Don't Miss!
- News ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Finance ಆರ್ಬಿಐ ಡೆಪ್ಯುಟಿ ಗವರ್ನರ್ ರಬಿ ಶಂಕರ್ ಸೇವಾವಧಿ ವಿಸ್ತರಣೆ
- Automobiles Honda: ಹೊಸ ಮೈಲಿಗಲ್ಲು: ಈ ಭಾಗಗಳಲ್ಲಿ ಹೋಂಡಾ ದ್ವಿಚಕ್ರ ವಾಹನಗಳ ಅಬ್ಬರ
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಬಾಹುಬಲಿ 3' ಬಗ್ಗೆ ಮತ್ತೆ ಟಾಲಿವುಡ್ನಲ್ಲಿ ಚರ್ಚೆ: ರಾಜಮೌಳಿ ಕೊಟ್ಟ ಸುಳಿವು ಏನು?
ದಕ್ಷಿಣ ಭಾರತದ ಮೂವಿ ಮಾಂತ್ರಿಕ ರಾಜಮೌಳಿ ಸಿನಿಮಾಗಳ ಬಗ್ಗೆ ವಿಶೇಷವಾಗಿ ಹೇಳಬೇಕಿಲ್ಲ. 'ಬಾಹುಬಲಿ' ಸಿನಿಮಾ ಬಳಿಕ ರಾಜಮೌಳಿ ವಿಶ್ವದಾದ್ಯಂತ ಸದ್ದು ಮಾಡುತ್ತಿದ್ದಾರೆ. ಭಾರತದ ಬಾಕ್ಸಾಫೀಸ್ನಲ್ಲಿ 'ಬಾಹುಬಲಿ' ಸೀರಿಸ್ ಆ ಮಟ್ಟಿಗೆ ಸದ್ದು ಮಾಡಿತ್ತು.
'ಬಾಹುಬಲಿ' ಬಳಿಕ ರಾಜಮೌಳಿ ನಿರ್ದೇಶಕ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ RRR. ಈ ಸಿನಿಮಾ ಕೂಡ ವಿಶ್ವ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ರಾಜಮೌಳಿಯನ್ನು ಹಾಲಿವುಡ್ ನಿರ್ದೇಶಕರೊಂದಿಗೆ ಗುರುತಿಸಲಾಗುತ್ತಿದೆ.
'ಬಾಹುಬಲಿ 3' ಬಗ್ಗೆ ರಾಜಮೌಳಿ ಸುಳಿವು?
ಅಮೆರಿಕದಲ್ಲಿ RRR ಸಿನಿಮಾ ಸಖತ್ ಸೌಂಡ್ ಮಾಡಿತ್ತು. ನೆಟ್ಫ್ಲಿಕ್ಸ್ನಲ್ಲಿ ರಿಲೀಸ್ ಆದ ಬಳಿಕ ವಿದೇಶದಲ್ಲಿ ಈ ಸಿನಿಮಾಗೆ ಮತ್ತಷ್ಟು ಫ್ಯಾನ್ ಫಾಲೋವಿಂಗ್ ಶುರುವಾಗಿದ್ದಾರೆ. ಇತ್ತೀಚೆಗೆ ರಾಜಮೌಳಿ ಈ ಸಿನಿಮಾ ವಿಚಾರಕ್ಕೆ ಸಂಬಂಧಿಸಿದಂತೆ ಪ್ರಯಾಣ ಮಾಡುತ್ತಿದ್ದು, ಮಾಧ್ಯಮಗಳೊಂದಿಗೆ ಸಂವಾದದಲ್ಲಿ ಭಾಗಿಯಾಗುತ್ತಿದ್ದಾರೆ. ಈ ವೇಳೆ 'ಬಾಹುಬಲಿ 3' ಬಗ್ಗೆ ಸುಳಿವು ನೀಡಿದ್ದಾರೆ.
