Don't Miss!
- News ಲೋಕಸಭಾ ಚುನಾವಣೆ: ಮೈಸೂರು ಜಿಲ್ಲೆಯಲ್ಲಿ ಭದ್ರತೆಗೆ 5 ಸಾವಿರ ಪೊಲೀಸರ ನಿಯೋಜನೆ
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
RRR: ಚಿತ್ರೀಕರಣಕ್ಕಿಂತಲೂ ವಿಎಫ್ಎಕ್ಸ್ ಗೆ ಹೆಚ್ಚು ಹಣ ಖರ್ಚು!
ಬಹುನಿರೀಕ್ಷಿತ ಸಿನಿಮಾ ಆರ್ಆರ್ಆರ್ ನ ಚಿತ್ರೀಕರಣ ಶರವೇಗದಿಂದ ಸಾಗುತ್ತಿದೆ. ಆರಂಭದಲ್ಲಿ ಮಾಡಿದ್ದ ಯೋಜನೆಯನ್ನು ಲಾಕ್ಡೌನ್ ನಂತರ ಬದಲಾಯಿಸಿರುವ ರಾಜಮೌಳಿ, ಸಾಧ್ಯವಾದಷ್ಟು ಬೇಗ ಚಿತ್ರೀಕರಣ ಮುಗಿಸುತ್ತಿದ್ದಾರೆ.
ಚಿತ್ರೀಕರಣ ಬೇಗ ಮುಗಿಸಿದರೂ ಸಹ ಸಿನಿಮಾ ಬಿಡುಗಡೆ ತಡವೇ ಆಗಲಿದೆ. ಅದಕ್ಕೆ ಪ್ರಮುಖ ಕಾರಣ ಪೋಸ್ಟ್ ಪ್ರೊಡಕ್ಷನ್ ಪ್ರಕ್ರಿಯೆ.
ಹೌದು, ನಿರ್ದೇಶಕ ರಾಜಮೌಳಿ ಅವರು ಪೋಸ್ಟ್ ಪ್ರೊಡಕ್ಷನ್ಗೆ ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತಾರೆ. ಸಿನಿಮಾವೊಂದು ಸರಿಯಾಗಿ 'ಫೈನ್ ಟ್ಯೂನ್' ಆಗುವುದು ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿಯೇ ಹಾಗಾಗಿ ಈ ಹಂತದ ಬಗ್ಗೆ ರಾಜಮೌಳಿಗೆ ವಿಶೇಷ ಕಾಳಜಿ.
ಅದರಲ್ಲಿಯೂ ಸಿನಿಮಾದ ವಿಎಫ್ಎಕ್ಸ್ ಎಫೆಕ್ಟ್ಗಳಿಗೆ ಭಾರಿ ಮೊತ್ತದ ಹಣ ವ್ಯಯ ಮಾಡಲಿದ್ದಾರೆ ರಾಜಮೌಳಿ. ಸಿನಿಮಾದ ಚಿತ್ರೀಕರಣಕ್ಕೆ ಖರ್ಚಾದುದ್ದಕ್ಕಿಂತಲೂ ಹೆಚ್ಚು ಹಣ ವಿಎಫ್ಎಕ್ಸ್ ಗೆ ಖರ್ಚಾಗಲಿದೆಯಂತೆ.
ಲಾಕ್ಡೌನ್ ಕಾರಣದಿಂದಾಗಿ ಬಹುತೇಕ ಸೆಟ್ಗಳಲ್ಲಿಯೇ ಚಿತ್ರೀಕರಣ ನಡೆದಿದ್ದು, ಸೆಟ್ನ ಚಿತ್ರೀಕರಣದಲ್ಲಿ ಇದ್ದ ಕೊರತೆಗಳನ್ನು ನೀಗಿಸುವುದು, ಭಾರಿ ಪ್ರಮಾಣದ ಆಕ್ಷನ್ ದೃಶ್ಯಗಳು, ಸಾಹಸ ದೃಶ್ಯಗಳಿಗೆ ವಿಎಫ್ಎಕ್ಸ್ ಅತ್ಯಂತ ಅಗತ್ಯ ಹಾಗಾಗಿ ವಿಎಫ್ಎಕ್ಸ್ಗೆ ದೊಡ್ಡ ಮೊತ್ತ ಖರ್ಚಾಗುತ್ತಿದೆ. ಬಾಹುಬಲಿ ಸಿನಿಮಾದಲ್ಲಿಯೂ ಸಹ ವಿಎಫ್ಎಕ್ಸ್ ಅನ್ನು ದೊಡ್ಡ ಮಟ್ಟದಲ್ಲಿ ಬಳಸಿದ್ದರು ನಿರ್ದೇಶಕ ರಾಜಮೌಳಿ.
ಆರ್ಆರ್ಆರ್ ಸಿನಿಮಾದ ಒಟ್ಟು ಬಜೆಟ್ 350-400 ಕೋಟಿ ಆಗಿದ್ದು, ಸುಮಾರು 150 ಕೋಟಿಗೂ ಹೆಚ್ಚು ಹಣ ವಿಎಫ್ಎಕ್ಸ್ಗೆ ಖರ್ಚಾಗಲಿದೆ ಎನ್ನಲಾಗುತ್ತಿದೆ. ಡಿವಿವಿ ದಾನಯ್ಯ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ.
Recommended Video
ಆರ್ಆರ್ಆರ್ ಸಿನಿಮಾದಲ್ಲಿ ದೊಡ್ಡ ನಟರ ದಂಡೇ ಇದೆ. ಜೂ ಎನ್ಟಿಆರ್, ರಾಮ್ ಚರಣ್ ತೇಜಾ, ಆಲಿಯಾ ಭಟ್, ಒಲಿವಿಯಾ ಮೋರಿಸ್, ಅಜಯ್ ದೇವಗನ್ ಅವರುಗಳು ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.