ಪ್ರತಿದಿನ ಊಟಕ್ಕೂ ಮುನ್ನ ಸಮಂತಾ ನೆನೆಸಿಕೊಳ್ಳುವುದು ಇವರನ್ನು...

ಮನೆಯಲ್ಲಿಯೇ ಗಾರ್ಡನ್

ಲಾಕ್ ಡೌನ್ ಸಮಯದಲ್ಲಿ ಇನ್‌ಸ್ಟಾಗ್ರಾಂ ಸ್ಟೋರಿಗಳಲ್ಲಿ ಸಮಂತಾ ಹಲವು ಬಾರಿ ತಮ್ಮ ಗಾರ್ಡನ್ ಫೋಟೊಗಳನ್ನು ಹಾಕಿ ಖುಷಿಪಟ್ಟಿದ್ದಾರೆ. ತಾರಸಿ ಗಾರ್ಡನಿಂಗ್ ಬಗ್ಗೆ ಪರಿಣತಿ ಹೊಂದಿರುವ ತಂಡವೊಂದರ ನೆರವಿನಿಂದ ಮನೆಯ ತಾರಸಿ, ಬಾಲ್ಕನಿ ಮುಂತಾದೆಡೆ ಗಿಡಗಳನ್ನು ಬೆಳೆಸಿದ್ದಾರೆ.

ಗಾರ್ಡನಿಂಗ್ ಮಾಡಿ

ಈ ಸಂದರ್ಭದಲ್ಲಿ ನಮ್ಮಲ್ಲಿ ಎಲ್ಲರಿಗೂ ಸಮಯ ಸಿಗುತ್ತಿದೆ. ಆಸಕ್ತರಿಗೆ ಬಲವಾಗಿ ಶಿಫಾರಸು ಮಾಡುವುದೆಂದರೆ ಗಾರ್ಡನಿಂಗ್. ಭೂಮಿಯೊಂದಿಗೆ ನಾನು ಕಳೆದುಕೊಂಡ ಸಂಪರ್ಕವನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡಲು ಇದು ನನಗೆ ಬೇಕಾಗಿತ್ತು.

ಊಟಕ್ಕೂ ಮೊದಲು ಧನ್ಯವಾದ

ನನ್ನನ್ನು ಪೋಷಿಸುತ್ತಿರುವ ಪ್ರತಿಯೊಂದಕ್ಕೂ ಊಟ ಮಾಡುವ ಮೊದಲು ಸ್ಮರಿಸಿಕೊಂಡು ಧನ್ಯವಾದಗಳನ್ನು ಸಲ್ಲಿಸುತ್ತೇನೆ. ಊಟದ ಮೇಜಿನ ಮೇಲಿನ ಆಹಾರಕ್ಕೆ ಎಷ್ಟನ್ನು ಮಾತ್ರವೇ ಬಳಸಬೇಕು ಎಂಬುದನ್ನು ನಿಧಾನವಾಗಿ ತಿಳಿಯತೊಡಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. ಈ ಮೂಲಕ ಗಿಡಗಳನ್ನು ಪ್ರೀತಿಸುವ ಬಗೆಯನ್ನು ಹೇಳಿಕೊಟ್ಟಿದ್ದಾರೆ.

ಒಂದು ಬೀಜ ಎಷ್ಟೆಲ್ಲ ಹೋರಾಡುತ್ತದೆ

ಮಣ್ಣಿನಿಂದ ಮೊಳಕೆಯೊಡೆದು ಹೊರಬಂದು ವಾರಗಟ್ಟಲೆ, ತಿಂಗಳುಗಟ್ಟಲೆ ಮತ್ತು ವರ್ಷಗಟ್ಟಲೆ ಬೆಳೆಯಲು ಆ ಸಣ್ಣ ಬೀಜ ಎಷ್ಟೆಲ್ಲ ಹೋರಾಟ ಮಾಡುತ್ತದೆ ಎಂಬುದನ್ನು ನೋಡಿದಾಗ ನಾವೆಲ್ಲರೂ ಹೇಗೆ ನಂಟು ಬೆಸೆದುಕೊಂಡಿದ್ದೇವೆ ಎಂಬುದನ್ನು ನೀವು ಅರ್ಥ ಮಾಡಿಕೊಳ್ಳುತ್ತೀರಿ. ನಾವು ಭೂಮಿಗೆ ಎಷ್ಟು ಕೃತಜ್ಞರಾಗಿದ್ದರೂ ಸಾಲದು ಎಂದದ್ದಾರೆ.

ಅಡುಗೆ ಕಲಿಯುತ್ತಿರುವ ಸಮಂತಾ

ಬೆಳಿಗ್ಗೆ ಬೇಗನೆ ಎದ್ದು ತಾರಸಿಯ ಮೇಲೆ ಓಡಿ ಗಿಡಗಳು ನಿನ್ನೆಗಿಂತಲೂ ಇನ್ನಷ್ಟು ಚೆನ್ನಾಗಿವೆ ಎಂಬುದನ್ನು ನೋಡಲು ಬಹಳ ಖುಷಿಯಾಗುತ್ತದೆ ಎಂದಿರುವ ಸಮಂತಾ, ತಾರಸಿ ಗಾರ್ಡನ್ ಮೂಲಕ ತರಕಾರಿ ಮತ್ತು ಸೊಪ್ಪುಗಳನ್ನು ಬೆಳೆಯುತ್ತಿದ್ದಾರೆ. ಅವುಗಳನ್ನು ಯಾವ ರೀತಿ ಎಷ್ಟು ಪ್ರಮಾಣದಲ್ಲಿ ಬಳಸಿ ಹೇಗೆಲ್ಲ ಅಡುಗೆ ತಯಾರಿಸಬಹುದು ಎಂಬುದನ್ನೂ ಪರಿಣತರಿಂದ ಕಲಿಯುತ್ತಿದ್ದಾರೆ.