ಯಂಗ್ ರೆಬೆಲ್ ಸ್ಟಾರ್ ಪ್ರಭಾಸ್ ಹಾಗೂ ಅನುಷ್ಕಾ ಶೆಟ್ಟಿ ಕಾಂಬಿನೇಷನ್ಗೆ ಮರುಳಾಗಿದ್ದ ಪ್ರೇಕ್ಷಕರಿಗೆ ಮತ್ತೆ 'ಬಾಹುಬಲಿ' ನೋಡುವ ತವಕವಿದೆ. ಹೀಗಾಗಿ ರಾಜಮೌಳಿಗೆ 'ಬಾಹುಬಲಿ 3' ಸಿನಿಮಾ ಬಗ್ಗೆ ಪ್ರಶ್ನೆ ಎದುರಾಗಿತ್ತು. ಇಲ್ಲಿವರೆಗೂ ಏನೂ ಹೇಳದ ರಾಜಮೌಳಿ ಈಗ ಚಿಕ್ಕದೊಂದು ಸುಳಿವು ಬಿಟ್ಟುಕೊಟ್ಟಿದ್ದಾರೆ.
'ಬಾಹುಬಲಿ 3'ಗೆ ಕ್ಲ್ಯೂ ಏನು?
ಇತ್ತೀಚೆಗೆ ರಾಜಮೌಳಿ ನೀಡಿದ ಸಂದರ್ಶನದಲ್ಲಿ ಸಿಕ್ಕಾಪಟ್ಟೆ ಡಿಮ್ಯಾಂಡ್ನಲ್ಲಿರೋ 'ಬಾಹುಬಲಿ 3' ಸಿನಿಮಾ ಬರುತ್ತೆ ಎಂದು ಸುಳಿವು ನೀಡಿದ್ದಾರೆ. ಮಾಧ್ಯಮಗಳೊಂದಿಗೆ ಮಾತಾಡುವಾಗ ರಾಜಮೌಳಿ 'ಬಾಹುಬಲಿ 3' ಸಿನಿಮಾ ಮಾಡುವ ಪ್ಲ್ಯಾನ್ ಇದೆ ಎಂದು ಹೇಳಿದ್ದಾಗಿ ಟಾಲಿವುಡ್ ಮಾಧ್ಯಮಗಳು ವರದಿ ಮಾಡಿವೆ.
ಸಂದರ್ಶನದಲ್ಲಿ ರಾಜಮೌಳಿ 'ಬಾಹುಬಲಿ 2' ಸಿನಿಮಾದ ಕ್ಲೈಮ್ಯಾಕ್ಸ್ ಬಗ್ಗೆ ಮಾತಾಡಿದ್ದಾರೆ. 'ಬಾಹುಬಲಿ 2' ಸಿನಿಮಾದಲ್ಲಿ ಮಾತ್ರ ಓಪನ್ ಎಂಡಿಂಗ್ ಇದೆ. 'ಬಾಹುಬಲಿ 2' ಕ್ಲೈಮ್ಯಾಕ್ಸ್ನಲ್ಲಿ ಬಾಲಕಿಯೊಬ್ಬಳು ಮಹೇಂದ್ರ ಬಾಹುಬಲಿ ಆಳ್ವಿಕೆ ಬಗ್ಗೆ ಪ್ರಶ್ನೆ ಮಾಡುತ್ತಾಳೆ ಅಲ್ಲಿಂದ ಸಿನಿಮಾ ಶುರುವಾಗುತ್ತೆ ಎನ್ನಲಾಗಿದೆ. ಇದೇ ಪಾರ್ಟ್ 3ಗೆ ರಹದಾರಿ ಎನ್ನಲಾಗಿದೆ.
ಸದ್ಯ ರಾಜಮೌಳಿ RRR ಸಕ್ಸಸ್ನಲ್ಲಿ ಅಲೆದಾಡುತ್ತಿದ್ದಾರೆ. ಇದರೊಂದಿಗೆ ಮುಂದಿನ ಸಿನಿಮಾಗೂ ತಯಾರಿ ನಡೆಸಿದ್ದಾರೆ. ಈಗಾಗಲೇ ಮಹೇಶ್ ಬಾಬು ಜೊತೆ ರಾಜಮೌಳಿ ಸಿನಿಮಾ ಮಾಡೋದು ಬಹುತೇಕ ಖಚಿತ ಅನ್ನೋದು ಗೊತ್ತಾಗಿದೆ. ಸಿನಿಮಾ ಸೆಟ್ಟೇರೋವರೆಗೂ ಈ ಕ್ಯೂರಿಯಾಸಿಟಿ ಹಾಗೇ ಮುಂದುವರೆಯುತ್ತೆ.