Samantha: ಮತ್ತೆ ಸಮಂತಾ -ನಾಗಚೈತನ್ಯ ಒಂದಾಗ್ತಾರಂತೆ!

ಸಮಂತ ನಾಗಚೈತನ್ಯ ಒಟ್ಟಿಗೆ ನಟಿಸುವುದು ಅನುಮಾನ!

ಸಮಂತಾ ಮತ್ತು ನಾಗ ಚೈತನ್ಯ ಒಟ್ಟಿಗೆ ನಟಿಸುತ್ತಾರೆ ಎಂದು ಚರ್ಚೆಯಾಗುತ್ತಿರೋ ಈ ವಿಚಾರ ಸತ್ಯ ಆಗುವುದು ಅನುಮಾನ. ಕಾರಣ, ಸಮಂತಾಗೆ ಆಪ್ತರಾಗಿರುವ ನಂದಿನಿ ರೆಡ್ಡಿ ಮತ್ತೆ ಸಮಂತಾ ಹಾಗೂ ನಾಗಚೈತನ್ಯರನ್ನು ತೆರೆಯ ಮೇಲೆ ತರುವುದು ಅನುಮಾನ. ಇಬ್ಬರಿಗೂ ಆಪ್ತರಾಗಿರು ಕಾರಣ ಅವರ ವಿಚ್ಛೆದನದ ಬಳಿಕವೂ ಒಟ್ಟಿಗೆ ಸಿನಿಮಾ ಮಾಡಲು ಒಪ್ಪಿಸುವುದು ಅನುಮಾನ. ಇನ್ನು ಇದನ್ನು ಸಮಂತಾ ಆಗಲಿ, ನಾಗಚೈತನ್ಯ ಆಗಲಿ ಒಪ್ಪುವ ಸಾಧ್ಯತೆ ಕಡಿಮೆ.‌

ಸಮಂತಾ ಅಥವಾ ನಾಗ ಚೈತನ್ಯ ಒಬ್ಬರ ಅಭಿನಯ!

ನಂದಿನಿ ರೆಡ್ಡಿ ನಿರ್ದೇಶನದ ಈ‌ ಚಿತ್ರದಲ್ಲಿ, ನಾಗ ಚೈತನ್ಯ ಅಥವಾ ಸಮಂತಾ ಇಬ್ಬರಲ್ಲಿ ಒಬ್ಬರು ಮಾತ್ರವೇ ಇರಲಿದ್ದಾರೆ. ಈಗಾಗಲೇ ನಂದಿನಿ ರೆಡ್ಡಿ ತಮ್ಮ ಚಿತ್ರಕ್ಕೆ ಹೊಸ ಕಲಾವಿದರನ್ನು ಹುಡುಕುವ ನಿಟ್ಟಿನಲ್ಲಿ ಪ್ರಯತ್ನ ಮಾಡುತ್ತಿದ್ದಾರೆ ಎನ್ನಲಾಗಿದೆ. ನಂದಿನಿ ರೆಡ್ಡಿ ಹೊಸ ಚಿತ್ರದ ಬಗ್ಗೆ ಹಾಗೂ ಪಾತ್ರದ ಬಗ್ಗೆ ಅಧಿಕೃತ ಘೋಷಣೆಗಳು ಇನ್ನಷ್ಟೇ ಆಗಬೇಕಿದೆ. ಹೀಗಾಗಿ ಸದ್ಯಕ್ಕಂತೂ ಸ್ಯಾಮ್ ಹಾಗೂ ನಾಗ ಚೈತನ್ಯ ತೆರೆಯ ಮೇಲೆ ಒಂದಾಗುವುದು ಬಹುತೇಕ ಅನುಮಾನ

ಸಾಲು, ಸಾಲು ಚಿತ್ರಗಳಲ್ಲಿ ಸಮಂತಾ ಬ್ಯುಸಿ!

ವಿಚ್ಛೇದನದ ನಂತರ‌ ಸಮಂತಾ ಮೊದಲಿಗಿಂತಲೂ ಭಿನ್ನ ಪಾತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. 'ಪುಷ್ಪ' ಚಿತ್ರದ ಐಟಂ ಸಾಂಗ್​ನಲ್ಲಿ ನಟಿ ಹೆಜ್ಜೆ ಹಾಕಿದ್ದರು. ಇದು ಸಮಂತಾಗೆ ಅಪಾರ ಖ್ಯಾತಿ ತಂದುಕೊಟ್ಟಿತ್ತು. ಜೊತೆಗೆ ಮತ್ತೊಂದು ವೆಬ್​ ಸೀರೀಸ್​ನಲ್ಲಿ ನಟಿಸುತ್ತಿದ್ದಾರೆ. ಇಂಗ್ಲಿಷ್ ಚಿತ್ರವೊಂದರಲ್ಲೂ ನಟಿ ಬಣ್ಣಹಚ್ಚಲಿದ್ದಾರೆ. ಹಾಗೆ ತಮಿಳು ,ತೆಲುಗು ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ.

Recommended Video

KGF 2 ತಂಡದ ಮೇಲೆ ಕನ್ನಡಪರ ಸಂಘಟನೆಗಳ ಅಸಮಾಧಾನ ಯಾಕೆ ಗೊತ್ತಾ? | Yash

ಬಾಲಿವುಡ್‌ಗೆ ನಾಗ ಚೈತನ್ಯ ಎಂಟ್ರಿ!

ನಾಗ ಚೈತನ್ಯ ಕೂಡ ವಿಚ್ಛೇದನದ ಬಳಿಕ ಹೆಚ್ಚು ಚಿತ್ರಗಳಲ್ಲಿ ಬ್ಯುಸಿ ಆಗಿದ್ದಾರೆ. ಬಾಲಿವುಡ್ ಪ್ರವೇಶಕ್ಕೂ ಕೂಡ ನಾಗ ಚೈತನ್ಯ ಅಣಿಯಾಗಿದ್ದಾರೆ. ಆಮಿರ್ ಖಾನ್ ನಟನೆಯ 'ಲಾಲ್ ಸಿಂಗ್ ಚಡ್ಡಾ'ದಲ್ಲಿ ನಾಗ ಚೈತನ್ಯ ಕಾಣಿಸಿಕೊಳ್ಳುತ್ತಿದ್ದಾರೆ. ಟಾಲಿವುಡ್​ನಲ್ಲೂ ನಾಗ ಚೈತನ್ಯ ಕೆಲವು ಚಿತ್ರಗಳಲ್ಲಿ ನಾಗಚೈತನ್ಯ ಬ್ಯುಸಿಯಾಗಿದ್ದಾರೆ.