Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಜಾ ರವಿವರ್ಮ ಪ್ರಸಿದ್ಧ ಕಲಾಕೃತಿಗಳಿಗೆ ಜೀವ ತುಂಬಿದ ತೆಲುಗು ನಟಿಯರು
ಭಾರತ ದೇಶಕಂಡ ಸುಪ್ರಸಿದ್ಧ ವರ್ಣಚಿತ್ರಕಾರ ರಾಜಾ ರವಿವರ್ಮ. ಇವರ ಕಲಾಕೃತಿಗಳಿಗೆ ಮಾರುಹೋಗದವರೆ ಇಲ್ಲ. ಇಂದಿಗೂ ಅವರ ವರ್ಣಚಿತ್ರಗಳನ್ನು ಲಕ್ಷ ಲಕ್ಷ ರೂಪಾಯಿ ನೀಡಿ ಖರೀದಿ ಮಾಡುತ್ತಾರೆ. ರವಿ ವರ್ಮಾನ ಕುಂಚದಲ್ಲಿ ಅರಳಿದ ಸುಂದರ ಕಲಾಕೃತಿಗಳಿಗೆ ತೆಲುಗಿನ ಖ್ಯಾತ ನಟಿಮಣಿಯರು ಜೀವತುಂಬಿದ್ದಾರೆ.
ಖ್ಯಾತ ಸೆಲೆಬ್ರಿಟಿ ಫೋಟೋಗ್ರಾಫರ್ ಜಿ. ವೆಂಕಟ್ ರಾಮ್ ರವಿ ವರ್ಮ ಕಲಾಕೃತಿಗಳ ಥೀಮ್ ಆಧರಿಸಿ 2020ರ ಕ್ಯಾಲೆಂಡರ್ ಹೊರತಂದಿದ್ದಾರೆ. ಇದಕ್ಕಾಗಿ ರವಿ ವರ್ಮ ವರ್ಣ ಚಿತ್ರಗಳ ಶೈಲಿಯಲ್ಲಿ ಸಿನಿಮಾ ನಟಿಯ ಫೋಟೋಶೂಟ್ ಮಾಡಿಸಿದ್ದಾರೆ. ಸಮಂತಾ ಅಕ್ಕಿನೇನಿ, ಶ್ರುತಿ ಹಾಸನ್, ರಮ್ಯಾ ಕೃಷ್ಣ, ಐಶ್ವರ್ಯ ರಾಜೇಶ್, ಖುಷ್ಬೂ ಸೇರಿದಂತೆ ಸಾಕಷ್ಟು ನಟಿಯರು ಪೋಸ್ ನೀಡಿದ್ದಾರೆ.
ಆರಂಭದಲ್ಲಿ '96' ರೀಮೇಕ್ ರಿಜೆಕ್ಟ್ ಮಾಡಿದ್ರಂತೆ ಸಮಂತಾ!
ನಟಿ ಸಮಂತಾ
ನಟಿ ಸಮಂತಾ, ರವಿ ವರ್ಮ ಅವರ ಪ್ರಸಿದ್ಧ ಕಲಾಕೃತಿಗಳಲ್ಲಿ ಒಂದಾಗಿರುವ ಹಣ್ಣನ್ನು ಹಿಡಿದು ಹೊಸ ಜೀವನ ಸಂಕೇತಿಸುವ ತಾಯಿಯ ವರ್ಣಚಿತ್ರಕ್ಕೆ ಜೀವ ತುಂಬಿದ್ದಾರೆ. ಕೇವಲ ವರ್ಣಚಿತ್ರದಲ್ಲಿ ಇದ್ದಹಾಗೆ ಕಾಸ್ಟ್ಯೂಮ್ ಮಾತ್ರ ಧರಿಸಿದ್ದಲ್ಲದೆ ಹಾಗೆ ಪೋಸ್ ಕೂಡ ನೀಡಿದ್ದಾರೆ.
ನಟಿ ಶ್ರುತಿ ಹಾಸನ್
ರವಿ ವರ್ಮ ಅವರ ಮತ್ತೊಂದು ಪ್ರಸಿದ್ಧ ವರ್ಣಚಿತ್ರ ಬೆಳದಿಂಗಳಲ್ಲಿ ರಾಧ ಕುಳಿತಿರುವ ವರ್ಣಚಿತ್ರಕ್ಕೆ ನಟಿ ಶ್ರುತಿ ಹಾಸನ್ ಪೋಸ್ ನೀಡಿದ್ದಾರೆ. ಜೊತೆಗೆ ಕುರುಪಂನ ರಾಣಿಯ ಕಲಾಕೃತಿಗೂ ಶ್ರುತಿ ಜೀವತುಂಬಿದ್ದಾರೆ.
ಸೂಪರ್ ಸ್ಟಾರ್ ರಜನಿಕಾಂತ್ ಗೆ ನಾಯಕಿಯಾದ 'ರಣಧೀರ' ಬೆಡಗಿ
ಐಶ್ವರ್ಯಾ ರಾಜೇಶ್
ನಟಿ ಐಶ್ವರ್ಯ ರಾಜೇಶ್ ಪುದುಕೋಟ್ಟೈ ರಾಣಿಯ ಹಾಗೆ ಕಾಣಿಸಿಕೊಂಡಿದ್ದಾರೆ. ಕೆಂಪು ಬಣ್ಣದ ಜರಿ ಸೀರೆ ಧರಿಸಿ ಆಭರಣ ತೊಟ್ಟಿರುವ ಪುದುಕೋಟ್ಟೈ ರಾಣಿಯಾಗಿ ಐಶ್ವರ್ಯ ಮಿಂಚಿದ್ದಾರೆ.
ನಟಿ ರಮ್ಯಾ ಕೃಷ್ಣ
ನಟಿ ರಮ್ಯಾ ಕೃಷ್ಣ ದಮಯಂತಿಯಾಗಿ ಪೋಸ್ ನೀಡಿದ್ದಾರೆ. ದಮಯಂತಿ ಹಂಸದಿಂದ ನಳನ ಕಥೆಯನ್ನು ಗಮನವಿಟ್ಟು ಕೇಳುತ್ತಿರುವ ವರ್ಣ ಚಿತ್ರಕ್ಕೆ ಪೋಸ್ ನೀಡಿದ್ದಾರೆ.
'ಕನ್ನಡ ಚಿತ್ರಗಳ ಬಗ್ಗೆ ಹೆಚ್ಚು ಗೌರವ ಇದೆ' ಎಂದ ಕಮಲ್ ಪುತ್ರಿ ಶ್ರುತಿ ಹಾಸನ್
ನಟಿ ಶೋಭನ ಮತ್ತು ಖುಷ್ಬೂ
ನಟಿ ಶೋಭನ ರಾಜಾ ರವಿ ವರ್ಮ ಮಗಳು ಮಹಾಪ್ರಭಾ ಕಾಲಾಕೃತಿಗೆ ಜೀವತುಂಬಿದ್ದಾರೆ. ಇನ್ನು ನಟಿ ಖುಷ್ಬೂ ಸೇರಿದಂತೆ ಅನೇಕ ನಟಿಯರು ರವಿವರ್ಮ ಕಲಾಕೃತಿಯ ಹಾಗೆ ಕಾಸ್ಟ್ಯೂಮ್ ಧರಿಸಿ ವರ್ಣ ಚಿತ್ರದ ಹಾಗೆ ಪೋಸ್ ನೀಡಿದ್ದಾರೆ. ಈ ಫೋಟೋಶೂಟ್ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ.