'RRR'; ರಾಜಮೌಳಿ ಮತ್ತು ಕಲಾವಿದರ ಸಂಭಾವನೆ ಎಷ್ಟು ಗೊತ್ತಾ?

ಚಿತ್ರದ ನಿರ್ದೇಶಕ ಎಸ್.ಎಸ್ ರಾಜಮೌಳಿ ಸಂಭಾವನೆ ಎಷ್ಟು?

ಬಾಹುಬಲಿ ಸಿನಿಮಾ ರಿಲೀಸ್ ಆಗಿ ದೊಡ್ಡ ಮಟ್ಟದ ಸಕ್ಸಸ್ ಕಾಣುವ ಮುನ್ನ, ಸಂಭಾವನೆ ಬಗ್ಗೆ ಅಷ್ಟಾಗಿ ಯಾರು ತಲೆ ಕೆಡಿಸಿಕೊಳ್ಳುತ್ತಾ ಇರಲಿಲ್ಲ. ಆದರೆ ಈಗ ರಾಜಮೌಳಿ ಸಿನಿಮಾ ಅಂದರೆ ಸಕ್ಸಸ್ ಮತ್ತು ಕೋಟಿ ಕೋಟಿ ಗಳಿಕೆ ಪಕ್ಕಾ ಎನ್ನುವಂತಾಗಿದೆ. ಕಲಾವಿದರಿಗಿಂದ ಹೆಚ್ಚಾಗಿ ಚಿತ್ರದ ರೂವಾರಿ ನಿರ್ದೇಶಕ ರಾಜಮೌಳಿ ಅವರ ಸಂಭಾವನೆ ಎಷ್ಟು ಎನ್ನುವ ಕುತೂಹಲ ಇದ್ದೇ ಇರುತ್ತೆ. ಸದ್ಯ ಟಾಲಿವುಡ್‌ನಲ್ಲಿ ಈ ಬಗ್ಗೆ ಚರ್ಚೆ ಆಗುತ್ತಿದೆ. ನಿರ್ದೇಶಕ ರಾಜಮೌಳಿ ಸಿನಿಮಾದ ಲಾಭದಲ್ಲಿ 30 ಪರ್ಸೆಂಟ್ ಶೇರ್ ಪಡೆದುಕೊಳ್ಳುತ್ತಾರಂತೆ.

ರಾಮ್ ಚರಣ್, ಜೂ.ಎನ್‌ಟಿಆರ್‌ಗೆ ಸಮ ಸಂಭಾವನೆ!

ಆರ್‌ಆರ್‌ಆರ್ ಚಿತ್ರದ ಎರಡು ಮುಖಗಳು ಎಂದರೆ ಅದು ನಟ ರಾಮ್ ಚರಣ್ ಮತ್ತು ಜೂ.ಎನ್‌ಟಿಆರ್. ಈ ಇಬ್ಬರು ಸ್ಟಾರ್ ನಟರು ಸಿನಿಮಾದಲ್ಲಿ ಅಭಿನಯಿಸುತ್ತಾರೆ ಎಂದಾಗಲೇ, ಇವರು ಅಧಿಕ ಸಂಭಾವನೆ ಪಡೆದುಕೊಂಡಿರುತ್ತಾರೆ ಎನ್ನಲಾಗಿತ್ತು. ಚಿತ್ರದ ಇಬ್ಬರು ನಟರಿಗೂ ಒಂದೇ ರೀತಿ ಸಂಭಾವನೆಯನ್ನು ಕೊಡಲಾಗಿದೆ. ಇಬ್ಬರಿಗೂ ತಲಾ 45 ಕೋಟಿ ರೂ ಸಂಭಾವನೆ ನೋಡಲಾಗಿದೆ ಎಂದು ವರದಿ ಆಗಿದೆ. ಚಿತ್ರದಲ್ಲಿ ಇಬ್ಬರದ್ದೂ ಪ್ರಮುಖ ಪಾತ್ರ. ಹಾಗಾಗಿ ಇಬ್ಬರಿಗೂ ಸಮನಾದ ಸಂಭಾವನೆ ನೀಡಲಾಗಿದೆ.

