RRR ನಿರ್ದೇಶಕ ರಾಜಮೌಳಿ ಮೇಲೆ ದೃಶ್ಯ ಕದ್ದ ಆರೋಪ

ಕೆಲವು ದೃಶ್ಯಗಳ ಬಗ್ಗೆ ತಕರಾರು

ಟೀಸರ್‌ನಲ್ಲಿ ಬರುವ ನೀರಿನ ಮೇಲೆ ಮಳೆ ಹನಿ ಬೀಳುವ ದೃಶ್ಯ, ಬಂಡೆ ಸಿಡಿಯುವ ದೃಶ್ಯ, ಮರಗಳ ನಡುವಿಂದ ಸೂರ್ಯೋದಯ ಕಾಣಿಸುವ ದೃಶ್ಯಗಳನ್ನು ಇಂಟರ್ನೆಟ್‌ನಲ್ಲಿ ಈಗಾಗಲೇ ಲಭ್ಯವಿರುವ ವಿಡಿಯೋಗಳಿಂದ ಕದಿಯಲಾಗಿದೆ ಎಂದು ಆರೋಪಿಸಲಾಗಿದೆ.

ದೂರು ದಾಖಲಿಸಲು ಒತ್ತಾಯ

ಟೀಸರ್ ಅನ್ನು ರಿಚ್ ಆಗಿಸಲು ನಿರ್ದೇಶಕ ರಾಜಮೌಳಿ ಟ್ರಿಕ್‌ಗಳನ್ನು ಬಳಸಿದ್ದಾರೆ, ತಮ್ಮದಲ್ಲದ ದೃಶ್ಯಗಳನ್ನು ಟೀಸರ್‌ ಒಳಗೆ ಸೇರಿಸಿದ್ದಾರೆ ಎಂದು ನೆಟ್ಟಿಗರು ಕೆಲವು ಆರೋಪಿಸಿದ್ದಾರೆ. ಕೆಲವರಂತೂ ಚಿತ್ರತಂಡದ ಮೇಲೆ ಪ್ರಕರಣದ ದಾಖಲಿಸಬೇಕು ಎಂದಿದ್ದಾರೆ ಸಹ.

ಚಿತ್ರತಂಡದ ಪರವಾಗಿಯೂ ವಾದ

ಆದರೆ ದೊಡ್ಡ ಸಂಖ್ಯೆಯ ಮಂದಿ ಚಿತ್ರತಂಡದ ಪರವಾಗಿ ವಾದ ಮಂಡಿಸಿದೆ. ಅದರಲ್ಲಿಯೂ ಜೂ.ಎನ್‌ಟಿಆರ್ ಹಾಗೂ ರಾಜಮೌಳಿ ಅಭಿಮಾನಿಗಳು ಆರೋಪವನ್ನು ತಳ್ಳಿ ಹಾಕಿದ್ದಾರೆ. ರಾಜಮೌಳಿ ಕಾಪಿ ಮಾಡುವ ನಿರ್ದೇಶಕ ಅಲ್ಲ ಎಂಬುದು ಹಲವರ ವಾದ.

Recommended Video

Arjun Sarja : ಚಿರು ಮಗನನ್ನು ನೋಡಲು ಚೆನ್ನೈನಿಂದ ಹೋರಟ ಅರ್ಜುನ್ ಸರ್ಜಾ | Filmibeat Kannada

ವೈರಲ್ ಆಗಿರುವ ಟೀಸರ್ ವಿಡಿಯೋ

ನಿನ್ನೆ ಬಿಡುಗಡೆ ಆಗಿರುವ ಟೀಸರ್ ಜೂ ಎನ್‌ಟಿಆರ್ ಅಭಿಮಾನಿಗಳಿಗೆ ಭಾರಿ ಸಂತಸ ತಂದಿದೆ. ಟೀಸರ್ ವಿಡಿಯೋ ಸಖತ್ ವೈರಲ್ ಆಗಿದೆ. ಟೀಸರ್ ತೆಲುಗು, ತಮಿಳು ಹಾಗೂ ಕನ್ನಡದಲ್ಲಿ ಬಿಡುಗಡೆ ಆಗಿದೆ. ಕನ್ನಡದಲ್ಲಿ ರಾಮ್ ಚರಣ್ ಧ್ವನಿ ನೀಡಿದ್ದಾರೆ.