ಅಬ್ಬಾ..! ಅಲಿಯಾ ಭಟ್ ಸಿಬ್ಬಂದಿಗೆ 'RRR'ತಂಡ 1 ದಿನಕ್ಕೆ ಇಷ್ಟೊಂದು ಹಣ ಖರ್ಚು ಮಾಡುತ್ತಿದೆಯೇ?

ಅಲಿಯಾ ಭಟ್ ಸಿಬ್ಬಂದಿಗೆ ದಿನಕ್ಕೆ 1 ಲಕ್ಷ ಖರ್ಚು

ಹೌದು, ಆರ್ ಆರ್ ಆರ್ ಸಿನಿಮಾದಲ್ಲಿ ನಟಿಸಲು ಮುಂಬೈಯಿಂದ ಹೈದರಾಬಾದ್ ಗೆ ಬಂದಿರುವ ಅಲಿಯಾ ಭಟ್ ಜೊತೆಗೆ ಸಿಬ್ಬಂದಿ ಸಹ ಬಂದಿದ್ದಾರೆ. ಅಲಿಯಾ ಭಟ್ ಸಿಬ್ಬಂದಿಗೆ ಚಿತ್ರತಂಡ ದಿನಕ್ಕೆ 1 ಲಕ್ಷ ರೂಪಾಯಿ ಖರ್ಚು ಮಾಡುತ್ತಿದೆಯಂತೆ. ಅಂದಹಾಗೆ ಅಲಿಯಾ ಜೊತೆ ಒಟ್ಟು 10 ಜನ ಬಂದಿದ್ದಾರೆ.

ಅಲಿಯಾ ಜೊತೆ 10 ಸಿಬ್ಬಂದಿ ಹೈದರಾಬಾದ್ ಗೆ ಆಗಮನ

ಅಲಿಯಾ ಭಟ್ ಜೊತೆ ಮುಂಬೈನಿಂದ 10 ಸಿಬ್ಬಂದಿ ಬಂದಿದ್ದಾರಂತೆ. 4 ಬೌನ್ಸರ್ಸ್, 1 ವೈಯಕ್ತಿಕ ಸಹಾಯಕ, 1 ಮೇಕಪ್ ಮ್ಯಾನ್, 1 ಕೇಶ ವಿನ್ಯಾಸಕಿ, 1 ಕಾಸ್ಟ್ಯೂಮ್ ಅಸಿಸ್ಟೆಂಟ್, 1 ವ್ಯವಸ್ಥಾಪಕ ಮತ್ತು 1 ಚಾಲಕ ಹೈದರಾಬಾದ್ ಗೆ ಬಂದಿದ್ದು, ಅಲಿಯಾ ಜೊತೆ ಬೀಡುಬಿಟ್ಟಿದ್ದಾರೆ. ಎಲ್ಲರೂ ಹೈದರಾಬಾದ್ ನ ಸ್ಟಾರ್ ಹೋಟೆಲ್ ನಲ್ಲಿ ತಂಗಿದ್ದು, ಹೋಟೆಲ್ ವೆಚ್ಚ ಒಂದು ದಿನಕ್ಕೆ 1 ಲಕ್ಷ ಖರ್ಚಾಗುತ್ತಿದೆಯಂತೆ.

ಅಲಿಯಾಗೆ ಸ್ವಾಗತ ಕೋರಿದ ರಾಜಮೌಳಿ

ಚಿತ್ರೀಕರಣದಲ್ಲಿ ಭಾಗಿಯಾದ ಅಲಿಯಾ ಭಟ್ ಗೆ ನಿರ್ದೇಶಕ ರಾಜಮೌಳಿ ಅದ್ದೂರಿ ಸ್ವಾಗತ ಕೋರಿದ್ದಾರೆ. ಅಲಿಯಾ ಭಟ್ ಜೊತೆ ಫೋಟೋ ಶೇರ್ ಮಾಡಿ, 'ನಮ್ಮ ಪ್ರೀತಿಯ ಸೀತಾ, ಅತ್ಯಂತ ಪ್ರತಿಭಾವಂತೆ ಮತ್ತು ಸುಂದರ ಅಲಿಯಾ ಭಟ್ ಗೆ ಆರ್ ಆರ್ ಆರ್ ಸಿನಿಮಾಗೆ ಆತ್ಮೀಯ ಸ್ವಾಗತ' ಎಂದು ರಾಜಮೌಳಿ ಹೇಳಿದ್ದಾರೆ.

Recommended Video

ಜೀವನದಲ್ಲಿ ಯಾವತ್ತು ಒಂದೇ ಗುರಿ ಇರ್ಬೇಕು | Shivraj K R Pete | Filmibeat Kannada

ಸೀತಾ ಪಾತ್ರದಲ್ಲಿ ಅಲಿಯಾ ಅಭಿನಯ

ನಟಿ ಅಲಿಯಾ ಭಟ್ ರಾಮ್ ಚರಣ್ ಗೆ ನಾಯಕಿಯಾಗಿ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿತ್ತು, ಆದರೀಗ ಅಧಿಕೃತವಾಗಿದೆ. ರಾಮ್ ಚರಣ್ ಚಿತ್ರದಲ್ಲಿ ಅಲ್ಲುರಿ ಸೀತಾರಾಮ ರಾಮ ರಾಜು ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸೀತಾರಾಮ ರಾಜು ಪ್ರೇಯಸಿ ಸೀತಾ ಪಾತ್ರಕ್ಕೆ ಅಲಿಯಾ ಬಣ್ಣ ಹಚ್ಚುತ್ತಿದ್ದಾರೆ. ಈ ಬಗ್ಗೆ ಸ್ವತಃ ರಾಜಮೌಳಿ ಅವರೇ ಬಹಿರಂಗ ಪಡಿಸಿದ್ದಾರೆ.