'RRR' ರಿಲೀಸ್ ಮುಂದೂಡಿಕೆ ಬಹುತೇಕ ಖಚಿತ: ಸದ್ಯದಲ್ಲೇ ಅಧಿಕೃತ ಮಾಹಿತಿ?

RRR ರಿಲೀಸ್‌ಗೆ ಓಮಿಕ್ರಾನ್ ಅಡ್ಡಗಾಲು!

ಓಮಿಕ್ರಾನ್‌ ಪ್ರಕರಣಗಳು ಹೆಚ್ಚಾಗುತ್ತಿರುವ ಕಾರಣಕ್ಕೆ ಹಲವು ಕಡೆ ಲಾಕ್‌ಡೌನ್‌, ನೈಟ್‌ ಕರ್ಫ್ಯೂ ಜಾರಿ ಆಗುತ್ತಿದೆ. ಚಿತ್ರ ಮಂದಿರಗಳಿಗೆ ಬೀಗ ಬೀಳುತ್ತಿದೆ. ದೆಹಲಿ, ಮುಂಬೈ, ಕರ್ನಾಕಟದಲ್ಲಿ ಅದಾಗಲೇ ಓಮಿಕ್ರಾನ್ ನಿಯಂತ್ರಣಕ್ಕೆ ನಿಯಮಗಳು ಜಾರಿ ಆಗಿವೆ. ರಾತ್ರಿ ಕರ್ಫ್ಯೂ ಕೂಡ ಜಾರಿ ಆಗಿದೆ. ಇನ್ನು ಚಿತ್ರ ಮಂದಿರಗಳಲ್ಲಿನ ಶೋಗಳನ್ನು ಕಡಿತಗೊಳಿಸಲಾಗಿದೆ. ಹೆಚ್ಚು ಜನ ಸೇರುವ ಕಾರಣಕ್ಕೆ ಚಿತ್ರ ಮಂದಿರಗಳಿಗೆ ಬೀಗ ಹಾಕಿದರೂ ಅಚ್ಚರಿ ಇಲ್ಲ. ಹಾಗಾಗಿ ಈ ಸಮಯದಲ್ಲಿ ಆರ್‌ಆರ್‌ಆರ್‌ ರಿಲೀಸ್ ಆದರೆ ತೊಂದರೆ ಕಟ್ಟಿಟ್ಟ ಬುತ್ತಿ. ಹಾಗಾಗಿ ಚಿತ್ರದ ರಿಲೀಸ್‌ ಪೋಸ್ಟ್‌ ಪೋನ್‌ ಮಾಡಲು ಚಿಂತನೆ ನಡೆಸಿದೆಯಂತೆ ಚಿತ್ರ ತಂಡ.

ಪೋಸ್ಟ್ ಪೋನ್‌ ಬಗ್ಗೆ ಅಧಿಕೃತವಾಗಿ ಮಾಹಿತಿ ನೀಡಲಿರುವ ಚಿತ್ರ ತಂಡ!

ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಗಳು ಇದ್ದರೂ, ಚಿತ್ರವನ್ನು ರಿಲೀಸ್ ಮಾಡುವ ದಾರಿ ಮುಚ್ಚಿದೆ. ಅನಿವಾರ್ಯವಾಗಿ ಚಿತ್ರವನ್ನು ಮುಂದೂಡುವ ಸಂದರ್ಭ ಚಿತ್ರ ತಂಡಕ್ಕೆ ಎದುರಾಗಿದೆ. ಈ ಬಗ್ಗೆ ಟಾಲಿವುಡ್‌ನಲ್ಲಿ ಹೆಚ್ಚಿನ ಚರ್ಚೆ ನಡೆಯುತ್ತಿದೆ. ಆದರೆ ಚಿತ್ರ ತಂಡ ಮಾತ್ರ ಇನ್ನೂ ಚಿತ್ರ ಪೋಸ್ಟ್ ಪೋನ್‌ ಬಗ್ಗೆ ಅಧಿಕೃತವಾಗಿ ಹೇಳಿಕೊಂಡಿಲ್ಲ. ಆದರೆ ಸದ್ಯದಲ್ಲೆ ಆರ್‌ಆರ್‌ಆರ್‌ ಮುಂದೂಡಿಕೆಯ ಬಗ್ಗೆ ಅಧಿಕೃತವಾಗಿ ಚಿತ್ರ ತಂಡ ಮಾಹಿತಿ ನೀಡಲಿದೆ.

