ಬದಲಾಗಿದ್ದೀನಿ ಆದರೆ ಬೇಸರವಿಲ್ಲ: ನಟಿ ತೋರಿದ ಧೈರ್ಯ

ಸಮೀರಾ ರೆಡ್ಡಿಗೆ ಸಂದೇಶ

ಸಮೀರಾ ರೆಡ್ಡಿಗೆ ಯಾರೋ ಸಾಮಾಜಿಕ ಜಾಲತಾಣದಲ್ಲಿ ಮೆಸೆಜ್ ಮಾಡಿದರಂತೆ. 'ನನಗೆ ಒಂದು ಮಗು ಇದೆ, ನಾನು ದಪ್ಪ ಕಾಣುತ್ತಿದ್ದೇನೆ, ಕಪ್ಪಗಾಗುತ್ತಿದ್ದೇನೆ, ಹೊಟ್ಟೆ ಬಂದಿದೆ, ನಾನು ಅಂದವಾಗಿ ಕಾಣುತ್ತಿಲ್ಲ' ಎಂದು. ಇದು ಸಮೀರಾ ರೆಡ್ಡಿಗೆ ಬೇಸರ ತರಿಸಿದೆ.

ಮೇಕಪ್ ರಹಿತವಾಗಿ ಕ್ಯಾಮೆರಾ ಮುಂದೆ

ಕೂಡಲೇ ಇನ್‌ಸ್ಟಾಗ್ರಾಂ ನಲ್ಲಿ ವಿಡಿಯೋ ಮಾಡಿ ಹಾಕಿದ ಸಮೀರಾ ರೆಡ್ಡಿ, ಮೇಕಪ್ ರಹಿತವಾಗಿ , ಬಿಳಿ ತಲೆಗೂದಲಿನೊಂದಿಗೆ, ಮುಖದ ಗುಳ್ಳೆಗಳ ಸಹಿತವಾಗಿ ಕ್ಯಾಮೆರಾ ಮುಂದೆ ಬಂದು' ನೀವು ಹೇಗಿದ್ದೀರೋ ಹಾಗೆಯೇ ಇರಿ. ವ್ಯಾಯಾಮ ಆರೋಗ್ಯಕ್ಕಾಗಿ ಮಾಡಿ ಅಂದಕ್ಕಾಗಿ ಮಾಡಬೇಡಿ' ಎಂದು ಸಂದೇಶ ನೀಡಿದ್ದಾರೆ.

ಉದಾಹರಣೆಯಾಗಿ ನೀಡಿದ ಸಮೀರಾ ರೆಡ್ಡಿ

ತಮ್ಮನ್ನೇ ಉದಾಹರಣೆಯಾಗಿ ನೀಡಿದ ಸಮೀರಾ ರೆಡ್ಡಿ, ಇದು ನನ್ನ ನಿಜ ಬಣ್ಣ, ನನ್ನ ಕೂದಲು ಬೆಳ್ಳಗಾಗಿವೆ, ಕತ್ತಿನ ಭಾಗದಲ್ಲಿ ಹೆಚ್ಚಿನ ಚರ್ಮ ಬೆಳೆದಿದೆ. ಹೊಟ್ಟೆ ದಪ್ಪಗಾಗಿದೆ ಎಂದೆಲ್ಲಾ ವಿಡಿಯೋದಲ್ಲಿ ಧೈರ್ಯವಾಗಿ ತೋರಿಸಿದ ಸಮೀರಾ ರೆಡ್ಡಿ, ಬಾಡಿ ಶೇಮಿಂಗ್‌ಗೆ ಹೆದರಿದವರಿಗೆ ಧೈರ್ಯ ತುಂಬುವ ಕಾರ್ಯ ಮಾಡಿದರು.

ಸಮೀರಾ ರೆಡ್ಡಿ ವಿಡಿಯೋಗೆ ಭಾರಿ ಮೆಚ್ಚುಗೆ

ಸಮೀರಾ ರೆಡ್ಡಿ ಅವರು ಈ ಧೈರ್ಯ ತುಂಬಿದ ವಿಡಿಯೋವನ್ನು ಸಾಕಷ್ಟು ಮಂದಿ ಮೆಚ್ಚಿದ್ದಾರೆ, ಹಲವಾರು ಮಂದಿ ಶೇರ್ ಮಾಡಿದ್ದಾರೆ. ನಟಿ ಸಮಂತಾ ಸಹ ಸಮೀರಾ ರೆಡ್ಡಿ ಅವರ ವಿಡಿಯೋವನ್ನು ಶೇರ್ ಮಾಡಿದ್ದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.