ಅಂದು ಮೆಗಾಸ್ಟಾರ್ ಗೆ ನಾಯಕಿಯಾಗಿದ್ದ ಸುಹಾಸಿನಿ ಇಂದು ಸಹೋದರಿಯಾಗಿ ನಟಿಸುತ್ತಿದ್ದಾರೆ

ಮೆಗಾ ಸ್ಟಾರ್ ಜೊತೆ ಸುಹಾಸಿನಿ

ಮೆಗಾ ಸ್ಟಾರ್ ಮತ್ತು ಸುಹಾಸಿನಿ ಜೋಡಿ ಈಗಾಗಲೆ ಸಾಕಷ್ಟು ಸಿನಿಮಾಗಳಲ್ಲಿ ಮಿಂಚಿದ್ದಾರೆ. ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರುವ ಈ ಜೋಡಿ ಮತ್ತೆ ತೆರೆಮೇಲೆ ಬರುತ್ತಿದೆ ಅಂದ್ರೆ ಅಭಿಮಾನಿಗಳು ಕುತೂಹಲ ಮತ್ತಷ್ಟು ಹೆಚ್ಚಾಗಿರುತ್ತೆ. ಅನೇಕ ವರ್ಷಗಳ ಬಳಿಕ ಇಬ್ಬರು ಒಟ್ಟಿಗೆ ತೆರೆಮೇಲೆ ಬರುತ್ತಿದ್ದಾರೆ. ಚಿತ್ರದ ಬಗ್ಗೆ ಕೇಳಿ ಸುಹಾಸಿನಿ ಖುಷಿಯಿಂದ ಸಿನಿಮಾ ಒಪ್ಪಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ಚಿರಂಜೀವಿಗೆ ತಂಗಿ ಆಗಿ ಸುಹಾಸಿನಿ ಅಭಿನಯ

ನಟಿ ಸುಹಾಸಿನಿ, ಚಿರಂಜೀವಿ ಜೊತೆ ನಾಯಕಿಯಾಗಿ ಮಿಂಚಿದ್ದಾರೆ. ಆದರೆ ಇದೆ ಮೊದಲ ಬಾರಿಗೆ ಚಿರಂಜೀವಿಯ ತಂಗಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮಲಯಾಳಂನಲ್ಲಿ ನಟಿ ವಂಜು ವಾರಿಯರ್ ನಿಭಾಯಿಸಿದ್ದ ಪಾತ್ರದಲ್ಲಿ ಸುಹಾಸಿನಿ ಮಿಂಚಲಿದ್ದಾರೆ. ಮಂಜು ವಾರಿಯರ್, ನಟ ಮೋಹನ್ ಲಾಲ್ ಸಹೋದರಿಯಾಗಿ ಕಾಣಿಸಿಕೊಂಡಿದ್ದರು.

ವಿಜಯಶಾಂತಿ ಮಾಡಬೇಕಿದ್ದ ಪಾತ್ರ

ನಟಿ ಸುಹಾನಿಗೂ ಮೊದಲು ಈ ಪಾತ್ರವನ್ನು ನಟಿ ವಿಜಯಶಾಂತಿ ಬಳಿ ಮಾಡಿಸಲು ಚಿತ್ರತಂಡ ನಿರ್ಧರಿಸತ್ತು. ಆದರೆ ಕಾರಣಾಂತರಗಳಿಂದ ವಿಜಯಶಾಂತಿ ಸಿನಿಮಾದಿಂದ ದೂರ ಉಳಿದರು. ಆ ನಂತರ ನಾಯಕನ ಸಹೋದರಿಯ ಪಾತ್ರಕ್ಕೆ ಸುಹಾಸಿನಿಯನ್ನು ಕೇಳಿಕೊಂಡಾಗ ಕಥೆ ಕೇಳಿ ಇಂಪ್ರೆಸ್ ಆಗಿ ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ಸಾಹೋ ನಿರ್ದೇಶಕನ ಸಾರಥ್ಯಲ್ಲಿ ಬರ್ತಿದೆ ಸಿನಿಮಾ

ಲೂಸಿಫರ್ ತೆಲುಗು ರಿಮೇಕ್ ಗೆ ಸಾಹೋ ಖ್ಯಾತಿಯ ನಿರ್ದೇಶಕ ಸುಜಿತ್ ಆಕ್ಷನ್ ಕಟ್ ಹೇಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಮೊದಲು ನಿರ್ದೇಶಕ ಸುಕುಮಾರ್ ಸಾರಥ್ಯದಲ್ಲಿ ಲೂಸಿಫರ್ ಸಿನಿಮಾ ಮೂಡಿ ಬರಲಿದೆ ಎಂದು ಹೇಳಲಾಗುತ್ತಿತ್ತು. ಆದರೀಗ ಸುಜಿತ್ ನಿರ್ದೇಶನ ಮಾಡಲಿದ್ದಾರಂತೆ. ಈಗಾಗಲೆ ಸುಜಿತ್ ಪ್ರಿ-ಪ್ರೊಡಕ್ಷನ್ ನಲ್ಲಿ ಬ್ಯುಸಿಯಾಗಿದ್ದಾರಂತೆ.