ವಿಶ್ವದ ಬೆಸ್ಟ್ ವೆಜ್ ಬಿರಿಯಾನಿ ತಿನಿಸಿದ್ರಿ: KTR ಆತಿಥ್ಯಕ್ಕೆ ಸೋನು ಸೂದ್ ಫಿದಾ

ಬಿರಿಯಾನಿ ತಿನ್ನೋಣ ಎಂದಿದ್ದ ಕೆಟಿಆರ್

ಸನು ಸೂದ್ ಟ್ವೀಟ್‌ಗೆ ಪ್ರತಿಯಾಗಿ ಕೆಟಿಆರ್ "ತೆಲಂಗಾಣಕ್ಕೆ ಬಂದಾಗ ಭೇಟಿಯಾಗೋಣ, ಹೈದರಾಬಾದ್ ಬಿರಿಯಾನಿ ತಿನ್ನೋಣ" ಎಂದಿದ್ದರು. ಅದರಂತೆ ಸೋನು ಸೂದ್ ತೆಲಂಗಾಣಕ್ಕೆ ಭೇಟಿ ನೀಡಿದಾಗ ಕೆಟಿಆರ್ ಕಚೇರಿಗೆ ಹೋಗಿದ್ದಾರೆ. ಕೆಲವು ಸಮಯ ಮಾತುಕತೆ ನಡೆಸಿದ್ದಾರೆ. ಕೆಲವು ವಿಚಾರಗಳ ಬಗ್ಗೆ ಚರ್ಚಿಸಿದ್ದಾರೆ. ಕೆಟಿಆರ್, ರಿಯಲ್ ಹೀರೋಗೆ ವೆಬ್ ಬಿರಿಯಾನಿ ಊಟವನ್ನು ಉಣಬಡಿಸಿ, ಪ್ರೀತಿಯಿಂದ ಸತ್ಕರಿಸಿ ಕಳುಹಿಸಿದ್ದಾರೆ.

ಕೆಟಿಆರ್ ಆತಿಥ್ಯ ಹಾಡಿಹೊಗಳಿದ ಸೋನು ಸೂದ್

ಕೆಟಿಆರ್ ಆತಿಥ್ಯವನ್ನು ಸೋನು ಹಾಡಿಹೊಗಳಿದ್ದಾರೆ. ವೆಜ್ ಬಿರಿಯಾನಿಗೆ ಫಿದಾ ಆಗಿದ್ದಾರೆ. ಕೆಟಿಆರ್ ಭೇಟಿಯ ಫೋಟೋ ಶೇರ್ ಮಾಡಿ "ನಿಮ್ಮ ಆತಿಥ್ಯ ಹೇಳಲು ಪದಗಳೇ ಸಿಗುತ್ತಿಲ್ಲ" ಎಂದಿದ್ದಾರೆ. ಸೋನು ಸೂದ್ ಈ ಟ್ವೀಟ್‌ಗೆ ಪ್ರತಿಯಾಗಿ "ಭೇಟಿ ತುಂಬಾ ಖುಷಿಯಾಯಿತು ಸಹೋದರ" ಎಂದು ಕೆಟಿಆರ್ ಪ್ರತಿಕ್ರಿಯೆ ನೀಡಿದ್ದಾರೆ.

ವಿಶ್ವದ ಬೆಸ್ಟ್ ವೆಜ್ ಬಿರಿಯಾನಿ ಎಂದ ಸೋನು

ಮತ್ತೆ ಇದಕ್ಕೆ ಪ್ರತಿಯಾಗಿ ಸೋನು ಸೂದ್, "ವಿಶ್ವದ ಬೆಸ್ಟ್ ವೆಜ್ ಬಿರಿಯಾನಿ ಉಣಬಡಿಸಿದ್ದಕ್ಕೆ ಧನ್ಯವಾದಗಳು ಸಹೋದರ. ನಾನು ಈಗ ಅಧಿಕೃತವಾಗಿ ಹೇಳುತ್ತೇನೆ ಆತಿಥ್ಯ ನೀಡುವಲ್ಲಿ ನೀವು ತೆಲಂಗಾಣಕ್ಕೆ ಬೆಸ್ಟ್" ಎಂದು ಹೊಗಳಿದ್ದಾರೆ.

Recommended Video

ಡ್ಯಾನ್ಸರ್ ಗಳಿಗೆ ಫುಡ್ ಕಿಟ್ ಕೊಟ್ಟು ಮೆಚ್ಚುಗೆ ಪಡೆದ Nikhil Kumaraswamy | Oneindia Kannada

ಟ್ವಿಟ್ಟರ್ ಮಾತುಕತೆ ವೈರಲ್

ಇಬ್ಬರ ಟ್ವಿಟ್ಟರ್ ಮಾತುಕತೆ ಅಭಿಮಾನಿಗಳ ಗಮನ ಸೆಳೆದಿದೆ. ತೆಲಂಗಾಣದ ಬೆಸ್ಟ್ ವೆಜ್ ಬಿರಿಯಾನಿ ಹೊಗಳಿದ ಸೋನು ಸೂದ್‌ಗೆ ತೆಲುಗು ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಇಬ್ಬರ ಟ್ವೀಟ್ ಮಾತುಕತೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.