ಮೆಗಾಸ್ಟಾರ್ ಚಿರಂಜೀವಿ ನೀಡಿದ ಆಫರ್ ತಿರಸ್ಕರಿಸಿದರೇ ಸಾಯಿ ಪಲ್ಲವಿ

152 ನೇ ಸಿನಿಮಾ ಆಚಾರ್ಯ

ಮೆಗಾಸ್ಟಾರ್ ನಟನೆಯ 152 ನೇ ಸಿನಿಮಾ ಆಚಾರ್ಯ. ಸ್ವಂತ ಬ್ಯಾನರ್‌ ನಲ್ಲಿ ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ನಿರ್ದೇಶನದ ಜವಾಬ್ದಾರಿ ಕೊರಟಾಲ ಶಿವ ಅವರಿಗೆ ವಹಿಸಲಾಗಿದೆ. ಸಿನಿಮಾದಲ್ಲಿ ಕಾಜಲ್ ಅಗರ್ವಾಲ್ ನಾಯಕಿಯಾಗಿದ್ದಾರೆ.

ಪಾತ್ರವೊಂದಕ್ಕೆ ಸಾಯಿ ಪಲ್ಲವಿ ಆಯ್ಕೆ ಆಗಿದ್ದರು

ಆದರೆ ಸಿನಿಮಾದಲ್ಲಿ ಮತ್ತೊಂದು ಪ್ರಮುಖವಾದ ಆದರೆ ತುಸು ಚುಟುಕಾದ ಪಾತ್ರಕ್ಕೆ ಸಾಯಿ ಪಲ್ಲವಿ ಅವರನ್ನು ಆಯ್ಕೆ ಮಾಡಿದ್ದರಂತೆ ಚಿರಂಜೀವಿ. ಆದರೆ ಸಿನಿಮಾದ ಆಫರ್ ಅನ್ನು ತಿರಸ್ಕರಿಸಿದರಂತೆ ಪ್ರೇಮಂ ನಟಿ. ತಿರಸ್ಕಾರಕ್ಕೆ ಸ್ಪಷ್ಟ ಕಾರಣ ಗೊತ್ತಾಗಿಲ್ಲ.

ಪ್ರಾಮುಖ್ಯತೆ ಇಲ್ಲದ ಪಾತ್ರದಲ್ಲಿ ನಟಿಸೊಲ್ಲ ಸಾಯಿ ಪಲ್ಲವಿ

ಡೇಟ್ಸ್ ಹೊಂದಿಕೆ ಆಗದ ಕಾರಣ ಸಾಯಿ ಪಲ್ಲವಿ ಅಚಾರ್ಯ ಸಿನಿಮಾದ ಪಾತ್ರವನ್ನು ಒಲ್ಲೆ ಎಂದಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಮತ್ತೊಂದು ಸುದ್ದಿ ಎಂದರೆ, ಪಾತ್ರಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇರಲಿಲ್ಲ ಹಾಗಾಗಿ ಸಾಯಿ ಪಲ್ಲವಿ ಸಿನಿಮಾದಲ್ಲಿ ನಟಿಸಲಿಲ್ಲ ಎಂಬ ಮಾತುಗಳು ಕೇಳಿಬರುತ್ತಿದೆ.

'ವಿರಾಟ ಪರ್ವಂ' ಸಿನಿಮಾದಲ್ಲಿ ನಟನೆ

ಪ್ರಸ್ತುತ ಸಾಯಿ ಪಲ್ಲವಿ ರಾಣಾ ದಗ್ಗುಬಾಟಿ ಜೊತೆಗೆ 'ವಿರಾಟ ಪರ್ವಂ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ನಕ್ಸಲೈಟ್ ಕತೆಯನ್ನು ಆಧಾರಿಸಿದ ಈ ಸಿನಿಮಾದಲ್ಲಿ ನಟಿ ಪ್ರಿಯಾಮಣಿ ಸಹ ಇದ್ದಾರೆ. ಇದರ ಹೊರತಾಗಿ ನಾಗಚೈತನ್ಯ ಜೊತೆಗೆ ಲವ್ ಸ್ಟೋರಿ ಸಿನಿಮಾದಲ್ಲೂ ಸಹ ಸಾಯಿ ಪಲ್ಲವಿ ನಟಿಸಿದ್ದಾರೆ.