'ಯಾವಾಗ ಮಗುವಿಗೆ ಜನ್ಮ ನೀಡ್ತೀರಿ?' ಈ ಸಲ ಸಮಂತಾ ಡೇಟ್ ಕೊಟ್ಟೆಬಿಟ್ರು!

ಕಥೆಗೆ ಪ್ರಾಮುಖ್ಯತೆ ಕೊಟ್ಟ ಸಮಂತಾ

ಮದುವೆ ಬಳಿಕ ರೆಗ್ಯುಲರ್ ಸಿನಿಮಾಗಳನ್ನ ಮಾಡದ ಸಮಂತಾ ಕೆಲವೇ ಕೆಲವು ನಿರ್ದಿಷ್ಟ ಚಿತ್ರಗಳನ್ನ ಮಾತ್ರ ಆಯ್ಕೆ ಮಾಡಿಕೊಂಡರು. ಗೃಹಿಣಿ ಪಾತ್ರಗಳತ್ತ ಗಮನ ಹರಿಸಿದರು. ಸ್ಕ್ರಿಪ್ಟ್ ಗೆ ಹೆಚ್ಚು ಒತ್ತು ನೀಡಿದರು. ರಂಗಸ್ಥಲಂ, ಮಹಾನಟಿ, ಯುಟರ್ನ್, ಸೂಪರ್ ಡಿಲೆಕ್ಸ್, ಮಜಿಲಿ, ಓಹ್ ಬೇಬಿ, 96 ರೀಮೇಕ್ ಚಿತ್ರಗಳಲ್ಲಿ ನಟಿಸಿದರು.

ಯಾವಾಗ ಮಗುವಿಗೆ ಜನ್ಮ ನೀಡ್ತೀರಿ?

ಇನ್ಸ್ಟಾಗ್ರಾಂನಲ್ಲಿ ಅಭಿಮಾನಿಯೊಬ್ಬರು ಸಮಂತಾ ಅವರಿಗೆ ''ನೀವು ಯಾವಾಗ ಮಗುವಿಗೆ ಜನ್ಮ ನೀಡ್ತೀರಿ'' ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿರುವ ಸಮಂತಾ ''ನನ್ನ ದೇಹದ ಕಾರ್ಯವೈಖರಿಯಲ್ಲಿ ಆಸಕ್ತಿ ಹೊಂದಿರುವ ಎಲ್ಲರಿಗೂ, ಆಗಸ್ಟ್ 7 ಬೆಳಿಗ್ಗೆ 7, ಇಪತ್ತು ಇಪತ್ತೆರಡು (2022)'' ಎಂದಿದ್ದಾರೆ.

ಏನು ಈ ದಿನಾಂಕದ ಮರ್ಮ?

ನಾಗಚೈತನ್ಯ ಅವರ ಹುಟ್ಟುಹಬ್ಬ ನವೆಂಬರ್ 23, ಸಮಂತಾ ಅವರ ಹುಟ್ಟುಹಬ್ಬ ಏಪ್ರಿಲ್ 28....ಆದರೆ, ಸಮಂತಾ ಅವರು ಹೇಳಿರುವ ಆಗಸ್ಟ್ 7 ರಂದು ಏನಿದೆ ಸ್ಪೆಷಲ್? ಯಾಕೆ ಈ ದಿನವನ್ನೇ ಹೇಳಿದ್ರು ಎಂಬುದು ಈಗ ಕುತೂಹಲಕ್ಕೆ ಕಾರಣವಾಗಿದೆ.

ಗೊಂದಲದಲ್ಲಿ ಅಭಿಮಾನಿಗಳು

ಪದೇ ಪದೇ ಸಮಂತಾ ಅವರಿಗೆ ಎದುರಾಗುತ್ತಿರುವ ಈ ಪ್ರಶ್ನೆಯಿಂದ ತಪ್ಪಿಸಿಕೊಳ್ಳುವ ಉದ್ದೇಶದಿಂದ, ಸ್ಯಾಮ್ ಸುಮ್ಮನೆ ಯಾವುದೋ ಒಂದು ದಿನಾಂಕವನ್ನ ಹೇಳಿದ್ದಾರೆ ಎನ್ನಲಾಗಿದೆ. ಇದನ್ನು ಅರ್ಥ ಮಾಡಿಕೊಳ್ಳದ ಅಭಿಮಾನಿಗಳು ಸುಮ್ಮನೆ ತಲೆಕೆಡಿಸಿಕೊಂಡಿದ್ದಾರೆ. ಸದ್ಯಕ್ಕೆ 96 ಚಿತ್ರ ರೀಮೇಕ್ ಮಾಡುತ್ತಿರುವ ಸಮಂತಾ, ಜೊತೆಯಲ್ಲಿ ವೆಬ್ ಸೀರಿಸ್ ನಿರ್ಮಾಣಕ್ಕೂ ಮುಂದಾಗಿದ್ದಾರೆ.