ಪುಟ್ಟ ಮಕ್ಕಳಿಗೆ ಮೆಹಂದಿ ಹಾಕಿ ಸಂಭ್ರಮಿಸಿದ ಸಾಯಿ ಪಲ್ಲವಿ: ಸಮಂತಾ ಹೇಳಿದ್ದೇನು?

ಮಕ್ಕಳಿಗೆ ಮೆಹಂದಿ ಹಾಕಿದ ಸಾಯಿ ಪಲ್ಲವಿ

ಸಾಯಿ ಪಲ್ಲವಿ ಶೂಟಿಂಗ್ ಸ್ಪಾಟ್ ನಲ್ಲಿದ್ದ ಮಕ್ಕಳಿಗೆ ಮೆಹಂದಿ ಹಾಕಿದ್ದಾರೆ ಸಂಭ್ರಮಿಸಿದ್ದಾರೆ. ಪುಟ್ಟ ಪುಟ್ಟ ಕೈಗಳಿಗೆ ತರಹೇವಾರಿ ಡಿಸೈನ್ ಗಳನ್ನು ಬಿಡಿಸಿ ಮಕ್ಕಳನ್ನು ಸಂತಸ ಪಡಿಸಿದ್ದಾರೆ. ಮೆಹಂದಿ ಎಂದರೆ ಮಕ್ಕಳಿಗೆ ಎಷ್ಟು ಪ್ರೀತಿ ಎನ್ನುವುದು ಎಲ್ಲರಿಗೂ ಗೊತ್ತಿರುವುದೇ. ಮಕ್ಕಳ ಮನಸ್ಸು ಅರಿತು ಸಾಯಿ ಪಲ್ಲವಿ ಮದರಂಗಿ ಬಿಡಿಸಿ ಖುಷಿಪಡಿಸಿದ್ದಾರೆ.

ಫೋಟೋ ಶೇರ್ ಮಾಡಿರುವ 'ಫಿದಾ' ಬ್ಯೂಟಿ

ಸಾಯಿ ಪಲ್ಲವಿ ಹಾಕಿದ ಮೆಹಂದಿ ನೋಡಿ ಹಳ್ಳಿಯ ಮಕ್ಕಳು ಫುಲ್ ಆಗಿದ್ದಾರೆ. ಮಕ್ಕಳಿಗೆ ಮದರಂಗಿ ಹಾಕುತ್ತಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಫೋಟೋಗೆ 'ಹ್ಯಾಪಿ ಕ್ಲೈಂಟ್ಸ್' ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಸಾಯಿ ಪಲ್ಲ ವಿ ಕೆಲಸಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದು ಲೈಕ್ ಒತ್ತಿ, ಮಚ್ಚುಗೆಯ ಕಾಮೆಂಟ್ಸ್ ಮಾಡುತ್ತಿದ್ದಾರೆ.

ಸಮಂತಾ ಮತ್ತು ಅನುಪಮಾ ಪರಮೇಶ್ವರ್ ಹೇಳಿದ್ದೇನು?

ವಿಶೇಷ ಅಂದರೆ ಅಭಿಮಾನಿಗಳು ಮಾತ್ರವಲ್ಲದೆ ಸೆಲೆಬ್ರಿಟಿಗಳು ಸಹ ಸಾಯಿ ಪಲ್ಲವಿಯ ಮದರಂಗಿಗೆ ಮನಸೋತಿದ್ದಾರೆ. ನಟಿ ಸಮಂತಾ ಕಾಮೆಂಟ್ ಮಾಡಿ ತುಂಬಾ ಮುದ್ದಾಗಿದೆ ಎಂದಿದ್ದಾರೆ. ಇನ್ನೂ ನಟಿ ಅನುಪಮಾ ಪರಮೇಶ್ವರನ್ ಕಾಮೆಂಟ್ ಮಾಡಿ 'ಯು ಆರ್ ಸಚ್ ಎ ಡಾರ್ಲಿಂಗ್' ಎಂದಿದ್ದಾರೆ.

Recommended Video

ಅನಿರುದ್ ವಿರುದ್ಧ ತಿರುಗಿಬಿದ್ದ ನೆಟ್ಟಿಗರು | Oneindia Kannada

ಸಾಯಿ ಪಲ್ಲವಿ ಬಳಿ ಇರುವ ಸಿನಿಮಾಗಳು

ಸಾಯಿ ಪಲ್ಲವಿ ಸದ್ಯ ತಮಿಳು ಮತ್ತು ತೆಲುಗು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ನಟ ನಾಗಚೈತನ್ಯ ಜೊತೆ ನಾಯಕಿಯಾಗಿ ನಟಿಸುತ್ತಿರುವ 'ಲವ್ ಸ್ಟೋರಿ' ಸಿನಿಮಾದ ಕೊನೆಯ ಹಂತದ ಚಿತ್ರೀಕರಣ ನಿರತರಾಗಿದ್ದಾರೆ. ಜೊತೆಗೆ ರಾಣಾ ದಗ್ಗುಬಾಟಿ ಜೊತೆ 'ವಿರಾಟ ಪರ್ವಂ' ಸಿನಿಮಾದಲ್ಲಿಯೂ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿನಿಮಾಗಳ ಜೊತೆಗೆ ಮೊದಲ ಬಾರಿಗೆ ವೆಬ್ ಸೀರಿಸ್ ನಲ್ಲಿ ಮಿಂಚಲು ಸಜ್ಜಾಗುತ್ತಿದ್ದಾರೆ.