RRR: ರಾಮ್‌ ಚರಣ್ ಎಂಟ್ರಿ ದೃಶ್ಯ, ಹಾಲಿವುಡ್ ಸೀರೀಸ್ ಕಾಪಿ?

ರಾಮ್‌ ಚರಣ್ ಎಂಟ್ರಿ ಫೈಟ್ 'ಗೇಮ್‌ ಆಫ್ ಥ್ರೋನ್ಸ್' ಕಾಪಿ?

RRR ಚಿತ್ರದಲ್ಲಿ ನಟ ರಾಮ್‌ಚರಣ್ ಎಂಟ್ರಿ ಸೂಪರೋ, ಸೂಪರ್ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ. ಭರ್ಜರಿ ಆ್ಯಕ್ಷನ್ ಜೊತೆಗೆ ರಾಮ್‌ಚರಣ್ ಎಂಟ್ರಿ ಕೊಟ್ಟಿದ್ದಾರೆ. ರಾಮ್‌ ಚರಣ್ ಭರ್ಜರಿ ಫೈಟ್ ನೋಡುಗರಿಗೆ ವಾವ್ ಎನಿಸುತ್ತದೆ. ಅದರಲ್ಲೂ ರಾಜಮೌಳಿ ಕಟ್ಟಿಕೊಟ್ಟ ಸನ್ನಿವೇಶ ಚಪ್ಪಾಳೆ ಗಿಟ್ಟಿಸಿಕೊಂಡಿದೆ. ಆದರೆ ಈ ದೃಶ್ಯ ಹಾಲಿವುಡ್‌ನ 'ಗೇಮ್ ಆಫ್ ಥ್ರೋನ್' ಸೀರೀಸ್ ಕಾಪಿ ಎನ್ನಲಾಗುತ್ತಿದೆ.

'ದಿ ಬ್ಯಾಟಲ್ ಆಫ್ ಬಾಸ್ಟರ್ಡ್ಸ್' ಸನ್ನಿವೇಶದಿಂದ ಸ್ಫೂರ್ತಿ

'ಗೇಮ್‌ ಆಫ್ ಥ್ರೋನ್ಸ್' ಸೀರೀಸ್‌ನಲ್ಲಿ ಒಂದು ಆ್ಯಕ್ಷನ್ ಸನ್ನಿವೇಶಕ್ಕೆ 'ದಿ ಬ್ಯಾಟಲ್ ಆಫ್ ಬಾಸ್ಟರ್ಡ್ಸ್' ಎಂದು ಕರೆಯಲಾಗಿದೆ. ಈ ಸನ್ನಿವೇಶದಲ್ಲಿ ನಾಯಕನ ಪಾತ್ರಧಾರಿ ಜಾನ್ ಸ್ನೋ, ಶತ್ರು ಸೈನಿಕರ ಗುಂಪಿನಿಂದ ಆಕ್ರಮಣಕ್ಕೆ ಒಳಗಾಗುತ್ತಾನೆ. ಶತ್ರು ಗುಂಪಿನಿಂದ ಕೆಲಕಾಲ ಹೊಡೆತಾ ತಿನ್ನುತ್ತಾನೆ. ನಂತರ ಸಣ್ಣ ಸಹಾಯ ದೊರೆತಾಗ ಶತ್ರುಗಳ ವಿರುದ್ಧ ಆಕ್ರಮಣ ಮಾಡುತ್ತಾನೆ. ಇದೇ ರೀತಿಯ ಸನ್ನಿವೇಶ RRR ಚಿತ್ರದಲ್ಲಿ ರಾಮ್‌ ಚರಣ್‌ನ ಪಾತ್ರದ ಎಂಟ್ರಿಯಲ್ಲಿ ಕಂಡು ಬರುತ್ತದೆ.

ರಾಜಮೌಳಿ ಜರಿಯಲು ಅಸಾಧ್ಯ!

ದೃಶ್ಯಗಳ ನಡುವೆ ಸಾಮ್ಯತೆ ಇದೆ ಎಂದ ಮಾತ್ರಕ್ಕೆ, ನಿರ್ದೇಶಕ ರಾಜಮೌಳಿಯನ್ನು ಜರಿಯಲು ಸಾಧ್ಯವಿಲ್ಲ. ಯಾಕೆಂದರೆ, ಈ ಸೀರೀಸ್‌ನಿಂದ ಜಕ್ಕಣ್ಣ ಸ್ಫೂರ್ತಿ ಪಡೆದಿರಬಹುದು ಅಥವಾ, ಇದು ಕಾಕತಾಳೀಯವೂ ಆಗಿರಬಹುದು. ಅದೇನೆ ಇದ್ದರು ಜನರು ಮಾತ್ರ ಸಿನಿಮಾವನ್ನು ಮೆಚ್ಚಿ ಕೊಂಡಿದ್ದಾರೆ. ತೆರೆಯ ಮೇಲೆ ಸಿನಿಮಾ ನೋಡಿದ ಪ್ರೇಕ್ಷಕ ಏನು ಹೇಳುತ್ತಾನೆ ಎನ್ನುವುದು ಮಾತ್ರ ಮುಖ್ಯ ಆಗುತ್ತದೆ.

Recommended Video

RRR 1st Day Collection | RRR ಮೊದಲ ದಿನ ಮಾಡಿದ ಕಲೆಕ್ಷನ್ ನಲ್ಲಿ ಎಷ್ಟು ಸಿನಿಮಾ ನಿರ್ಮಾಣ ಮಾಡಬಹುದು ಗೊತ್ತ

ಬಾಕ್ಸಾಫೀಸ್‌ನಲ್ಲಿ RRR ಜಾದು!

RRR ಚಿತ್ರ ಮಾರ್ಚ್ 25ಕ್ಕೆ ರಿಲೀಸ್ ಆಗಿದೆ. ರಿಲೀಸ್ ಆಗುತ್ತಲೇ ಬಾಕ್ಸಾಫೀಸ್‌ನಲ್ಲಿ ಚಿತ್ರ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಾ ಇದೆ. ಬಿಗ್ ಓಪನಿಂಗ್ ಪಡೆದುಕೊಂಡಿದೆ. ಚಿತ್ರ ರಿಲೀಸ್ ಆಗಿ 3 ದಿನಕ್ಕೆ ದಾಖಲೆ ಮಟ್ಟದ ಕಲೆಕ್ಷನ್ ಮಾಡಿದೆ. 500 ಕೋಟಿ ಗಳಿಸಿ ಹೊಸ ದಾಖಲೆ ಬರೆದಿದೆ. ಇನ್ನೂ ಕೂಡ ಬಾಕ್ಸಾಫೀಸ್‌ನಲ್ಲಿ ಸಿನಿಮಾದ ಕಲೆಕ್ಷನ್ ಮುಂದುವರೆದಿದೆ.