RRR ಚಿತ್ರಕ್ಕೆ ದಾರಿ ಬಿಟ್ಟ ಹಲವು ಚಿತ್ರಗಳು!

ಇನ್ನು ಆರ್‌ಆರ್‌ಆರ್‌ ಚಿತ್ರಕ್ಕಾಗಿ ಹಲವು ಚಿತ್ರಗಳು ದಾರಿ ಮಾಡಿ ಕೊಟ್ಟಿವೆ. ಆರ್‌ಆರ್‌ಆರ್ ಚಿತ್ರಕ್ಕೂ ಮುನ್ನ ರಿಲೀಸ್ ದಿನಾಂಕವನ್ನು ಜನವರಿಯಲ್ಲಿ ಹಲವು ಚಿತ್ರಗಳು ರಿಲೀಸ್ ದಿನಾಂಕವನ್ನು ನಿಗಧಿ ಮಾಡಿಕೊಂಡಿದ್ದವು. ಆದರೆ ಆರ್‌ಆರ್‌ಆರ್‌ ಚಿತ್ರಕ್ಕಾಗಿ ಇತಮ್ಮ ಚಿತ್ರ ರಿಲೀಸ್ ದಿನಾಂಕವನ್ನು ಮುಂದೂಡಿ ಆರ್‌ಆರ್‌ಆರ್‌ ಚಿತ್ರಕ್ಕೆ ಬೆಂಬಲ ನೀಡಿವೆ. ಈ ಸಾಲಿನಲ್ಲಿ, ಗಂಗೂಬಾಯಿ ಕಾಐಆಯಾವಾಡಿ, ಭೀಮ್ಲಾ ನಾಯಕ್, ಸರ್ಕಾರು ವಾರಿ ಪಾಠ, ಫನ್ 3 ಚಿತ್ರಗಳು ಇವೆ. ಹಾಗಾಗಿ ಈಗ ಚಿತ್ರದ ರಿಲೀಸ್‌ ಪೋಸ್ಟ್‌ ಆದರೆ ಆ ಚಿತ್ರಗಳಿಗೂ ತೊಂದರೆ ಆಗುತ್ತದೆ.

RRR ರಿಲೀಸ್‌ಗೆ ದಿನಗಣನೆ ಆರಂಭ!

ಆರ್‌ಆರ್‌ಆರ್‌ ಚಿತ್ರದ ರಿಲೀಸ್‌ಗೆ ದಿನಗಣನೆ ಶುರುವಾಗಿದೆ. ಜನವರಿ 7 ಅಂದು, ಶುಕ್ರವಾರ ಚಿತ್ರ ತೆರೆಗೆ ಬರಲಿದೆ. ಜನವರಿ 7ಕ್ಕೆ ರಿಲೀಸ್ ದಿನಾಂಕವನ್ನು ಚಿತ್ರತಂಡ ನಿಗದಿ ಮಾಡಿದೆ. ಈಗಾಗಲೇ ಚಿತ್ರದ ಪ್ರಚಾರವನ್ನು ಕೂಡ ಅದ್ಧೂರಿಯಾಗಿ ಮಾಡುತ್ತಿದೆ ಚಿತ್ರ ತಂಡ. ಪ್ರಚಾರಕ್ಕಾಗಿಯೇ ಹೆಚ್ಚಿನ ಹಣವನ್ನು ಚಿತ್ರ ತಂಡ ಖರ್ಚು ಮಾಡುತ್ತಿದೆ. ಪ್ರೇಕ್ಷಕರು ಕೂಡ ಚಿತ್ರವನ್ನು ನೋಡಲು ಸಜ್ಜಾಗಿದ್ದಾರೆ. ಆದರೆ ಆ ಸಾಧ್ಯತೆ ಕಡಿಮೆ ಇದೆ.