'ನಾನು ಸಮಂತಾಳಂತೆ ಆಗಬೇಕು': ಕೀರ್ತಿ ಸುರೇಶ್ ಶೇರ್ ಮಾಡಿದ ಫ್ಯಾನ್ ವಿಡಿಯೋಗೆ ನೆಟ್ಟಿಗರು ಕಮೆಂಟ್ ಏನು?

ಕೀರ್ತಿ ಸುರೇಶ್ ಶೇರ್ ಮಾಡಿದ ವಿಡಿಯೋದಲ್ಲಿ ಏನಿದೆ?

ಕೀರ್ತಿ ಸುರೇಶ್ ಸಿನಿಮಾದ ಚಿತ್ರೀಕರಣವೊಂದರಲ್ಲಿ ಬ್ಯುಸಿಯಾಗಿದ್ದಾರೆ. ಶೂಟಿಂಗ್ ವೇಳೆ ಬಿಡುವು ಸಿಕ್ಕಾಗ ಕೀರ್ತಿ ಸುರೇಶ್ ಪುಟ್ಟ ಬಾಲಕಿಯೊಬ್ಬಳ ವಿಡಿಯೋವನ್ನು ಮಾಡಿದ್ದರು. ಈ ವಿಡಿಯೋವನ್ನು ಸಮಂತಾಗೂ ಶೇರ್ ಮಾಡಿದ್ದರು. ವಿಡಿಯೋದಲ್ಲಿ ಬಾಲಕಿ "ನಾನು ಮುಂದೆ ಸಮಂತಾಳಂತೆ ಆಗುತ್ತೇನೆ." ಎಂದಿದ್ದಳು. ಸಮಂತಾ ಕೂಡ ಖುಷಿಯಿಂದಲೇ ಈ ವಿಡಿಯೋಗೆ ಪ್ರತಿಕ್ರಿಯಿಸಿದ್ದರು. ಆದರೆ, ಸಮಂತಾ ಅಭಿಮಾನಿಗಳಿಗೆ ಮಾತ್ರ ಈ ವಿಡಿಯೋ ಇಷ್ಟ ಆಗಲಿಲ್ಲ. ಅದಕ್ಕೆ ಕಮೆಂಟ್ ಮೇಲೆ ಕಮೆಂಟ್ ಮಾಡುತ್ತಿದ್ದಾರೆ.

ಪುಟ್ಟ ಅಭಿಮಾನಿ ಹೇಳಿದ್ದು ಏನು?

ಕೀರ್ತಿ ಸುರೇಶ್ ಕ್ಯೂಟ್ ಆಗಿರುವ ಪುಟ್ಟ ಬಾಲಕಿಯನ್ನು ಶೂಟಿಂಗ್ ಬಿಡುವಿನ ವೇಳೆ ಮಾತಾಡಿಸಿದ್ದರು. ಕೀರ್ತಿ ಸುರೇಶ್ ಹಾಗೂ ಸಮಂತಾ ಪುಟ್ಟ ಅಭಿಮಾನಿ ನಡುವೆ ನಡೆದ ಕೆಲವೇ ಸೆಕೆಂಡುಗಳ ಸಂಭಾಷಣೆ ಸಮಂತಾ ಅಭಿಮಾನಿಗಳಿಗೆ ಇಷ್ಟ ಆಗಿದೆ. "ನೀನು ಬೆಳೆದು ದೊಡ್ಡವಳಾದ ಮೇಲೆ ಏನಾಗಲು ಬಯಸುತ್ತೀಯಾ? ಎಂದು ಕೀರ್ತಿ ಸುರೇಶ್ ಪ್ರಶ್ನೆ ಮಾಡಿದ್ದರು. ಆಗ ಸಮಂತಾ ಫ್ಯಾನ್" ನಾನು ಚಮಂತಾ (ಸಮಂತಾ)ಳಂತೆ ಆಗಬೇಕು" ಅಂತ ಹೇಳಿದ್ದಳು. ಅದೇ ವಿಡಿಯೋವನ್ನು ಖುಷಿಯಲ್ಲಿ ಕೀರ್ತಿ ಸುರೇಶ್ ಶೇರ್ ಮಾಡಿದ್ದರು.

