30 ರು. ನಿಂದ ವೃತ್ತಿ ಆರಂಭಿಸಿದ ಸಂಗೀತ ನಿರ್ದೇಶಕ ತಮನ್ ಸಂಭಾವನೆ ಈಗೆಷ್ಟು ಗೊತ್ತೆ?

11 ನೇ ವಯಸ್ಸಿನಲ್ಲಿಯೇ ಸಿನಿಮಾಕ್ಕಾಗಿ ಕೆಲಸ

ತನ್ನ 11 ನೇ ವಯಸ್ಸಿನಲ್ಲಿಯೇ ಬಾಲಕೃಷ್ಣ ನಟನೆಯ ಭೈರವ ದ್ವೀಪಂ ಸಿನಿಮಾಕ್ಕೆ ಸಹಾಯಕ ಸಂಗೀತಗಾರನಾಗಿ ದುಡಿದ್ದರು ಎಸ್.ತಮನ್. ಆಗ ಅವರಿಗೆ ಸಿಕ್ಕದ್ದ ಸಂಭಾವನೆ ಕೇವಲ 30 ರುಪಾಯಿ. ಆಗಿನ್ನೂ ಸಂಗೀತ ಎನ್ನುವುದು ತಮನ್‌ಗೆ ಕೇವಲ ಹವ್ಯಾಸವಾಗಿ ಮಾತ್ರವೇ ಇತ್ತು.

13ನೇ ವಯಸ್ಸಿನಲ್ಲಿ ಶಿಕ್ಷಣಕ್ಕೆ ವಿದಾಯ ಹೇಳಿದ್ದ ತಮನ್

ನಂತರ ಎಸ್.ತಮನ್ 13ನೇ ವಯಸ್ಸಿನವರಾಗಿದ್ದಾಗ ತಂದೆ ತೀರಿಕೊಂಡರು. ಆಗ ಅನಿವಾರ್ಯವಾಗಿ ಶಿಕ್ಷಣಕ್ಕೆ ಫುಲ್‌ಸ್ಟಾಪ್ ಇಟ್ಟು ಸಂಗೀತವನ್ನು ವೃತ್ತಿಯಾಗಿ ಆಯ್ದುಕೊಂಡರು ತಮನ್. ಆ ವಯಸ್ಸಿನಲ್ಲಿಯೇ ಸಂಗೀತ ನಿರ್ದೇಶಕ ಜೋಡಿ ರಾಜ್-ಕೋಟಿಯನ್ನು ಸೇರಿಕೊಂಡು ಮೂರು ವರ್ಷ ಕೆಲಸ ಮಾಡಿದರು.

ಮಣಿಶರ್ಮಾ ಎಸ್ ತಮನ್ ಅವರ ಗುರುಗಳಂತೆ

ನಂತರ ಸಂಗೀತ ನಿರ್ದೇಶಕ ಎಂಎಂ ಕೀರವಾಣಿ ಬಳಿ ಮೂರು ವರ್ಷ. ವಿ.ಶ್ರೀನಿವಾಸ್, ಆರ್‌ಪಿ ಪಟ್ನಾಯಕ್, ಚಕ್ರಿ, ದೇವಿಶ್ರೀಪ್ರಸಾದ್ ಅವರುಗಳ ಬಳಿಯೆಲ್ಲಾ ಸಹಾಯಕನಾಗಿ ದುಡಿದ ಎಸ್.ತಮನ್ ಸಂಗೀತವನ್ನು ಕಲಿಯುತ್ತಾ ಸಾಗಿದರು. 'ನನ್ನ ಗುರು ಮಣಿಶರ್ಮಾ' ಎಂದು ಹೇಳಿಕೊಳ್ಳುವ ತಮನ್ ಮಣಿಶರ್ಮಾ ಬಳಿ ಬರೋಬ್ಬರಿ ಎಂಟು ವರ್ಷಗಳ ಕಾಲ ಸಂಗೀತ ಸಹಾಯಕನಾಗಿ ದುಡಿದರು.

25ನೇ ವಯಸ್ಸಿನಲ್ಲಿ ಸಂಗೀತ ನಿರ್ದೇಶನ ಆರಂಭ

ತಮ್ಮ 25 ನೇ ವಯಸ್ಸಿನಲ್ಲಿ ಮೊದಲ ಸಿನಿಮಾಕ್ಕೆ ಸ್ವತಂತ್ರ್ಯವಾಗಿ ಸಂಗೀತ ನಿರ್ದೇಶನ ಮಾಡಿದರು ಎಸ್.ತಮನ್. 2009 ರ 'ಕಿಕ್' ಸಿನಿಮಾ ಅವರಿಗೆ ಭಾರಿ ಯಶಸ್ಸು ತಂದುಕೊಟ್ಟಿತು. ಆ ನಂತರ ತಿರುಗಿ ನೋಡಿದ್ದೇ ಇಲ್ಲ. ತೆಲುಗು, ತಮಿಳಿನ ಬೇಡಿಕೆಯ ಸಂಗೀತ ನಿರ್ದೇಶಕ ಎಸ್.ತಮನ್, ಕನ್ನಡದಲ್ಲಿಯೂ ಐದು ಸಿನಿಮಾಗಳಿಗೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.

Recommended Video

ಪಾರ್ಟ್ನರ್ ಗಳನ್ನ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ KL Rahul | Filmibeat Kannada

ತಮನ್ ಈಗಿನ ಸಂಭಾವನೆ ಎಷ್ಟು?

ಸಾಕಷ್ಟು ಹಿಟ್ ಹಾಡುಗಳನ್ನು ನೀಡಿರುವ ತಮನ್ 'ಅಲಾ ವೈಕುಂಟಪುರಂಲೊ' ಸಿನಿಮಾದ ನಂತರ ತಮ್ಮ ಸಂಭಾವನೆ ಏರಿಸಿಕೊಂಡಿದ್ದಾರೆ. ಈ ಮೊದಲು ಸಿನಿಮಾಕ್ಕೆ 50 ಲಕ್ಷ ತೆಗೆದುಕೊಳ್ಳುತ್ತಿದ್ದ ಎಸ್.ತಮನ್. ಮುಂದೆ ತಾನು ಕೆಲಸ ಮಾಡಲಿರುವ ಜೂ.ಎನ್‌ಟಿಆರ್-ಪೂಜಾ ಹೆಗ್ಡೆ ಸಿನಿಮಾಕ್ಕೆ ಒಂದು ಕೋಟಿ ಬೇಡಿಕೆ ಇಟ್ಟಿದ್ದಾರಂತೆ. 30 ರೂಪಾಯಿಯಿಂದ ವೃತ್ತಿ ಆರಂಭಿಸಿದ್ದ ತಮನ್ ಈಗ ಕೋಟಿ ಗಳಿಸುತ್ತಿದ್ದಾರೆ.