ಆಲಿಯಾ ಭಟ್, ಅಜಯ್ ದೇವಗನ್ ಅಧಿಕ ಸಂಭಾವನೆ!

ಇನ್ನು ಈಗಾಗಲೇ ನಟಿ ಆಲಿಯಾ ಭಟ್ ಆರ್‌ಆರ್‌ಆರ್ ಚಿತ್ರಕ್ಕೆ ಪಡೆದುಕೊಂಡ ಸಂಭಾವನೆ ಬಗ್ಗೆ ಸುದ್ದಿ ಆಗಿತ್ತು. ಈ ಚಿತ್ರಕ್ಕಾಗಿ ಬಾಲಿವುಡ್ ನಟಿ ಆಲಿಯಾ ಮೊದಲ ಬಾರಿಗೆ ಸೌತ್ ಚಿತ್ರರಂಗದಲ್ಲಿ ಅಭಿನಯಿಸುತ್ತಿದ್ದಾರೆ. ಆಲಿಯಾ ಭಟ್ ಈ ಚಿತ್ರಕ್ಕೆ 9 ಕೋಟಿ ಸಂಭಾವನೆ ಪಡೆದಿದ್ದಾರಂತೆ. ಸೀತಾ ಪಾತ್ರದಲ್ಲಿ ಆಲಿಯಾ ಕಾಣಿಸಿಕೊಂಡಿದ್ದಾರೆ. ಇನ್ನು ಬಾಲಿವುಡ್ ನಟ ಅಜಯ್ ದೇವಗನ್ ಕೂಡ ಹೆಚ್ಚಿನ ಸಂಭಾವನೆ ಪಡೆದಿದ್ದಾರೆ. ಈ ಚಿತ್ರಕ್ಕಾಗಿ 25 ಕೋಟಿ ಹಣ ಪಡೆದಿದ್ದಾರಂತೆ ಅಜಯ್ ದೇವಗನ್.

ಚಿತ್ರದ ಒಟ್ಟು ಬಜೆಟ್ 400 ಕೋಟಿ!

'ಆರ್‌ಆರ್‌ಆರ್' ಗತಕಾಲದ ವೈಭವವನ್ನು ಸೃಷ್ಟಿಸಲಿದೆ. ಅದಕ್ಕಾಗಿ ಸಾಕಷ್ಟು ಖರ್ಚು ಮಾಡಲಾಗಿದೆ. ಯಾವುದೇ ಲಿಮಿಟ್ ಇಲ್ಲದೆ ಚಿತ್ರಕ್ಕೆ ಖರ್ಚು ಮಾಡಲಾಗಿದೆಯಂತೆ. ಚಿತ್ರದ ಒಟ್ಟಾರೆ ಬಡ್ಜೆಟ್ 400 ಕೋಟಿ. ಚಿತ್ರತಂಡ ಇದನ್ನು ಅಧಿಕೃತವಾಗಿ ಪ್ರಟಕ ಮಾಡಿಕೊಂಡಿದೆ. ಚಿತ್ರ ರಿಲೀಸ್‌ಗೂ ಮುನ್ನವೇ ಕೋಟಿ, ಕೋಟಿ ಬ್ಯುಸಿನೆಸ್ ಮಾಡಿದೆ. ಆರ್‌ಆರ್‌ಆರ್ ವೈಭವವನ್ನು ಕಣ್ತುಂಬಿಕೊಳ್ಳಲು ಇನ್ನು ಹೆಚ್ಚು ದಿನ ಬೇಕಾಗಿಲ್ಲ. ಮಾರ್ಚ್ 25ಕ್ಕೆ ಚಿತ್ರ ಬೆಳ್ಳಿ ಪರದೆಗೆ ಅಪ್ಪಳಿಸಲಿದೆ.