ನಟ ಸಿಂಬು ಹೊಸ ಲವ್ ಸ್ಟೋರಿ ರಿವೀಲ್: ನವ ನಟಿ ಜೊತೆ ಒಂದೇ ಮನೆಯಲ್ಲಿ ಸಂಸಾರ!

ನಟಿ ನಿಧಿ ಅಗರ್ವಾಲ್ ಜೊತೆಗೆ ತಳುಕು ಹಾಕಿಕೊಂಡ ಸಿಂಬು ಹೆಸರು!

ಸೌತ್‌ ಚಿತ್ರ ರಂಗದಲ್ಲಿ ಸದ್ಯ ಬಿಸಿ, ಬಿಸಿಯಾಗಿ ಹರಿದಾಡುತ್ತಿರುವ ಸುದ್ದಿ ಅಂದರೆ ಅದು ನಟ ಸಿಂಬು ಮತ್ತು ನಿಧಿ ಅಗರ್ವಾಲ್ ಲವ್ ಸ್ಟೋರಿ. ಇವರಿಬ್ಬರು ಹಲವು ದಿನಗಳಿಂದ ಪ್ರೀತಿಸುತ್ತಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಈ ಹಿಂದೆ ನಟ ಸಿಂಬು ಹೆಸರು ಹಲವು ನಟಿಯರ ಜೊತೆಗೆ ಕೇಳಿ ಬಂದಿದೆ. ಅದರಲ್ಲಿ ಹೆಚ್ಚಾಗಿ ಸದ್ದು ಮಾಡಿದ್ದು, ನಯನತಾರ ಮತ್ತು ಹನ್ಸಿಕಾ ಮೊಟ್ವಾನಿ ಹೆಸರು. ಆದರೆ ಅವರೊಂದಿಗೆ ಸಿಂಬು ಹಲವು ಕಾರಣಕ್ಕೆ ಮುಂದಿವರೆದಿಲ್ಲ. ಆದರೆ ಈಗ ನಿಧಿ ಅವರನ್ನು ಸೀರಿಯಸ್‌ ಆಗಿ ಪ್ರೀತಿ ಮಾಡುತ್ತಿದ್ದಾರಂತೆ.

'ಈಶ್ವರನ್' ಚಿತ್ರದಿಂದ ಒಂದಾದ ಜೊಡಿ!

ಸಿಂಬು ಮತ್ತು ನಿಧಿ ಲವ್‌ ಸ್ಟೋರಿಗೆ ಬುನಾದಿ ಹಾಕಿದ್ದು ಈಶ್ವರನ್ ಸಿನಿಮಾ. ಈ ಚಿತ್ರದಲ್ಲಿ ಸಿಂಬು ನಿಧಿ ಒಟ್ಟಿಗೆ ತೆರೆ ಹಂಚಿಕೊಂಡಿದ್ದಾರೆ. ಈ ಚಿತ್ರದಿಂದಲೇ ಸಿಂಬು ಮತ್ತು ನಿಧಿ ಅಗರ್ವಾಲ್ ಇಬ್ಬರ ನಡುವೆ ಪ್ರೇಮ ಚಿಗುರೊಡೆದಿದೆಯಂತೆ. ಈ ಚಿತ್ರದ ಬಳಿಕ ಇಬ್ಬರು ಜೊತೆಯಾಗಿ ಓಡಾಡುತ್ತಿದ್ದಾರೆ. ಈ ಇಬ್ಬರ ಪ್ರೀತಿ, ಪ್ರೇಮ 'ಈಶ್ವರನ್' ಚಿತ್ರದ ಬಳಿಕವೂ ಮುಂದುವರೆದಿದೆ.

ಒಂದೇ ಮನೆಯಲ್ಲಿ ವಾಸ: ಲಿವ್ ಇನ್ ರಿಲೇಷನ್‌ನಲ್ಲಿ ಸಿಂಬು, ನಿಧಿ?

ಬರಿ ಪ್ರೀತಿ ಪ್ರೇಮ ಅಲ್ಲ, ಈ ಜೋಡಿ ಒಂದು ಹೆಜ್ಜೆ ಮುಂದೆ ಹೋಗಿ ಲಿವ್ ಇನ್ ರಿಲೇಷನ್‌ಶಿಪ್‌ನಲ್ಲಿ ಇದೆಯಂತೆ. ಹಾಗಾಗಿ ಸಿಂಬು ಮತ್ತು ನಿಧಿ ಹಲವು ದಿನಗಳಿಂದ ಒಂದೇ ಮನೆಯಲ್ಲಿ ವಾಸವಿದ್ದಾರಂತೆ. ಆದರೆ ಈ ಜೋಡಿ ಕೇವಲ ಪ್ರೀತಿ ಪ್ರೇಮ ಅಂತ ಸುತ್ತಾಡಿ ಸುದ್ದಿ ಆಗದೇ, ಮದುವೆ ಆಗಲು ನಿರ್ಧರಿಸಿದ್ದಾರಂತೆ. ಎರಡು ವರ್ಷಗಳ ಬಳಿಕ ಮದುವೆ ಆಗಲು ನಿರ್ಧಸಿದ್ದಾರಂತೆ ಸಿಂಬು ಮತ್ತು ನಿಧಿ ಅಗರ್‌ವಾಲ್.

ಗಾಸಿಪ್ ಬಗ್ಗೆ ಸ್ಪಷ್ಟನೆ ನೀಡುತ್ತಾ ಈ ಜೋಡಿ?

ನಟ ಸಿಂಬು ಮಾನಾಡು ಚಿತ್ರದ ಸಕ್ಸಸ್ ಖುಷಿಯಲ್ಲಿ ಇದ್ದಾರೆ. ಜೊತೆಗೆ ಮುಂದಿನ ಚಿತ್ರಕ್ಕೆ ರೆಡಿ ಆಗುತ್ತಿದ್ದಾರೆ. ಇತ್ತ ನಿಧಿ ಕೂಡ ಸಾಲು ಸಾಲು ಚಿತ್ರಗಳಲ್ಲಿ ಬ್ಯುಸಿ ಆಗಿದ್ದಾರೆ. ಈ ನಡುವೆ ಇವರ ಲವ್‌ ಕಹಾನಿಯ ಬಗ್ಗೆ ಹೆಚ್ಚಿನ ಸುದ್ದಿಗಳು ಹರಿದಾಡುತ್ತಿವೆ. ಆದರೆ ಈ ಗಾಸಿಪ್‌ಗೆಲ್ಲಾ ಬ್ರೇಕ್‌ ಬೀಳಬೇಕು ಎಂದರೆ ಇಬ್ಬರಲ್ಲಿ ಒಬ್ಬರು ಬಾಯ್ಬಿಡಬೇಕು.