ಸಮಂತಾಗೆ ಪ್ರಶಸ್ತಿ: ಸಾಮಾಜಿಕ ಕಾರ್ಯಕ್ಕೆ ಸೈ ಎನಿಸಿಕೊಂಡ ನಟಿ!

ಎನ್‌ಜಿಒ ನಡೆಸುತ್ತಿರುವ ನಟಿ ಸಮಂತಾ!

ನಟಿ ಸಮಂತಾ ಸಿನಿಮಾ ಜೊತೆಜೊತೆಗೆ ಸಾಮಾಜಿಕ ಕಾರ್ಯಕ್ಕೂ ಮುಂದಾಗಿದ್ದಾರೆ. ಸಮಂತಾ ತಮ್ಮದೇ ಆದ ಎನ್‌ಜಿಒ ಸಂಸ್ಥೆಯ ಮೂಲಕ ಕೊಡುಗೆ ನೀಡುತ್ತಿದ್ದಾರೆ. ಸಮಂತಾ ತಾನೆ ಸ್ವತಃ ಈ ಸಂಸ್ಥೆಯನ್ನು ನಡೆಸುತ್ತಿದ್ದಾರೆ. 'ಪ್ರತ್ಯುಷಾ ಸಪೋರ್ಟ್' ಎನ್ನುವ ಎನ್‌ಜಿಒ ಸಂಸ್ಥೆ ನಡೆಸುತ್ತಿದ್ದಾರೆ ಸಮಂತಾ. ಈ ಎನ್‌ಜಿಒ 2014ರಲ್ಲಿ ಆರಂಭಿವಾಗಿದೆ. ಅಲ್ಲಿಂದ ಇಲ್ಲಿ ತನಕ ಸಿನಿಮಾ ಸಮಂತಾ ನೇತೃತ್ವದಲ್ಲಿ ಹಲವು ಕಾರ್ಯಗಳು ನಡೆದಿವೆ.

ಚಾಂಪಿಯನ್ಸ್ ಆಫ್ ಚೆಂಜ್ ಪ್ರಶಸ್ತಿ ಪಡೆದ ಸಮಂತಾ!

ಈ ಸಂಸ್ಥೆಯ ಮೂಲಕ ಬಡ ಮಕ್ಕಳು ಮತ್ತು ಮಹಿಳೆಯರಿಗೆ ಸಹಾಯ ಮಾಡಲಾಗುತ್ತುದೆ. ಈ ಬಗ್ಗೆ ಸಮಂತಾ ಹಲವು ಬಾರಿ ಹೇಳಿಕೊಂಡಿದ್ದಾರೆ. ಆರೋಗ್ಯ ಸಮಸ್ಯೆ ಇರುವ ಮಕ್ಕಳಿಗೆ ಹೆಚ್ಚಿನ ಒತ್ತು ನೀಡಲಾಗುತ್ತದೆ. ಮಾರಕ ರೋಗಗಳಿಂದ ಬಳಲುತ್ತಿರುವ ಮಕ್ಕಳಿಗೆ ಹಾಗಾಗಿ 'ಪ್ರತ್ಯುಷಾ ಸಪೋರ್ಟ್' ಎನ್‌ಜಿಒ ಮೂಲಕ ಚಿಕಿತ್ಸೆಗೆ ಸಾಕಷ್ಟು ಮಾಡಲಾಗುತ್ತದೆಯಂತೆ. ಸಮಂತಾ ಅವರಿಗೆ ತೆಲಂಗಾಣ ಸರ್ಕಾರದಿಂದ ಪ್ರಶಸ್ತಿ ಸಿಕ್ಕಿದೆ. 'ಚಾಂಪಿಯನ್ಸ್ ಆಫ್ ಚೇಂಜ್ ತೆಲಂಗಾಣ 2021' ಪ್ರಶಸ್ತಿ ಸಮಂತಾ ಮುಡಿಗೇರಿದೆ.

ಕೈ ಪೇಂಟಿಂಗ್ ಮಾಡಿದ ಸೀರೆಯುಟ್ಟ ಸಮಂತಾ!

ಇದು ಮಾತ್ರವಲ್ಲ ನಟಿ ಸಮಂತಾ ಸಣ್ಣ ಕೈಗಾರಿಗಳಿಗೂ ಕೂಡ ಬೆಂಬಲ ನೀಡುತ್ತಾರೆ. ಹಾಗಾಗಿ ಕೈ ಮಗ್ಗದಿಂದ ತಯಾರಿಸಿದ ಸೀರೆಯನ್ನು, ಉಡುಪುಗಳನ್ನು ಸಮಂತಾ ಧರಿಸುತ್ತಾರೆ. ಪ್ರಶಸ್ತಿ ವಿಚಾರವನ್ನು ಸಾಮಾಜಿಕ ಸಜಾಲತಾಣದಲ್ಲಿ ಹಂಚಿಕೊಂಡ ಸಮಂತಾ ಕೈಯಿಂದ ಚಿತ್ರಿಸಲಾದ, ಕೈ ಮಗ್ಗದಲ್ಲಿ ತಯಾರಾದ 1.15 ಲಕ್ಷ ಬೆಲೆಯುಳ್ಳ ರೇಶ್ಮೆ ಸೀರೆಯನ್ನು ತೊಟ್ಟು ಗಮನ ಸೆಳೆದಿದ್ದರು ಸಮಂತಾ.

ಶಾಕುಂತಲೆಯಾಗಿ ದರ್ಶನ ನೀಡಲಿರುವ ಸಮಂತಾ!

ಇನ್ನು ಸಮಂತಾ ಸಿನಿಮಾ ವಿಚಾರಕ್ಕೆ ಬರುವುದಾರೆ. ಸಮಂತಾ ಸದ್ಯ ತಮಿಳು, ತೆಲುಗು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಇತ್ತೀಚೆಗೆ 'ಶಾಕುಂತಲಂ' ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಸಮಂತಾ ಲುಕ್‌ಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಇದರೊಂದಿಗೆ ಸಮಂತಾ 'ಯಶೋಧ', 'ಕಾತು ವಾಕುಲ ರೆಂಡು ಕಾದಲ್' ಸಿನಿಮಾಗಳು ಕೂಡ ರಿಲೀಸ್‌ಗೆ ಸಿದ್ಧ ಆಗುತ್ತಿವೆ. ಇನ್ನು ಸಮಂತಾಳ ಹಾಲಿವುಡ್ ಸಿನಿಮಾ ಅದಾಗಲೇ ಪ್ರಕಟ ಆಗಿದೆ.