RRR, ರಾಧೆ ಶ್ಯಾಮ್ ಚಿತ್ರಕ್ಕೆ ಓಮಿಕ್ರಾನ್ ಶಾಕ್!

ಚಿತ್ರರಂಗಕ್ಕೆ ಮತ್ತೆ ವೈರಾಣು ತಲೆಬಿಸಿ: ಬಿಗ್‌ ಚಿತ್ರಗಳಿಗೆ ಓಮಿಕ್ರಾನ್ ಕಾಟ!

ಈಗಾಗಲೇ ಕೊರೊನಾ ಮತ್ತು ಲಾಕ್‌ಡೌನ್‌ ನಿಂದಾಗಿ ಹಲವು ಚಿತ್ರಗಳ ಶೂಟಿಂಗ್‌ ಮತ್ತು ರಿಲೀಸ್‌ ತಡವಾಗಿದೆ. ಅಂದು ಕೊಂಡ ಸಮಯಕ್ಕೆ ಚಿತ್ರವನ್ನು ರಿಲೀಸ್ ಮಾಡಲು ಸಾಧ್ಯ ಆಗಿಲ್ಲ. ಈಗ ಕೊಂಚ ಸುಧಾರಿಸಿ ಕೊಂಡು ಚಿತ್ರಗಳನ್ನು ರಿಲೀಸ್‌ ಮಾಡಲಾಗುತ್ತಿದೆ. ಆದರೆ ಸದ್ಯ RRR ಮತ್ತು ರಾಧೆ ಶ್ಯಾಮ್‌ ಚಿತ್ರಗಳಿಗೆ ಓಮಿಕ್ರಾನ್‌ ತಲೆ ಬಿಸಿ ತಂದಿದೆ. ಯಾಕೆಂದರೆ ದಿನೇ ದಿನೇ ಓಮಿಕ್ರಾನ್‌ ವೈರಾಣು ಪ್ರಕರಣಗಳು ಹೆಚ್ಚಾಗುತ್ತಿವೆ. ಹಾಗಾಗಿ ಇದು ಚಿತ್ರದ ರಿಲೀಸ್ ಮೇಲೆ ಪರಿಣಾಮ ಬೀರಲಿದೆ.

ಮುಂಬೈನಲ್ಲಿ ನೈಟ್‌ ಕರ್ಫ್ಯೂ: ದಿನಕ್ಕೆ 3 ಪ್ರದರ್ಶನಗಳಿಗೆ ಮಾತ್ರ ಅವಕಾಶ!

ಓಮಿಕ್ರಾನ್‌ ಪ್ರಕರಣಗಳು ಹೆಚ್ಚಾಗುತ್ತಿರುವ ಕಾರಣ ಮುಂಬೈನಲ್ಲಿ ರಾತ್ರಿ ಕರ್ಫ್ಯೂ ಹೇರಲಾಗಿದೆ. ರಾತ್ರಿ 9ಗಂಟೆ ಯಿಂದ ಬೆಳಗ್ಗೆ 6 ಗಂಟೆಯ ತನಕ ಕರ್ಫ್ಯೂ ಜಾರಿಯಲ್ಲಿ ಇರಲಿದೆ. ಅಷ್ಟೇ ಅಲ್ಲ ಚಿತ್ರ ಮಂದಿರಗಳಿಗೂ ನಿಯಮ ಜಾರಿ ಮಾಡಲಾಗಿದೆ. ದಿನಕ್ಕೆ ಕೇವಲ 3 ಶೋಗಳನ್ನ ಪ್ರದರ್ಶನ ಮಾಡುವ ಅವಕಾಶ ಮಾತ್ರ ನೀಡಲಾಗಿದೆ. ಇದು ವೈರಾಣು ತಡೆಯುವ ನಿಟ್ಟಿನಲ್ಲಿ ಕೈಗೊಂಡ ಕ್ರಮಗಳಾಗಿವೆ. ಇದು ಈ ದೊಡ್ಡ ಚಿತ್ರಗಳಿಗೆ ತಲೆಬಿಸಿ ತಂದಿದೆ.

RRR ರಾಧೆ ಶ್ಯಾಮ್ ಚಿತ್ರಗಳು ಪ್ಯಾನ್‌ ಇಂಡಿಯಾ ಚಿತ್ರಗಳು!

RRR ಮತ್ತು ರಾಧೆ ಶ್ಯಾಮ್ ಚಿತ್ರಗಳು ಪ್ಯಾನ್‌ ಇಂಡಿಯಾ ಚಿತ್ರಗಳು. ಈ ಚಿತ್ರಗಳಿಗೆ ಮಹಾರಾಷ್ಟ್ರದಲ್ಲಿ ಹೆಚ್ಚಿನ ಬೇಡಿಕೆ ಇದೆ. ಅಲ್ಲದೆ ಮಹಾರಾಷ್ಟ್ರದಲ್ಲಿ ಚಿತ್ರ ರಿಲೀಸ್‌ಗೆ ಎಲ್ಲಾ ಪ್ಲ್ಯಾನ್‌ ಮಾಡಿಕೊಳ್ಳಲಾಗಿದೆ. ಆದರೆ ಈಗ ಚಿತ್ರ ಪ್ರದರ್ಶನ ಶೋಗಳನ್ನು ಕಡಿತಗೊಳಿಸಲಾಗಿದೆ. ಇದು ಮುಂದೆ ಇನ್ನೂ ಹೆಚ್ಚಾಗಬಹುದು. ಅಲ್ಲದೇ ಚಿತ್ರಮಂದಿರಗಳಿಗೆ ಬೀಗ ಬೀಳುವ ಸಾಧ್ಯತೆ ಕೂಡ ಇದೆ.

'ಆರ್‌ಆರ್‌ಆರ್‌' ಚಿತ್ರ ರಿಲೀಸ್‌ ಮುಂದೂಡುವ ಸಾಧ್ಯತೆ!

ಇನ್ನೂ ಓಮಿಕ್ರಾನ್‌ ಪ್ರಕರಣ ಎಲ್ಲೆಡೆ ಹೆಚ್ಚಾದರೆ ಚಿತ್ರಮಂದಿರಗಳನ್ನು ಅನಿವಾರ್ಯವಾಗಿ ಮುಚ್ಚ ಬೇಕಾಗುತ್ತದೆ. ಹಾಗಾಗಿ ವಿಧಿ ಇಲ್ಲದೆ ಚಿತ್ರದ ರಿಲೀಸ್‌ ದಿನಾಂಕವನ್ನು ಮುಂದೂಡಲೇ ಬೇಕಾಗುತ್ತದೆ. ಆರ್ಆರ್ಆರ್‌ ಚಿತ್ರ ರಿಲೀಸ್‌ಗೆ ಒಂದು ವಾರ ಬಾಕಿ ಇದೆ. ಆ ಬಳಿಕ ಒಂದು ವಾರ ಬಿಟ್ಟು 'ರಾಧೆ ಶ್ಯಾಮ್' ತೆರೆಗೆ ಬರಲಿದೆ. ಹಾಗೇನಾದರು ಚಿತ್ರ ಮಂದಿರಗಳು ಮುಚ್ಚುವ ಪರಿಸ್ಥಿತಿ ಬಂದರೆ ಆರ್‌ಆರ್‌ಆರ್, ರಾಧೆ ಶ್ಯಾಮ್ ಚಿತ್ರಗಳು ಬೇರೆ ದಾರಿ ಇಲ್ಲದೆ ಮುಂದೆ ಹೋಗ ಬೇಕಾಗುತ್ತದೆ.