿನಿಮಾ ಬಹುತಾರಾಗಣದ ಬಹು ಬಜೆಟ್‌ನ ಸಿನಿಮಾ ಆಗಿದ್ದು ಸಿನಿಮಾ ಮೇಲೆ ಭಾರಿ ನಿರೀಕ್ಷೆ ಇದೆ. ದಾನಯ್ಯ ಅವರ ಆರೋಗ್ಯ ಪರಿಸ್ಥಿತಿ ಸಿನಿಮಾ ಮೇಲೆ ಯಾವುದೇ ರೀತಿಯ ಪರಿಣಾಮ ಬೀರುವುದಿಲ್ಲ ಎಂದು ನಿರ್ಮಾಪಕರ ಆಪ್ತರು ಸ್ಪಷ್ಟಪಡಿಸಿದ್ದಾರೆ. ಲಾಕ್‌ಡೌನ್ ಮುಗಿದ ಕೂಡಲೇ ಸಿನಿಮಾ ಚಿತ್ರೀಕರಣ ಆರಂಭವಾಗಲಿದೆ.