'ಯಶೋಧ'ಳಾದ ಸಮಂತಾ: ಉತ್ತರಕ್ಕೆ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾದಿಂದ ಆತಂಕ!

'ಯಶೋಧ' ಸೂಪರ್‌ ನ್ಯಾಚುರಲ್ ಪವರ್

ಪ್ಯಾನ್ ಇಂಡಿಯಾ ಸಿನಿಮಾ 'ಯಶೋಧ' ವಿಡಿಯೋ ತುಣುಕು ಇಂದು( ಮೇ 05) ಬಿಡುಗಡೆಯಾಗಿದೆ. ಈ ತುಣುಕಿನಲ್ಲಿ ಸಮಂತಾ ನಿದ್ದೆಯಿಂದ ಎದ್ದೇಳುವ ದೃಶ್ಯವಿದೆ. ನಿದ್ದೆಯಿಂದ ಎದ್ದ ಬಳಿಕ ಸಮಂತಾ ಸುತ್ತಮುತ್ತ ಎಲ್ಲವೂ ಬದಲಾಗಿರುತ್ತೆ. ಬಳಿಕ ಎಲ್ಲಾ ದಿಕ್ಕುಗಳಲ್ಲೂ ಬಂದ್ ಆಗಿರುವ ದಾರಿ ಇಲ್ಲದ ಮನೆಯೊಳಗೆ ಬಂಧಿಯಾಗಿರುವುದನ್ನು ಪ್ರೇಕ್ಷಕರಿಗೆ ತೋರಿಸಲಾಗಿದೆ. ಈ ಚಿಕ್ಕ ತುಣುಕು 'ಯಶೋಧ' ಸಿನಿಮಾ ಸೂಪರ್‌ ನ್ಯಾಚುರಲ್ ಥ್ರಿಲ್ಲರ್ ಸ್ಟೋರಿ ಎಂಬುದನ್ನು ಸಾಬೀತು ಮಾಡಿದೆ.

ಸಮಂತಾ ಟ್ವಿಟರ್‌ನಲ್ಲೇ ಗುರಿ ಇಟ್ಟಿದ್ದು ಯಾರಿಗೆ? ನೆಟ್ಟಿಗರು ಗಾಬರಿಬಿದ್ದಿದ್ದೇಕೆ?

'ಯಶೋಧ' ಸಿನಿಮಾ ಸಮಂತಾ ಗರ್ಭಿಣಿ

'ಯಶೋಧ' ಟೀಮ್ ರಿಲೀಸ್ ಮಾಡಿದ ಚಿಕ್ಕ ತುಣುಕು ಹಲವು ಅನುಮಾನಗಳನ್ನು ಸೃಷ್ಟಿಸಿದೆ. ಈ ಸಿನಿಮಾದಲ್ಲಿ ಸಮಂತಾ ಒಂದು ಮನೆಯೊಳಗೆ ಬಂಧಿಯಾಗಿರುವ ಮಹಿಳೆ. ಅಲ್ಲದೆ ವಿಡಿಯೋ ನೋಡಿದಾಗ, ಸಮಂತಾ ಗರ್ಭಿಣಿ ಪಾತ್ರ ಮಾಡುತ್ತಿರಬಹುದೆಂಬ ಅನುಮಾನ ಮೂಡುತ್ತಿದೆ. ಬಂಧಿಯಾಗಿರುವ ಮನೆಯೊಳಗಿಂದ ಸಮಂತಾ ಎಸ್ಕೇಪ್ ಆಗುವುದೇ ಸಿನಿಮಾ ಕಥೆ ಇರಬಹುದು ಎಂದು ಅಂದಾಜಿಸಬಹುದಾಗಿದೆ.

