Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹತ್ತು ಭಾಷೆಯಲ್ಲಿ RRR: ಕೆಲವೇ ದಿನದಲ್ಲಿ ಟೀಸರ್
ರಾಜಮೌಳಿ ನಿರ್ದೇಶಿಸಿ ಜೂ.ಎನ್ಟಿಆರ್, ರಾಮ್ ಚರಣ್ ತೇಜ ನಟಿಸುತ್ತಿರುವ ಆರ್ಆರ್ಆರ್ ಸಿನಿಮಾ ಭಾರತ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದು. ಒಂದೇ ಬಾರಿಗೆ ಹತ್ತು ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ!
ಆಲಿಯಾ ಭಟ್, ಅಜಯ್ ದೇವಗನ್ ಸೇರಿ ಬಹುತಾರಾಗಣದ ಈ ಸಿನಿಮಾದ ಕ್ಯಾರೆಕ್ಟರ್ ಟೀಸರ್, ಕೆಲವು ಪೋಸ್ಟರ್ಗಳನ್ನು ಬಿಡುಗಡೆ ಮಾಡಲಾಗಿದ್ದು ಸಖತ್ ವೈರಲ್ ಆಗಿವೆ. ಇದೀಗ ಮತ್ತೊಂದು ಮೆಗಾ ಟೀಸರ್ ಶೀಘ್ರದಲ್ಲಿಯೇ ಬಿಡುಗಡೆ ಆಗಲಿದೆ.
'RRR' ಸಿನಿಮಾ: ಅಲಿಯಾ ಭಟ್ ಸೀತಾ ಪಾತ್ರವನ್ನು ವಿಸ್ತರಿಸಲು ಮುಂದಾಗಿದ್ದೇಕೆ ರಾಜಮೌಳಿ?
ಈವರೆಗೂ ಜೂ.ಎನ್ಟಿಆರ್ರ ಕೋಮರಂ ಭೀಮ್ ಹಾಗೂ ರಾಮ್ ಚರಣ್ ಅವರ ಅಲ್ಲೂರಿ ಸೀತಾರಾಮ ರಾಜು ಪಾತ್ರಗಳನ್ನು ಪರಿಚಯಿಸುವ ಕಿರು ಟೀಸರ್ಗಳಷ್ಟೆ ಬಿಡುಗಡೆ ಆಗಿದ್ದವು. ಆದರೆ ಈಗ ಒಟ್ಟಾರೆ ಸಿನಿಮಾದ ಟೀಸರ್ ಬಿಡುಗಡೆ ಆಗಲಿದೆ. ರಾಮ್ ಚರಣ್ ಹುಟ್ಟುಹಬ್ಬವು ಮಾರ್ಚ್ 27ಕ್ಕೆ ಇದ್ದು ಅದೇ ದಿನ ಸಿನಿಮಾದ ಟೀಸರ್ ಬಿಡುಗಡೆ ಆಗುವ ಸಂಭವ ಇದೆ.
ಒಟ್ಟಿಗೆ ಹತ್ತು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ ಆರ್ಆರ್ಆರ್
ಆರ್ಆರ್ಆರ್ ಸಿನಿಮಾವು ಒಟ್ಟಿಗೆ ಹತ್ತು ಭಾಷೆಗಳಲ್ಲಿ ಬಿಡುಗಡೆ ಆಗಲಿರುವುದು ಹೊಸ ಸುದ್ದಿಯೇನಲ್ಲ. ಆರ್ಆರ್ಆರ್ ಸಿನಿಮಾದ ಮೊದಲ ಸುದ್ದಿಗೋಷ್ಠಿಯಲ್ಲಿಯೇ ರಾಜಮೌಳಿ ಅವರು ಈ ವಿಷಯವನ್ನು ಹೇಳಿದ್ದರು.