ಬಾಲಕಿ ವಿಡಿಯೋಗೆ ಸಮಂತಾ ಪ್ರತಿಕ್ರಿಯೆ

ಸಮಂತಾ ಪುಟ್ಟ ಅಭಿಮಾನಿ ವಿಡಿಯೋ ಶೇರ್ ಮಾಡಿ, "ನಿನ್ನ ಡೈ ಹಾರ್ಡ್ ಫ್ಯಾನ್, ಚಮಂತಾ, ನೀನು ಈಕೆಯನ್ನು ಒಮ್ಮೆ ಭೇಟಿ ಆಗಲೇಬೇಕು" ಎಂದು ಕೀರ್ತಿ ಸುರೇಶ್ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದರು. ಈ ವಿಡಿಯೋಗೆ ಸಮಂತಾ ಕೂಡ ಫುಲ್ ಖುಷಿಯಿಂದಲೇ ಪ್ರತಿಕ್ರಿಯೆ ನೀಡಿದ್ದರು. "ಈ ಕ್ಯೂಟಿ ಯಾರು" ಎಂದು ಕಮೆಂಟ್ ಮಾಡಿದ್ದರು. ತನ್ನ ಪುಟ್ಟ ಫ್ಯಾನ್ ಕಂಡು ಸಮಂತಾ ಹಿಗ್ಗಿದ ಈ ವಿಡಿಯೋ ನೆಟ್ಟಿಗರಿಗೆ ಇಷ್ಟ ಆಗಿಲ್ಲ. ಸಮಂತಾ ವಿರುದ್ಧ ಕಮೆಂಟ್‌ಗಳ ಮೇಲೆ ಕಮೆಂಟ್ ಮಾಡುತ್ತಿದ್ದಾರೆ.

ಸಮಂತಾ ವಿರುದ್ಧ ನೆಟ್ಟಿಗರು ಕಿಡಿ

ಸಮಂತಾ ಕ್ಯೂಟ್ ಫ್ಯಾನ್ ವಿಡಿಯೋಗೆ ನೋಡಿ ನೆಟ್ಟಿಗರು ಉರಿದು ಬೀಳುತ್ತಿದ್ದಾರೆ. "ಯಾಕೆ ಸಮಂತಾ ರೀತಿ ಆಗಬೇಕು ಅಂತ ಬಯಸುತ್ತಾರೆ. ಒಂದೊಳ್ಳೆ ಕುಟುಂಬವನ್ನು ಬಿಟ್ಟು ಬಂದಿದ್ದಾರೆ. ಕೌಟುಂಬಿಕ ಜೀವನವನ್ನು ಹದಗೆಡಿಸಿಕೊಂಡಿದ್ದಾರೆ." ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬರು " ಈಕೆ ಅಗತ್ಯವಿಲ್ಲದ ಬೋಲ್ಡ್ ರೋಲ್‌ಗಳಲ್ಲಿ ಒಂದರ ಹಿಂದೊಂದರಂತೆ ನಟಿಸುತ್ತಿದ್ದಾಳೆ. ವಿಚ್ಛೇದನ ಬಳಿಕ ಎಲ್ಲಾ ಕಡೆ ಸುತ್ತುತ್ತಿದ್ದಾಳೆ." ಎಂದು ಕಮೆಂಟ್ ಮಾಡಿದ್ದಾರೆ. ವಿಚ್ಛೇದನ ಬಳಿಕ ಸಮಂತಾರನ್ನೇ ಟಾರ್ಗೆಟ್ ಮಾಡುತ್ತಿರುವುದಕ್ಕೂ ಸೋಶಿಯಲ್ ಮೀಡಿಯಾದಲ್ಲಿ ವಿರೋಧ ವ್ಯಕ್ತವಾಗಿದೆ.