ಸೆಟ್‌ಗೆ ಬಂದ ಸೋನು ಸೂದ್‌ ಅನ್ನು ಸನ್ಮಾನಿಸಿದ ಪ್ರಕಾಶ್ ರೈ ಮತ್ತು ತಂಡ

ಕಂದಿರಿಗ 2 ಚಿತ್ರೀಕರಣ ಸೆಟ್‌ನಲ್ಲಿ ಸನ್ಮಾನ

ಸಂತೋಶ್ ಶ್ರೀನಿವಾಸ್ ನಿರ್ದೇಶಿಸುತ್ತಿರುವ 'ಕಂದಿರಿಗ 2' ತೆಲುಗು ಸಿನಿಮಾದ ಚಿತ್ರೀಕರಣಕ್ಕೆಂದು ಸೋನು ಸೂದ್ ಆಗಮಿಸಿದ್ದಾಗ ಹೀಗೆ ಚಿತ್ರತಂಡವು ಪ್ರೀತಿ ಪೂರ್ವಕ ಗೌರವನ್ನು ಸೋನು ಸೂದ್‌ ಗೆ ತೋರಿಸಿದೆ.

ಸಿನಿಮಾದ ವಿಲನ್ ಪಾತ್ರದ ಬದಲಾವಣೆ!

ಲಾಕ್‌ಡೌನ್ ಗೆ ಮುನ್ನವೇ ಕಂದಿರೀಗ 2 ಸಿನಿಮಾಕ್ಕೆ ಸೋನು ಸೂದ್ ಅವರ ಆಯ್ಕೆ ಆಗಿತ್ತಂತೆ. ಆದರೆ ಕೊರೊನಾ ಸಮಯದಲ್ಲಿ ಸೋನು ಸೂದ್ ರ ಇಮೇಜ್ ಬದಲಾಗಿರುವ ಕಾರಣ, ಸಿನಿಮಾದಲ್ಲಿ ಸಹ ಸೋನು ಸೂದ್‌ರ ಪಾತ್ರವನ್ನು ಬದಲಾಯಿಸಲಾಗಿದೆಯಂತೆ.

ಕಂದಿರಿಗ 2 ವಿಲನ್ ಆಗಿದ್ದ ಸೂನು ಸೂದ್

ಕಂದಿರಿಗ 2 ಸಿನಿಮಾದ ಮುಖ್ಯ ವಿಲನ್ ಆಗಿದ್ದ ಸೋನು ಸೂದ್ ಗೆ ಭಿನ್ನ ಮಾದರಿಯ ಪಾತ್ರ ಈಗ ನೀಡಲಾಗಿದೆಯಂತೆ. ಅವರ ಸಂಭಾಷಣೆಯನ್ನು ಬದಲು ಮಾಡಲಾಗಿದೆಯಂತೆ. ಒಳ್ಳೆಯ ಶೇಡ್ ಇರುವ ಪಾತ್ರವನ್ನಾಗಿ ಅವರ ಪಾತ್ರವನ್ನು ಬದಲಾಯಿಸಲಾಗಿದೆ ಎನ್ನಲಾಗುತ್ತಿದೆ.

Recommended Video

ಜೊತೆ ಜೊತೆಯಲಿ ಮೇಘ ಶೆಟ್ಟಿಗೆ ಬಂತು ಬಂಪರ್ ಆಫರ್ | Filmibeat Kannada

ಕೊರೊನಾ ಲಾಕ್‌ಡೌನ್ ಸಮಯದ ಹೀರೋ ಸೋನು ಸೂದ್

ಕೊರೊನಾ ಲಾಕ್‌ಡೌನ್ ಸಮಯದಲ್ಲಿ ವಿವಿಧ ರಾಜ್ಯಗಳಲ್ಲಿ ಸಿಲುಕಿಕೊಂಡಿದ್ದ ಸಾವಿರಾರು ಮಂದಿ ಕಾರ್ಮಿಕರನ್ನು ತಮ್ಮ ಸ್ವ-ಊರುಗಳಿಗೆ ತಲುಪಲು ಸೋನು ಸೂದ್ ನೆರವಾದರು. ರೈಲು, ವಿಶೇಷ ಬಸ್ಸು, ವಿಮಾನಗಳಲ್ಲಿ ಕಾರ್ಮಿಕರನ್ನು ವಾಪಸ್ ಮನೆಗೆ ಕಳಿಸಿದ್ದರು ಸೋನು. ಅಷ್ಟೇ ಅಲ್ಲದೆ, ಉಚಿತ ಆಹಾರ, ದಿನಸಿ ವಿತರಣೆಯನ್ನು ಪ್ರತಿದಿನವೂ ಮಾಡಿದ್ದರು.