'ಬಾಹುಬಲಿ' ಸಿನಿಮಾ ಹಲವು ಭಾಷೆಗಳಿಗೆ ಡಬ್ ಆಗಿತ್ತು
ರಾಜಮೌಳಿ ನಿರ್ದೇಶನದ 'ಬಾಹುಬಲಿ' ಸಿನಿಮಾವು ಭಾರತದ ಹಲವು ಭಾಷೆಗಳಿಗೆ ಡಬ್ ಆಗಿತ್ತು, ಮಾತ್ರವಲ್ಲದೆ ವಿದೇಶದ ಕೆಲವಾರು ಭಾಷೆಗಳಿಗೂ ಡಬ್ ಆಗಿ ಪ್ರಸಾರವಾಗಿತ್ತು. ಹಾಗಾಗಿ ಈ ಬಾರಿ ಆರ್ಆರ್ಆರ್ ಸಿನಿಮಾವನ್ನು ಹೆಚ್ಚಿನ ಭಾಷೆಗಳಲ್ಲಿ ಡಬ್ ಮಾಡಿಯೇ ಬಿಡುಗಡೆ ಮಾಡುವ ಯೋಚನೆ ಹಾಕಿದ್ದಾರೆ ರಾಜಮೌಳಿ.
ಆರ್ಆರ್ಆರ್ ಚಿತ್ರೀಕರಣ ವಿಳಂಬ: ರಾಜಮೌಳಿ-ಜೂ.ಎನ್ಟಿಆರ್ ನಡುವೆ ಕಿರಿಕ್!?
ಚಿತ್ರೀಕರಣದಲ್ಲಿ ಸಾಕಷ್ಟು ಬದಲಾವಣೆ
ಕೊರೊನಾ ಕಾರಣಕ್ಕೆ ಚಿತ್ರೀಕರಣಕ್ಕೆ ಅಲ್ಪವಿರಾಮ ಉಂಟಾಗಿತ್ತು. ಆದರೆ ಇದೀಗ ಮತ್ತೆ ಭರದಿಂದ ಚಿತ್ರೀಕರಣ ಮಾಡಲಾಗುತ್ತಿದೆ. ಚಿತ್ರೀಕರಣದ ಶೆಡ್ಯೂಲ್ಗಳಲ್ಲಿ ಬದಲಾವಣೆ ಸಹ ಮಾಡಿಕೊಳ್ಳಲಾಗಿದೆ. ಸಿನಿಮಾದ ಬಹುತೇಕ ಭಾಗದ ಚಿತ್ರೀಕರಣ ಈಗಾಗಲೇ ಮುಗಿದಿದೆ. ಅಜಯ್ ದೇವಗನ್, ಆಲಿಯಾ ಭಟ್ ಅವರು ಪಾತ್ರದ ಮೊದಲ ಶೆಡ್ಯೂಲ್ನ ಚಿತ್ರೀಕರಣ ಮುಗಿದಿದ್ದು, ಈ ಇಬ್ಬರೂ ಬಾಲಿವುಡ್ಡಿಗರು ಆರ್ಆರ್ಆರ್ ಚಿತ್ರೀಕರಣ ಸೆಟ್ಗೆ ಮರಳಲಿದ್ದಾರೆ.
Recommended Video
ಅಕ್ಟೋಬರ್ 13 ಕ್ಕೆ ಸಿನಿಮಾ ತೆರೆಗೆ
ಆರ್ಆರ್ಆರ್ ಸಿನಿಮಾವು ಅಕ್ಟೋಬರ್ 13 ರಂದು ತೆರೆಗೆ ಬರಲಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ, ಮಲಯಾಳಂ, ಭೋಜ್ಪುರಿ, ಸಿಂಹಳಿ ಸೇರಿದಂತೆ ಇನ್ನೂ ಹಲವು ಭಾಷೆಗಳಲ್ಲಿ ಏಕಕಾಲದಲ್ಲಿ 'ಆರ್ಆರ್ಆರ್' ಬಿಡುಗಡೆ ಆಗಲಿದೆ.