ಶ್ವೇತಾ ಬಸು ದಾಂಪತ್ಯದಲ್ಲಿ ಬಿರುಗಾಳಿ: ಪತಿಗೆ ವಿಚ್ಛೇದನ ನೀಡಿದ ನಟಿ

ಒಂದೇ ವರ್ಷದಲ್ಲಿ ಮುರಿದುಬಿತ್ತು ದಾಂಪತ್ಯ

ಡಿಸೆಂಬರ್ 13, 2018 ರಂದು ರೋಹಿತ್ ಮಿಟ್ಟಾಲ್ ಜೊತೆ ವಿವಾಹವಾಗಿದ್ದ ಶ್ವೇತಾ ಬಸು, ಸರಿಯಾಗಿ ವರ್ಷ ತುಂಬುವುದರೊಳಗೆ ತಮ್ಮ ದಾಂಪತ್ಯ ಜೀವನಕ್ಕೆ ಕೊನೆಯಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕುವ ಮೂಲಕ ಅಧಿಕೃತವಾಗಿ ದೂರವಾಗಿದ್ದೇವೆ ಎಂದು ಬಹಿರಂಗಪಡಿಸಿದ್ದಾರೆ.

ಸ್ವ ನಿರ್ಧಾರದಿಂದ ದೂರ ದೂರ

''ರೋಹಿತ್ ಮಿಟ್ಟಾಲ್ ಮತ್ತು ನಾನು ಸ್ವತಂ ನಿರ್ಧಾರದಿಂದ ಪರಸ್ಪರ ಒಪ್ಪಿಗೆಯಿಂದ ದೂರವಾಗುತ್ತಿದ್ದೇವೆ. ಕೆಲವು ತಿಂಗಳ ಹಿಂದೆಯಷ್ಟೇ ನಾವಿಬ್ಬರು ಒಮ್ಮತದಿಂದ ದೂರವಾಗಲು ನಿರ್ಧರಿಸಿದ್ವಿ'' ಎಂದು ಪತಿಯ ಬಗ್ಗೆ ಹಾಡಿ ಹೊಗಳಿದ್ದಾರೆ ನಟಿ ಶ್ವೇತಾ ಬಸು.

ಬೇರಯಾಗಲು ಕಾರಣ ಗೊತ್ತಿಲ್ಲ

ಮೇಲ್ನೋಟಕ್ಕೆ ಶ್ವೇತಾ ಬಸು ಮತ್ತು ರೋಹಿತ್ ಮಿಟ್ಟಾಲ್ ಪರಸ್ಪರ ಒಪ್ಪಿಗೆಯಿಂದ ಬೇರೆಯಾಗುತ್ತಿರುವುದು ನಿಜವಾದರೂ, ಈ ನಿರ್ಧಾರಕ್ಕೆ ಬರಲು ಅಸಲಿ ಕಾರಣ ಏನು ಎಂಬುದು ಗೌಪ್ಯವಾಗಿದೆ. ಯಾಕಂದ್ರೆ, ಇಬ್ಬರು ಪ್ರೀತಿಸಿ ಮದುವೆಯಾಗಿದ್ದರು. ಪ್ರೀತಿ ಮದುವೆಯಾಗಿದ್ದರೂ ವರ್ಷ ತುಂಬುವಷ್ಟರಲ್ಲಿ ದೂರವಾಗುವುದು ಅಂದ್ರೆ ಅಲ್ಲಿ ಸಾಕಷ್ಟು ಅನುಮಾನಗಳು ಕಾಡುತ್ತಿದೆ.

ರಾಷ್ಟ್ರ ಪ್ರಶಸ್ತಿ ವಿಜೇತೆ ಶ್ವೇತಾ

ಬಾಲನಟಿಯಾಗಿ ಗಮನ ಸೆಳೆದ ಶ್ವೇತಾ ಪ್ರಸಾದ್ ಮಕ್ಡಿ, ಇಕ್ಬಾಲ್ ಚಿತ್ರಗಳಲ್ಲಿ ಉತ್ತಮ ಅಭಿನಯ ನೀಡಿದ್ದರು. ಮಕ್ಡಿ ಚಿತ್ರದ ಚುನ್ನಿ ಪಾತ್ರಕ್ಕೆ ರಾಷ್ಟ್ರಪ್ರಶಸ್ತಿ, ಸ್ಟಾರ್ ಸ್ಕ್ರೀನ್ ಪ್ರಶಸ್ತಿ ಗಳಿಸಿದ್ದರು. ನಂತರ ಡರ್ನಾ ಜರೂರಿ ಹೈ(ಹಿಂದಿ), ಕೊತ್ತ ಬಂಗಾರು ಲೋಕಂ(ತೆಲುಗು), ಎಕ್ ನದೀರ್ ಗೊಲ್ಪೋ(ಬೆಂಗಾಳಿ) ಚಿತ್ರಗಳಲ್ಲಿ ನಟಿಸಿದ್ದರು. ಕೊನೆಯದಾಗಿ 'ದಿ ತಾಷ್ಕೆಂಟ್ ಫೈಲ್ಸ್' ಚಿತ್ರದಲ್ಲಿ ಶ್ವೇತಾ ನಟಿಸಿದ್ದರು.