'ಊ ಅಂಟಾವಾ ಮಾವ' ಹಾಡನ್ನು ತಿರಸ್ಕರಿಸಿದ್ದ ಸಮಂತಾ: ಇದೇ ಹಾಡಿನಿಂದಲೇ ದಾಖಲೆ!

ಪುಷ್ಪ ಹಾಡಿನಲ್ಲಿ ಡಾನ್ಸ್ ಮಾಡುವುದಿಲ್ಲ ಎಂದಿದ್ದ ಸಮಂತಾ!

'ಊ ಅಂಟವಾ ಮಾವ, ಊ ಊ ಅಂಟಾವ ಮಾವ' ಅಂತ ನಟಿ ಸಮಂತಾ ಮಾಡಿರುವ ಡ್ಯಾನ್ಸ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಆದರೆ ಈ ಹಾಡಿನ ಆಫರ್‌ ತೆಗೆದುಕೊಂಡು ನಿರ್ದೇಶಕ ಸುಕುಮಾರ್‌ ಮೊದಲು ಸಮಂತಾ ಬಳಿಗೆ ಹೋದಾಗ, ಈ ಹಾಡಿಗೆ ನಾನು ತಪ್ಪು ಆಯ್ಕೆ ಎಂದಿದ್ದರಂತೆ ಸಮಂತಾ. ಎಷ್ಟೇ ಹೇಳಿದರು ಸಮಂತಾ ಮೊದಲು ಈ ಹಾಡಿನಲ್ಲಿ ನಟಿಸಲು ಒಪ್ಪಿರಲಿಲ್ಲವಂತೆ. ಸಮಂತಾ ಅವರನ್ನು ಒಪ್ಪಿಸಲು ನಿರ್ದೇಶಕ ಸುಕುಮಾರ್‌ ಸಾಕಷ್ಟು ಸಮಯ ತೆಗೆದು ಕೊಂಡಿದ್ದಾರಂತೆ. ಅಷ್ಟೇ ಅಲ್ಲಾ 'ರಂಗಸ್ಥಳಂ' ಚಿತ್ರದಲ್ಲಿ ಪೂಜಾ ಹೆಗ್ಡೆ ಐಟಂ ಹಾಡಿನಲ್ಲಿ ಕಾಣಿಕೊಂಡಿದ್ದರು, ಎನ್ನುವುದರ ಜೊತೆಗೆ ನಟಿಯರು ಈ ರೀತಿಯ ಹಾಡಿನಲ್ಲಿ ಅಭಿನಯಿಸಿರುವ ಬಗ್ಗೆ ಹೇಳಿ ಒಪ್ಪಿದ ಬೇಕಾಯಿತಂತೆ.

'ಪುಷ್ಪ' ಐಟಂ ಹಾಡಿನ ಮೂಲಕ ಸಮಂತಾ ನಂ.1!

ಇನ್ನು ನಟಿ ಸಮಂತಾ ಈ ಹಾಡಿನ ಮೂಲಕ ದಾಖಲೆ ಮಾಡಿದ್ದಾರೆ. ರಿಜೆಕ್ಟ್‌ ಮಾಡಿದ ಇದೇ ಹಾಡಿನ ಮೂಲಕ ಸ್ಯಾಮ್ ದಾಖಲೆ ಪುಟ ಸೇರಿದ್ದಾರೆ. 2021ರಲ್ಲಿ ಅತಿ ಹೆಚ್ಚು ಸದ್ದು ಮಾಡಿದ 100 ಹಾಡುಗಳ ಪಟ್ಟಿ ಬಿಡುಗಡೆ ಆಗಿದೆ. ಈ 100 ಹಾಡಿಗಳಲ್ಲಿ ಪುಷ್ಪ ಚಿತ್ರದ, ಸಮಂತಾ ಡ್ಯಾನ್ಸ್‌ ಮಾಡಿರುವ 'ಊ ಅಂಟವಾ ಮಾವ, ಊ ಊ ಅಂಟಾವ ಮಾವ' ಹಾಡು ನಂಬರ್‌ 1 ಸ್ಥಾನದಲ್ಲಿದೆ. ಈ ವಿಚಾರವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡು ನಟಿ ಸಮಂತಾ ಸಂತಸ ಹಂಚಿಕೊಂಡಿದ್ದಾರೆ.

ವಿಚ್ಛೇದನದ ಬಳಿಕ ಬದಲಾಯ್ತಾ ಲಕ್!

ಇನ್ನು ನಟಿ ಸಮಂತಾ, ನಾಗಚೈತನ್ಯ ಜೊತೆಗೆ ವಿಚ್ಛೇದನ ಮಾಡಿಕೊಂಡ ಬಳಿಕ, ಸಾಕಷ್ಟು ಅವಕಾಶಗಳು ಹರಿದು ಬರ್ತಿವೆ. ಸದ್ಯ ಸಮಂತಾ ಸಾಲು ಸಾಲು ಚಿತ್ರಗಳಲ್ಲಿ ಬ್ಯೂಸಿ ಆಗಿದ್ದಾರೆ. ಜೊತೆಗೆ ಸಕ್ಸಸ್‌ ರೇಟ್‌ ಕೂಡ ಹೆಚ್ಚಾಗಿದೆ. ಸದ್ಯ ಜಾಗತಿಕ ಮಟ್ಟದಲ್ಲಿ ಸಮಂತಾಗೆ ಬೇಡಿಕೆ ಹೆಚ್ಚಾಗಿದೆ. ಬಾಲಿವುಡ್‌ನಲ್ಲೂ ಸಮಂತಾಗೆ ಬೇಡಿಕೆ ಸೃಷ್ಟಿ ಆಗಿದೆ. ಸದ್ಯ ಸ್ನೇಹಿತರೊಂದಿಗೆ ಸಮಂತಾ ಟ್ರಿಪ್‌ನಲ್ಲಿ ಎಂಜಾಯ್‌ ಮಾಡ್ತಿದ್ದಾರೆ.

3 ಚಿತ್ರಗಳಲ್ಲಿ ಸಮಂತಾ ಬ್ಯೂಸಿ!

ಸಮಂತಾ ಸದ್ಯ ಬ್ಯಾಕ್‌ ಟು ಬ್ಯಾಕ್‌ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ತಮಿಳಿನ ಕಾತು ವಲುಕು ರೆಂಡು ಕಾದಲ್,ತೆಲುಗಿನ ಶಾಕುಂತಲಂ, ಯಶೋಧ ಚಿತ್ರಗಳ ಸದ್ಯ ಚಿತ್ರೀಕರಣದ ಹಂತದಲ್ಲಿ ಇವೆ. ಈ ಚಿತ್ರಗಳು ಕೂಡ ರಿಲೀಸ್‌ಗೂ ಮುನ್ನವೇ ಸಾಕಷ್ಟು ನಿರೀಕ್ಷೆ ಮೂಡಿಸಿವೆ. ಜೊತೆಗೆ ಸಮಂತಾ ಕೂಡ ಈ ಮೂರು ಚಿತ್ರಗಳಲ್ಲಿ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಾ ಇದ್ದಾರೆ.