ಅಕ್ಕಿನೇನಿ ಕುಟುಂಬದ ಅವಾರ್ಡ್ ಫಂಕ್ಷನ್ ಗೆ ಸಮಂತಾ ಚಕ್ಕರ್: ಕಾರಣ ಬಯಲು.!

ಲಂಡನ್ ನಲ್ಲಿದ್ದಾರೆ ಸಮಂತಾ

ಕಳೆದ ಕೆಲ ದಿನಗಳಿಂದ ಟಾಲಿವುಡ್ ಬ್ಯೂಟಿ ಸಮಂತಾ ಅಕ್ಕಿನೇನಿ ಲಂಡನ್ ನಲ್ಲಿದ್ದಾರೆ. ಹಾಗಂತ ಅವರೇನು ಲಂಡನ್ ನಲ್ಲಿ ಹಾಲಿಡೇ ಎಂಜಾಯ್ ಮಾಡುತ್ತಿಲ್ಲ. 'ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 2' ಎಂಬ ವೆಬ್ ಸೀರೀಸ್ ನ ಶೂಟಿಂಗ್ ಗಾಗಿ ಸಮಂತಾ ಲಂಡನ್ ಗೆ ಹಾರಿದ್ದಾರೆ. ಚಿತ್ರೀಕರಣದಲ್ಲಿ ಬಿಜಿಯಾಗಿರುವ ಕಾರಣ ಸಮಂತಾ 'ಎ.ಎನ್.ಆರ್.ನ್ಯಾಷನಲ್ ಅವಾರ್ಡ್ಸ್' ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಪಾಲ್ಗೊಂಡಿಲ್ಲ.

ಭಾರತಕ್ಕೆ ಸಮಂತಾ ಬರುವುದು ಯಾವಾಗ.?

ಇದೇ ಮೊಟ್ಟ ಮೊದಲ ಬಾರಿಗೆ ವೆಬ್ ಸೀರೀಸ್ ಗಾಗಿ ಸಮಂತಾ ಬಣ್ಣ ಹಚ್ಚಿದ್ದಾರೆ. 'ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 2' ವೆಬ್ ಸೀರೀಸ್ ಚಿತ್ರೀಕರಣ ಇನ್ನೂ ಪೂರ್ಣಗೊಂಡಿಲ್ಲ. ಅದು ಕಂಪ್ಲೀಟ್ ಆಗುವವರೆಗೂ ಸಮಂತಾಗೆ ಬಿಡುಗಡೆಯ ಭಾಗ್ಯವಿಲ್ಲ. ಹೀಗಾಗಿ, ಭಾರತಕ್ಕೆ ಸಮಂತಾ ವಾಪಸ್ ಬರೋಕೆ ಇನ್ನೂ ಸ್ವಲ್ಪ ಟೈಮ್ ಬೇಕು.

ಟೆರರಿಸ್ಟ್ ಆಗಿ ಸಮಂತಾ.?

'ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 2' ವೆಬ್ ಸೀರೀಸ್ ನಲ್ಲಿ ಸಮಂತಾ ಅಕ್ಕಿನೇನಿ ಟೆರರಿಸ್ಟ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಸುದ್ದಿ ಇದೆ. ಈ ವೆಬ್ ಸೀರೀಸ್ ನಿಂದ ಸಮಂತಾಗೆ ಪ್ಯಾನ್ ಇಂಡಿಯಾ ಸ್ಟಾರ್ ಸ್ಟೇಟಸ್ ಸಿಗುವ ಸಾಧ್ಯತೆ ಇದೆ ಎಂಬ ಟಾಕ್ ಟಾಲಿವುಡ್ ನಲ್ಲಿದೆ. ಇದರ ಹೊರತಾಗಿ ಸಮಂತಾ ಕೈಯಲ್ಲಿ 96 ತೆಲುಗು ಅವತರಣಿಕೆಯ ಚಿತ್ರವಿದೆ.

ರೇಖಾ ಮತ್ತು ಶ್ರೀದೇವಿಗೆ ಪ್ರಶಸ್ತಿ

ಅಂದ್ಹಾಗೆ, ತೆಲುಗು ಚಿತ್ರರಂಗದಿಂದ ಸಿನಿ ಪಯಣ ಶುರು ಮಾಡಿ ಬಹುಭಾಷಾ ರಾಣಿಯರಾಗಿ ಮೆರೆದ ಇಬ್ಬರು ಸ್ಟಾರ್ ನಟಿಯರಾದ ರೇಖಾ ಮತ್ತು ಶ್ರೀದೇವಿಗೆ ಈ ವರ್ಷ 'ಎ.ಎನ್.ಆರ್ ನ್ಯಾಷನಲ್ ಅವಾರ್ಡ್ಸ್' ನೀಡಲಾಯಿತು. ಪ್ರಶಸ್ತಿ ಪಡೆದ ರೇಖಾ ಸಂತಸ ವ್ಯಕ್ತಪಡಿಸಿದರು. ಇನ್ನೂ ದಿವಂಗತ ನಟಿ ಶ್ರೀದೇವಿ ಪರವಾಗಿ ಪ್ರಶಸ್ತಿ ಸ್ವೀಕರಿಸಿದ ಬೋನಿ ಕಪೂರ್ ಭಾವುಕರಾದರು.