ಕೊರೊನಾ ಭೀತಿ: ನಟ ನಿತಿನ್ ಮದುವೆ ಮುಂದೂಡಿಕೆ

ಫೆಬ್ರವರಿ ತಿಂಗಳಲ್ಲಿ ನಿಶ್ಚಿತಾರ್ಥವಾಗಿತ್ತು

38 ವರ್ಷದ ನಿತಿನ್ ಅವರಿಗೆ ಫೆಬ್ರವರಿ ತಿಂಗಳಲ್ಲಿ ಶಾಲಿನಿ ಎಂಬುವರೊಂದಿಗೆ ನಿಶ್ಚಿತಾರ್ಥ ನಡೆದಿತ್ತು. ಮದುವೆ ಸಮಾರಂಭ ಏಪ್ರಿಲ್ 16 ರಂದು ನಿಶ್ಚಯಿಸಲಾಗಿತ್ತು, ಆದರೆ ಕೊರೊನಾ ಕಾರಣದಿಂದ ಮದುವೆ ಮುಂದೂಡಲ್ಪಟ್ಟಿದೆ.

ದುಬೈನಲ್ಲಿ ಆಯೋಜಿಸಿದ್ದರು ಆರತಕ್ಷತೆ

ಮದುವೆ ಮಾತ್ರವಲ್ಲದೆ ಏಪ್ರಿಲ್ ಅಂತ್ಯದಲ್ಲಿ ದುಬೈ ನಲ್ಲಿ ಅದ್ಧೂರಿ ಆರತಕ್ಷತೆಯನ್ನು ಸಹಾ ಆಯೋಜಿಸಲಾಗಿತ್ತು, ಆದರೆ ದುಬೈನಲ್ಲಿ ಕೊರೊನಾ ತಾಂಡವವಾಡುತ್ತಿರುವ ಕಾರಣ ಆರತಕ್ಷತೆ ಸಹ ಮುಂದೂಡಲ್ಪಟ್ಟಿದೆ.

ಹುಟ್ಟುಹಬ್ಬ ಆಚರಿಸಿಕೊಳ್ಳದ ನಿತಿನ್

ನಿನ್ನೆ ಮಾರ್ಚ್ 30 ರಂದು ನಿತಿನ್ ಅವರ ಹುಟ್ಟುಹಬ್ಬವಿತ್ತು, ಆದರೆ ಕೊರೊನಾ ಎಲ್ಲೆಡೆ ಕೊರೊನಾ ಭೀತಿ ಇರುವ ಕಾರಣ ಅವರು ತಮ್ಮ ಹುಟ್ಟುಹಬ್ಬ ಸಹ ಆಚರಿಸಿಕೊಂಡಿಲ್ಲ. ಕೇವಲ ಸಾಮಾಜಿಕ ಜಾಲತಾಣದಲ್ಲಿ ತಮಗೆ ಶುಭಾಶಯ ತಿಳಿಸಿದವರಿಗೆ ಧನ್ಯವಾದ ಹೇಳಿದ್ದಾರಷ್ಟೆ.

ಹತ್ತು ಲಕ್ಷ ಚೆಕ್ ನೀಡಿದ ನಟ ನಿತಿನ್

ಕೊರೊನಾ ವಿರುದ್ಧ ಹೋರಾಡಲು ನಿತಿನ್ ನೆರವು ನೀಡಿದ್ದು, ತೆಲಂಗಾಣ ಸಿಎಂ ಕೆಸಿಆರ್ ಅವರನ್ನು ಭೇಟಿಯಾಗಿ 10 ಲಕ್ಷ ರೂಪಾಯಿ ಚೆಕ್ ವಿತರಣೆ ಮಾಡಿದ್ದಾರೆ. ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.

ಭರ್ಜರಿ ಹಿಟ್ ನೀಡಿರುವ ಖುಷಿಯಲ್ಲಿ ನಿತಿನ್

ನಿತಿನ್ ಅವರ ಕೊನೆಯ ಚಿತ್ರ ಭೀಷ್ಮ ಭರ್ಜರಿ ಹಿಟ್ ಆಗಿದೆ. ಈ ಚಿತ್ರದಲ್ಲಿ ಕನ್ನಡತಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದರು. ನಿತಿನ್ ಮುಂದಿನ ಚಿತ್ರ 'ರಂಗ್ ದೇ' ಜೊತೆಗೆ ಹಿಂದಿಯ ಅಂಧಾದುನ್ ಸಿನಿಮಾ ರೀಮೇಕ್‌ ನಲ್ಲಿ ಸಹ ಅವರು ನಟಿಸುತ್ತಿದ್ದಾರೆ.