ಸಮಂತಾ ಪ್ಯಾನ್ ಇಂಡಿಯಾ ಸ್ಟಾರ್

'ಯಶೋಧ' ಸಿನಿಮಾ ಶ್ರೀದೇವಿ ಪ್ರೊಡಕ್ಷನ್‌ನ 14ನೇ ಸಿನಿಮಾ. ಈ ಪ್ಯಾನ್ ಇಂಡಿಯಾ ಚಿತ್ರವನ್ನು ಹರಿ ಮತ್ತು ಹರೀಶ್‌ ಈ ನಿರ್ದೇಶಿಸಿದ್ದು, ಶಿವಲೆಂಕಾ ಕೃಷ್ಣ ಪ್ರಸಾದ್‌ ನಿರ್ಮಿಸಿದ್ದಾರೆ. "ಫ್ಯಾಮಿಲಿ ಮ್ಯಾನ್‌ 2 ವೆಬ್‌ ಸಿರೀಸ್‌ ಮೂಲಕ ಪ್ಯಾನ್‌ ಇಂಡಿಯಾ ಜನರನ್ನು ಸಮಂತಾ ತಲುಪಿದ್ದಾರೆ. ಆ ಒಂದು ಕಾರಣಕ್ಕೆ ಎಲ್ಲಿಯೂ ಕಾಂಪ್ರಮೈಸ್‌ ಆಗದೇ, ಎಲ್ಲೆಡೆ ಸಲ್ಲುವ ಸಿನಿಮಾ ಮಾಡಿದ್ದೇವೆ. ಈ ಸಿನಿಮಾದಲ್ಲಿ ಸಮಂತಾ ಡೆಡಿಕೇಷನ್‌ ತೆರೆಮೇಲೆ ಕಾಣಿಸಲಿದೆ. ಸಮಂತಾ ನಟನೆ ನೋಡುವುದೇ ಚಂದʼ ಎನ್ನುತ್ತಾರೆ. ಅಂದ್ಹಾಗೆ ಈ ಸಿನಿಮಾದಲ್ಲಿ ಸ್ಟಾರ್‌ಗಳ ದಂಡೇ ಇದೆ. ವರಲಕ್ಷ್ಮೀ ಶರತ್‌ಕುಮಾರ್‌, ಉನ್ನಿ ಮುಕುಂದನ್‌, ರಾವ್‌ ರಮೇಶ್‌, ಮುರಳಿ ಶರ್ಮಾ, ಸಂಪತ್‌ ರಾಜ್, ಶತ್ರು, ಮಧುರಿಮಾ, ಕಲ್ಪಿಕಾ ಗಣೇಶ್‌, ದಿವ್ಯಾ ಶ್ರೀಪಾದ್‌, ಪ್ರಿಯಾಂಕಾ ಶರ್ಮಾ ಸೇರಿ ಹಲವರು ನಟಿಸಿದ್ದಾರೆ.

ಆಗಸ್ಟ್ 12ಕ್ಕೆ 'ಯಶೋಧ' ರಿಲೀಸ್

'ಯಶೋಧ' ಸಿನಿಮಾ ಕ್ಲೈಮ್ಯಾಕ್ಸ್ ಅನ್ನು ಚಿತ್ರತಂಡ ಕೊಡೈಕೆನಾಲ್‌ನಲ್ಲಿ ಶೂಟ್ ಮಾಡಿದೆ. ಈಗಾಗಲೇ ಚಿತ್ರತಂಡ ಶೇ. 80ರಷ್ಟು ಶೂಟಿಂಗ್ ಮುಗಿಸಿದ್ದು, ಹೈದರಾಬಾದ್‌ನಲ್ಲಿ ಕೊನೆ ಹಂತದ ಶೂಟಿಂಗ್ ನಡೆಯುತ್ತಿದೆ. ಜೂನ್ 1ರ ಒಳಗೆ ಶೂಟಿಂಗ್ ಮುಗಿಸಿ, ಆಗಸ್ಟ್ 12ಕ್ಕೆ ಸಿನಿಮಾ ಬಿಡುಗಡೆ ಮಾಡಲು ಮುಂದಾಗಿದೆ. ಕೇವಲ ತೆಲುಗಿನಲ್ಲಿ ಮಾತ್ರವಲ್ಲದೆ, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿಯಲ್ಲೂ ಯಶೋಧ ಬಿಡುಗಡೆಯಾಗಲಿದೆ.