ತೆರೆಮೇಲೆ ಬರ್ತಿದೆ 'ಶಕುಂತಲ' ಕಥೆ: ಪೌರಾಣಿಕ ಸಿನಿಮಾದಲ್ಲಿ ದಕ್ಷಿಣದ ಸ್ಟಾರ್ ನಟಿ

ಮೋಷನ್ ಪೋಸ್ಟರ್ ರಿಲೀಸ್

ಶಕುಂತಲಂ ಚಿತ್ರದ ನಾಯಕಿ ಸಮಂತಾ ಅಕ್ಕಿನೇನಿ ಎಂದು ಸಿನಿಮಾತಂಡ ಅಧಿಕೃತವಾಗಿ ಘೋಷಣೆ ಮಾಡಿದೆ. ಹೊಸ ವರ್ಷದ ಪ್ರಯುಕ್ತ ಚಿತ್ರದ ಮೋಷನ್ ಪೋಸ್ಟರ್ ಅನ್ನು ರಿವೀಲ್ ಮಾಡಿದೆ. ಶಕುಂತಲಂ ಪೌರಾಣಿಕ ಸಿನಿಮಾದ ಮೋಷನ್ ಪೋಸ್ಟರ್ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಸಮಂತಾ ಶಕುಂತಲ ಆಗಿ ಮಿಂಚಲು ಸಜ್ಜಾಗಿದ್ದಾರೆ.

ಗುಣಶೇಖರ್ ನಿರ್ದೇಶನ

ಅಂದಹಾಗೆ ಶಕುಂತಲಂ ಸಿನಿಮಾಗೆ ಗಣಶೇಖರ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಗುಣಶೇಖರ್ ಈ ಮೊದಲು ಹಿರಣ್ಯಕಶ್ಯಪು ಸಿನಿಮಾ ಅನೌನ್ಸ್ ಮಾಡಿದ್ದರು. ಆದರೆ ಈ ಸಿನಿಮಾಗೂ ಮೊದಲೇ 'ಶಕುಂತಲಾಂ' ಸಿನಿಮಾ ಘೋಷಣೆ ಮಾಡಿದ್ದಾರೆ. ಭಾರತದ ಮಹಾಕಾವ್ಯ ಶಕುಂತಲ ಪಾತ್ರವನ್ನು ಆಧರಿಸಿ ಈ ಚಿತ್ರವನ್ನು ಮಾಡುತ್ತಿದ್ದಾರೆ ನಿರ್ದೇಶಕ ಗುಣಶೇಖರ್.

ದುಷ್ಯಂತ ಮತ್ತು ಶಕುಂತಲ ಕಥೆ

ಚಿತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ಬಿಟ್ಟುಕೊಡದ ಸಿನಿಮಾತಂಡ, ಮೋಷನ್ ಪೋಸ್ಟರ್ ಅನ್ನು ರಿಲೀಸ್ ಮಾಡಿ ಕುತೂಹಲ ಹೆಚ್ಚಿಸಿದ್ದಾರೆ. ಮೂಲಗಳ ಪ್ರಕಾರ ಈ ಸಿನಿಮಾದಲ್ಲಿ ವಿಶ್ವಮಿತ್ರ ಮತ್ತು ಮೇನಕಾ ಮಗಳಾದ ಶಕುಂತಲಳ ಕಥೆ ಇದೆ ಎಂದು ಹೇಳಲಾಗುತ್ತಿದೆ. ದುಷ್ಯಂತ ಮತ್ತು ಶಕುಂತಲ ಅವರ ಅಮರ ಪ್ರೇಮಕಥೆಯನ್ನು ಆಧರಿಸಿ ಸಿನಿಮಾ ಮಾಡಲಾಗುತ್ತಿದೆ ಎನ್ನಲಾಗಿದೆ.

Recommended Video

ಪೊಗರು, ಮದಗಜ ನಂತರ ರಾಮರ್ಜುನ ಸರದಿ, ಸ್ವತಃ ತಾವೇ ಡಬ್ ಮಾಡಿದ ನಿಶ್ವಿಕಾ ನಾಯ್ಡು | Filmibeat Kannada

ಸಮಂತಾ ಸಿನಿಮಾಗಳು

ಅಂದಹಾಗೆ ಸಮಂತಾ ಸದ್ಯ ಎರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ವಿಘ್ನೇಶ್ ಶಿವನ್ ನಿರ್ದೇಶನದ ತಮಿಳು ಸಿನಿಮಾ ಮತ್ತು ಇನ್ನೊಂದು ಸಿನಿಮಾ ಸಮಂತಾ ಬಳಿ ಇದೆ. ಜೊತೆಗೆ ಸಮಂತಾ ನಟನೆಯ ವೆಬ್ ಸೀರಿಸ್ ರಿಲೀಸ್ ಗೆ ಎದುರು ನೋಡುತ್ತಿದ್ದಾರೆ. ಇದೀಗ ಹೊಸ ಸಿನಿಮಾ ಅನೌನ್ಸ್ ಆಗಿದ್ದು, ಹೆಚ್ಚಿನ ಮಾಹಿತಿ ತಿಳಿದುಕಳ್ಳಲು ಅಭಿಮಾನಿಗಳು ಹೆಚ್ಚು ಆಸಕ್ತರಾಗಿದ್ದಾರೆ. ಸದ್ಯದಲ್ಲೇ ಶಕುಂತಲಂ ಸಿನಿಮಾದ ಬಗ್ಗೆ ಹೆಚ್ಚಿನ ಮಾಹಿತಿ ಬಹಿರಂಗವಾಗಿಲಿದೆ.